-بيت الجد عوض-
عروب بغرفة شِيام ومنسدحه على سريرها وتبكي
الجده تفتح الباب وتدخل لها: اختك عروس يابنتي ماماتت بعيد الشر عنها ليه تبكين
عروب تحضن جدتها : بسس ماتفارقنا ولا بيوم واليوم اول يوم بدون شِيام جدتي بشتاق لها
الجده : ياحبيبة جدتك وبكره انتي بعد تتزوجين وتروحين والحمدلله ان ازواجكم قرايب وبتقابلين اختك كل شوي
عروب تقوم من حضن جدتها وتمسح دموعها : ايه بخلي باهي بعد يسكن ببيت جدهم ومانتفارق انا وشِيام
الجده تضحك: ايه لاتبكين مره ثانيه الله يسعدها شِيام ويحفظها وين ماتروح
عروب: امميين ويبعد عنها كل شر
الجده: يللا نامي وارتاحي
عروب تبوس راس جدتها : الله يخليك ليي
تطلع الجده وتتسطح عروب وتطالع للسقف: مدري بيجيني نوم ولا لا
يدق جوالها "باهي"
عروب تبتسم وترد : وش مصحيك ؟
باهي يضحك: والله التفكير فيك
عروب: ووش تفكر فيه
باهي : افكر كيف بيكون زواجنا واول يوم مع بعض
عروب تكح: انت ليه كذا دفش مهد لي الكلام وش زواجنا واول يوم قول ملكتنا
باهي يضحك: والله اني ناوي اسوي مثل ساري مايحتاج الملكه تطول ابي زواج على طول
عروب تبي تستفزه: لا لا مابي بسرعه
باهي : لييه ؟
عروب تضحك: كذا بس مابي بسرعه
باهي : انتي تبيني اسكن تحت بيتكم لين توافقين
عروب : طيب بوافق بس بشرط
باهي : امري وتدللي
عروب تضحك : كل يوم تصبح علي بصوتك
باهي والسعاده طاغيه عليه: بسس؟ والله لو تبين ٢٤ ساعه مااقفل
عروب : وفيه شرط ثاني بعد
باهي بضحكه: اشوف الشروط كثرت
عروب : تكون انت طيار اول رحله لنا مع بعض
باهي يضحك : من عيونني وايش بعد
عروب: بسس
باهي: طيب تجهزي بعد شهر بتكون اول رحله لنا
عروب تعدل جلستها : انت تمزح صح ولا النوم مأثر عليك
باهي : لا والله اني ماامزح
عروب توترت : طيب يللا اقفل ابي انام انا
باهي عرف انها توترت:احبك ونوم العوافي واحلام سعيده لنا
عروب تضحك : وانا بعد احبك ويللا نام واحلم فيني
باهي : انا احلم فيك وانا صاحي كيف لما انام
عروب : لهالدرجة ؟
باهي : ايه واكثثر والله اني احبك
عروب تاخذ نفس عميق : حبيبي الله لايحرمني منك
باهي : امييين ولا يحرمني من هالصوت الحلو يللا نامي وارتاحي اكيد من امس مانمتي
عروب : ايه والله واشتقت لشِيام من اليوم ماقدرت انام
باهي يضحك: بعد شهر وانتي بعد عروس
عروب: يللا يللا اقفل بنام باي حبيبي "وتقفل"
باهي : والله اني احبك واحب كل شي فيك
عروب تتنفس بعمق وتحط يدها على قلبها: غبيي يعرف كيف يخلي قلبي مايهدأ
..
بيت نيّاف
الجوهره : نمت؟
نيّاف: على وشك ليه وش فيك؟
الجوهره تتنهد: احس مشعل سوا شي لأنسام وهي تخبي علينا
نيّاف يفز ويجلس قبالها: وش سوا ؟ والله ان اكسر راسه
الجوهره: لاتنفعل حبيبي اقولك احس
نيّاف: وش اللي خلاك تحسين بهالشي؟
الجوهره: مدري والله بس اتمنى احساسي يخيب لأن مشعل مثل ولدي وانا مربيته مع شِيام وعروب واعرف اخلاقه وانه مستحيل يضر احد
نيّاف يبتسم ويحضن الجوهره: لاتقلقين اذا فيه شي بنعرفه وانتي تعرفين اني مااسمح لأحد يأذي انسام لو بكلمه
الجوهره : الله يخليك لنا
نيّاف: يللا ننام وريحي راسك من هالافكار
-عند انسام-
متسطحه وتطالع يدها وتتنهد وتكلم نفسها : مشععل ابي اعذبك مثل ماعذبتني بس ماقدرت انساك ولا اقسى عليك واليوم عرفت اني باقي احبك ولا اقدر اخليك لغيري
..
