[9]

                                    

                                          
(စာကြည့်တိုက်သွားပြီးအိပ်မဲ့အချိန်တွေဖဲ့ပြီးရေးပေးထားတာ ရေးရကျိုးနပ်အောင် မန့်လေးတွေရောရေးသွားကြပါရှင်း😾💙)
.......


" ဒုဂိုဏ်းချုပ်... အကျဉ်းခန်းထဲကသွမ့်ယွီကိုတစ်ယောက်ယောက်သတ်သွားပြီ "
ချီကျွင်းအကြီးအကဲ၏စကားက ဘာကိုဆိုလိုမှန်းသဘောပေါက်ဖို့  ကျော်ယိချန်အချိန်အတန်ကြာယူလိုက်ရသည်။ သွမ့်ယွီကအသတ်ခံလိုက်ရတယ်ဆိုတာက ဘာကိုဆိုလိုပါသနည်း။ ဒါဆိုသွမ့်ယွီပြောတာအမှန်တွေပေါ့။ တကယ်ပဲချင်းဖုန်းဂိုဏ်းရဲ့လက်ချက်မဟုတ်ဘူးပေါ့။ ဘာတွေဖြစ်ကုန်တာလဲ ကျော်ယိချန်လိုက်မမှီတော့ပါ။ 
" ဘာတွေဖြစ်ကုန်တာလဲ ရှောင်ကျော်.... "
လီလွင်ကသူ့ဘေးနားလာရပ်ကာ ပုခုံးပေါ်လက်တင်လာသည်။ သူ့လက်ထဲမှာ  ရှစ်ရှုန်းရဲ့ဟန်ရှင်းကိုဆုပ်ကိုင်လို့ထား၏။ ဓားရိုးကိုတင်းကျပ်နေအောင်ဆုပ်ကိုင်ထားလို့  လက်ဆစ်တွေတောင်ဖြူလို့နေပြီး သွေးကြောများက ပြိုင်းထလို့နေသည်။ 
" သွမ့်ယွီလက်ချက်မဟုတ်ရင်  ရှစ်ရှုန်းကိုထိခိုက်အောင်လုပ်တာဘယ်သူလဲ... ကျွန်တော်မစဉ်းစားတတ်တော့ဘူး လီလွင် "
ကျန်းနန်မှာရှိတဲ့နေရာအစုံဂိုဏ်းပေါင်းများစွာက တောင်သခင်ကျူးယန့်ဆိုလျှင်  ချစ်ကြောက်ရိုသေကြသည်။ ကျောက်ယွမ်ကျိုးကအခုမှ ၃၂နှစ်သာ ရှိသေးပေမဲ့  ဂိုဏ်းချုပ်တစ်ယောက်မှာရှိသင့်တဲ့အရည်အချင်းထက်သာလွန်တဲ့ လုပ်နိုင်စွမ်းအပြည့်နဲ့သူ။ ပါးစပ်ကထုတ်ပြီးမကြေငြာပေမဲ့  ကျန်းနန်မှာအာဏာရှိတဲ့ပုဂ္ဂိုလ်ဆိုတာ လူတိုင်းသိသည်။ 
နောက်ပြီးကျောက်ယွမ်ကျိုးက အဲ့ဒီအာဏာဆိုတဲ့အရာကိုလည်း သဘောကျလှတဲ့သူမဟုတ်။ လူတိုင်းတန်းတူညီမျှအခွင့်အရေးပေးပြီး သိုင်းလောကကြီးငြိမ်းချမ်းဖို့ရှေးရှုတတ်တဲ့ ကရုဏာတရားတွေပဲရင်ထဲထည့်ထားတတ်တဲ့ သူတစ်ယောက်ဖြစ်သည်။ အဲ့ဒီအချက်ကပဲ သိုင်းလောကကိုခြယ်လှယ်ချင်တဲ့သူတွေကို  တားဆီးထားတဲ့ မဟာတံတိုင်းကြီးလိုဖြစ်နေခဲ့ခြင်းသာ။