الساعه ١ الظهر واول يوم لساري وشِيام مع بعض
شِيام صاحية وتطالع ساري اللي نايم جنبها وتتأمله وهو نايم وتبتسم وتتلمس وجهه بيدها
ساري اللي حس عليها بس يبي يعرف وش بتسوي ومافتح عيونه
شِيام تتنفس بعمق وتنزل لخده وتعطيه بوسه
ساري يفتح عيونه ويبتسم: وش ناويه عليه ؟
شِيام توترت وتلف بتقوم: انا بقوم اسوي لنا قهوه
ساري يسحبها لحضنه ويصير راسها بصدره: مابي قهوه ابيك انتي
شِيام تتسارع دقات قلبها وترفع راسها وتطالع رقبته اللي قريبه منها لدرجة تحس بأنفاسه وترفع راسها شوي وتطالع عيونه بدون ماتتكلم
ساري اللي يحس بدقات قلبها وهي بحضنه ويبوسها من جبينها : قهوتنا بتكون بالمطار
شِيام تقوم من حضنه وتقابل له وهو متسطح وهي جالسه : مابتقول لي وين بنروح؟
ساري يبتسم: بتعرفين بس تجهزي وانا بعد بقوم اتجهز
شِيام تقرب من عيونه : وين بتوديني ؟ مابتجهز لين اعرف
ساري يضحك: طلعتي فضولية بعد يادكتوره مو بس متهوره
شِيام تطالعه بنظرات التهديد وتقرب منه: مستغني عن لسانك؟
ساري : اييه اذا عشانك استغني عنه
شِيام تقوم من السرير وتوقف وتطالعه : عقاب لك اليوم كله لاتكلمني ولا تقرب مني "وتطلع من الغرفه"
ساري يقوم بسرعه ويلحقها : لا والله وش هالعقاب من اول يوم زواجنا
شِيام : والله عاد هذا اللي عندي عشان تعرف كيف تقول عني متهوره
ساري يقرب ويحضنها : طيب واذا اعتذرت؟
شِيام تفك نفسها وتبتسم : حبيبي لاتحاول مافي اعتذارك مرفوض
ساري يبتسم ويمسك يدها : قصي لساني سوي اللي تبينه فيني انا ملكك وحلالك لو تبين تعلقيني من رجولي راضي ومستعد لأي شي يرضيك
شِيام تقرب وتبوسه مره ثانيه من خده : وانا اقدر ازعل منك يامحققي المهبول
ساري اللي ضاع من بوستها ويطالعها بتأمل وحب ويمرر سبابته على وجهها ويرفع شعرها لورا اذنها : احمد الله عليك كل يوم الف مره
شِيام اللي جاتها رجفه من لمسته لوجهها وتحس قلبها بيوقف من سرعة دقاته : ماتبي نجهز ونتقهوى بالمطار؟
ساري يضحك : ايه يللا ترى رحلتنا ٤ العصر
شِيام تطالع الساعه : الساعه الحين ١ ونص
ساري: ايه على بال مانتجهز ونسلم الغرفه يكون الوقت راح
شِيام : طيب لسى مارح تقولي وين بنروح؟
ساري: لا خليني اصر على قراري لاتطالعيني كذا
شِيام: وتقول عني عنيده والله انك انت العنيد
ساري يبتسم: عنيد وعنيده وين المشكله
شِيام تضحك: يللا لانتأخر وتروح تجهز نفسها
ساري بصوت عالي : والله اني اححبك
شِيام ترد عليه بصوت عالي: وانا امووت فييك
ساري يضحك ويكلم نفسه : والله لو مو ورانا طياره بس
..
بيت الجد عبدالعزيز
ابو ساري : يابنت الحلال وشو له هالدموع ولدك عريس ماراح يجاهد ادعي له بالتوفيق والسعاده
ام ساري : الله يوفقه ويحميه ويسعده بس اول يوم مايصبح علي فيه ساري ويبوس راسي
ابو ساري : والله ياهيله من اليوم تعودي ان ولدك عنده زوجه وحياه وعائله ويمكن احياناً مايمديه يجي يسلم عليك كل صبح
ام ساري : قلت له يسكن معنا هنا قال بيشوف وانا مااقدر اخليه يعيش بعيد عني تعرف وحيدي مااقدر اخليه يبعد
ابو ساري: لاتغصبينه على شي مايبيه صح بيت ابوي يكفي وشقة ساري موجوده وجاهزه بس خليه على راحته
ام ساري : ولدي بيعيش معاي هذا اخر كلام عندي
ابو ساري : والله من سوالفكم يالحريم انا بنزل عند ابوي
الجد عبدالعزيز : الله يحفظك ياساري ماقال وين بيروح شهر العسل ؟
راشد: لا والله ياجدي ماقال لي الله يسعده وين مايكون
الجد عبدالعزيز: وانت ياولدي متى تبي نفرح فيك
راشد: انا اتفقت معهم بعد مايكمل هاني سنه بعد ٧ شهور ان شاء الله
الجد عبدالعزيز : مايصير تطول الخطوبه وتعلق البنت ٧ شهور انت ترضى لكن يمكن اهلها مايرضون
راشد يتنهد : بس مااقدر اسوي زواج واخوي ماله ٥ شهور متوفي
الجد عبدالعزيز: ياولدي لو فيه شي بيرجع كان وقفنا حياتنا لين يرجع
راشد : اشوف بعدين ياججدي تبي شي انا بطلع الحين عندي دوام
الجد عبدالعزيز : الله يفرح قلبك ياراشد
ابو راشد وابو طارق جايين من برا
الجد عبدالعزيز: كيف الشغل ماشي ؟
ابو طارق: الحمدلله وطارق وياسر ماقصروا قاموا بالشغل
الجد عبدالعزيز : الحمدلله والله يوفقهم ويكبرون الشغل اكثر
ابو ساري : مساك الله بالخير يبه
الجد عبدالعزيز : مساك الله بالنور هاه عسى كلمك ساري وسافر ولا بعد
ابو ساري : ايه والله كلمني وقال انهم رايحين المطار
الجد عبدالعزيز : الله يحفظه
-عند الاء وياسر-
ياسر اللي لخبطته الاء بعد ماقالت له ماعاد ابيك ويرسل لها ويدق ولا ترد قرر يكلم اثير تناديها
اثير : هلا ياسر وش فيك ؟
ياسر: اسف ازعجتك بس ممكن تنادين الاء ابي اكلمها خليها تجي للصاله اللي فوق
اثير : طيب
الاء اللي جالسه ومندمجة بتصاميمها اللي وقفتها بعد مامات اخوها
اثير تدق الباب : ياست الحسن ياسر يبي يكلمك حطيتوني مرسال لكم
الاء : ومين قال ابي اكلمه
اثير: كلميه شوفي وش يبي بيصير زوجك بعد اقل من شهرين
الاء: تستهبلين صح مو قلت لك مارح اتزوجه هالخاين
اثير : يللا عاد ع طول حطيتيه خاين تعالي يقول ينتظرك بالصاله فوق
الاء بعصبيه : نشوف لهالخاين وش يبي وتطلع
ياسر يدور حول نفسه وياكل اظافره يبي يعتذر من الاء
الاء تجي من وراه : خير نعم وش تبي ؟
ياسر يفز ويقرب منها : ابي اعرف اذا انتي منجدك ماعاد تبيني ؟
الاء: جايبني من غرفتي وملهيني عن شغلي عشان بس تسألني هالسؤال ؟ اييه مابيك
ياسر يمسك يدها : وش اللي ماتبيني انا ابيك بعد ماحبيتك تقولين ماابيك؟
الاء تفك يده: روح لأفنان حقتك ذي تليق عليك وتعرف تلعب معك
ياسر يبتسم: تغارين وتقولين ماتبيني ؟
الاء: لا مااغار انت مين عشان اغار عليك؟
ياسر : زوجك انا ولا نسيتي
الاء: ايه نسيت ولا عاد تكلمني ولا تناديني
ياسر يوقف قدامها : انا مااعرفها وكانت بس تلعب بنفس القيم وقريت اسمها وناديتها مو يعني احبها
الاء: وش اسوي طيب؟ تحبها ولا ماتحبها وشدخلني انا حياتك وانت حر
ياسر : حياتنا وانا مااحب الا انتي وباقي على زواجنا شهر وثلاث اسابيع
الاء اللي توترت من اعترافه وماتبي تبين : زواج مين اقولك خلاص انتهى
ياسر : لا ماانتهى وانتي بتصيرين زوجتي وام عيالي وانا احبك ولا اقدر اخليك واذا تبين ماعاد العب في اي قيم انتي امري وانا انفذ بس لاتقولين انك ماتبيني
الاء تتنهد: اذا قلت لك اترك اللعب واهتم بشغلك ومستقبلنا بتسوي هالشي؟
ياسر: اييه اتركهه واترك ابوه ولو تبين كسرت الشاشه بعد
الاء: لا حبيبي الشاشه انا بكسرها على راسك لو شفتك تلعب مع افنان او غيرها
ياسر يضحك: اكسريها على راسي لو لعبت مره ثانيه اصلاً
الاء تبتسم : اييه اسويها ترى
ياسر : طاح الحطب؟
الاء بدلع : اييه وهالحطب لو غلطت بتنضرب فيه
ياسر : احب الغيوره انا
الاء ارتبكت : يللا انا بروح اكمل شغلي وتمشي بسرعه من عنده
ياسر يطالعها وتلتفت له وتعطيه بوسه بالهواء ، ياسر اللي ماحس انه بيحب الاء بيوم طاح ومحد سمّى عليه ينزل من الدرج وهو رايق ويغني " كنت في حلمي فراشه وانت في حلمي حقيقه "
الاء تدخل غرفتها : طلع هو بعد حبني مثل ماحبيته وانا اللي كنت احسب اني مستحيل احبه في يوم
****************************************
انتهى البارت واذا فاضين اكتبولي انزل البارت الجاي ونستعد للإقلاع✈️
أنت تقرأ
نظرتك كانت بحر ونظرتي كانت غريق
ChickLitالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
