بيت الجد عوض
الجد : علامك ياعروب ؟
عروب ماتبي تقلقهم انها دخلت المستشفى: ولا شي ياجدي بس انتظر شِيام
الجده مليحه : والله انها خبصت قلبي يوم قالت عروب فيها شي وطلعت بسرعه
عروب تبتسم : وانا مافييني شي ياجده
مشعل جاي من برا : وش هالجو ليه مكتئبين ؟ ويطالع عروب وش فيك وجهك اصفر
عروب : مافيني شي
مشعل يجلس ع الكنب اللي مقابلها : متأكده ؟ صاير شي ؟
عروب تهمس : اذا جات شِيام نقولك
الجد عوض : وش فيكم تتساسرون ليكون شِيام فيها شي
مشعل: لا والله ياجدي مافيها شي بس تعرف عروب تتنمر علي كالعاده
شِيام تدخل للبيت وهي مثقله بكل هموم الدنيا وكل الذكريات السيئه وكل اللي مرت فييه وان ابوها ضربها وقدام الناس وقدام ساري بالذات وفوق هذا كله تكابر وتبتسم : مساكم الله بالخير
الجده مليحه : مساك الله بالرضا والنور تعالي وتضمهاا وشِيام كأن حضن جدتها الامان الوحيد من ضجيج الدنيا
شِيام : والله اني احبك ياجده
الجده مليحه : وانا احبك ياروح جدتك
الجد عوض : تحبين جدتك بس وجدك ؟
شِيام تبتسم : واححبك يااحلى جد يااماني بهالدنيا
الجد يطالعها ويطالع عروب : انتوا فيكم شي؟ احد مضايقكم
شِيام : لا ياجدي بس تعبانين نبي ننام تبون شي ؟
عروب : وانا بعد بطلع غرفتي ارتاح وتغمز لمشعل يعني الحقنا
مشعل : وانا بعد ياجده بنام ويسوي انه بيدخل غرفته تحت ويتسلل ويلحق البنات فوق
شِيام تدخل غرفتها ووراها عروب ومشعل
مشعل : ترى سببتولي قولون وش فيكم وش صاير ؟
عروب :وائل مسكوه بتهمه جنائيه وتهريب مخدرات
مشعل : اي وائل؟ اخخوكم؟؟
شِيام : اييه كنا نتواصل معه من زمان خساره انه ولد ابوي واسماء غيير عنهم
مشعل : اييه وحقيقي مهرب ؟
عروب : لا يقول فيه ناس غدروا به
مشعل : وعطاكم اسمائهم ؟
شِيام : ايه عمر وماجد جيراننا اللي جنب بيت ابوي زمان تذكرهه ؟
مشعل: اييه تذكرت اصلا ابو عمر كان مهرب اتذكر الشباب كانوا يتكلمون عنه
عروب : اسألك بالله وتعرف اسمه ووينه فيه ابوه الحين
مشعل : والله اني مدري تبون بكره اروح اسأل عنهم ؟
شِيام : طيب وانا وعروب بنروح معك
مشعل: تمام ماعندي مشكله اي وقت تبون
شِيام : خلها بعد الظهر او قرب العصر
عروب : تبين نكلم خالي ؟ اكيد عنده اخويا يساعدوننا
شِيام : لا لا مانبي نشغله ونخليه يقلق اذا انضغطنا وماعرفنا نتصرف بكلمه
مشعل : طيب ووائل وش قضيته الجنائيه؟
شِيام : صادم واحد ومات المحقق المسؤول يكون ولد عم الضحيه
عروب : احلففي وانا اقول ليه دخل هالهمج يوم رحت له
مشعل يطالع عروب : مين الهمج ؟ احد قالك شي او هاوشك؟ والله ان اذبحه بمكانه
عروب تضحك: مافيي شي ومين يقدر يتجرأ علي وعندي اخت ملاكمه
مشعل : وولد عم ينسند عليه ولا ماتعترفين فيني
عروب : الا اعتزز فييك يااخوي اللي ماجابته امي
مشعل زعل مايبيها تشوفه مثل اخوها ويقوم
شِيام : وش فيك قمت
مشعل: لا بس بنزل غرفتي قبل يفتقدني جدي وتجهزوا بكره ان شاء الله نطلع ندور سالفة عمر وماجد ويروح
عروب تطالع شِيام بإستغراب: وش فيه انقلب فجأه المهم وش صار يوم رحتي لوائل؟
شِيام تتنهد: شفت ابوي وزوجته هناك وضربني كف مااستحى من الناس ماقال بنتي اللي من سنين ماشفتها لا لسى نفس ماهو
عروب تقرب منها وتحضنها: اب زي هذا مانبيه الحمدلله ربي عوضنا بحنية جدي وخالي وجدتي مانحتاجه
شِيام تحاول ماتبكي وتبعد عن حضن عروب : وش صار لك اليوم ؟ ليه ضاق نفسك ؟
عروب : تعرفين اختك ابوها وزوجته معقدينها من الاماكن الضيقه والمغلقه وضاق نفسي وماحسيت بنفسي الا بالمستشفى
شِيام : رانيا تقول ان احد من اهل الضحيه هو اللي ساعدك وشالك للسياره
عروب : والله اني مااتذكر شي بس يللا طلع احد منهم فيه خير
شِيام تبتسم وتحضن عروب : يللا قومي نامي ورانا يوم طويل بكره
عروب: تصبحين ع خير وتطلع
شِيام تاخذ نفس وتنزل دموعها اللي كانت تداريها وقاومتها وتمسح دموعها بقوه : انا ماني شِيام الصغيره اللي تخاف انا كبرت وصغرت مخاوفي وتقوم تغير لبسها
................................
مرت ايام عزاء هاني وصار بيت الجد عبدالعزيز ال غياث هادي وحزيين
ابو ساري : لاتسوي كذا بنفسك لاتعترض ع مشيئة الله لازم تاكل ولازم تقوى عشان عيالك الباقي وعشان زوجتك اذا انت منهار كذا كيف هي
ابو راشد والدموع بعيونه : قول لي كيف بقدر اعيش وانا مااشوف هاني يدخل من هالباب بضحكته ووجه البشوش ويبشرني انه بيصير لاعب
الجد عبدالعزيز جاي من غرفته والحزن بقلبه وعيونه : كلنا ع هالطريق وانا ابوك وهذا يومه ماتقدم ولا تأخر ساعه
ابو طارق : لا تنسى ان البنات وراشد ساندين عليك لو طحت بيطيحون سيطر على نفسك مانقولك لاتحزن لكن لازم تكون صبور
يجي راشد وهو تعبان ومرهق مارح يرتاح لين يعرف مين اللي صدم اخوه
ابو راشد يقوم ويمسكه : وين قاتل هاني ؟ للحين ماانحكم عليه بشي ؟ ودني انا اللي بقتله بيديني
راشد يمسك ابوه : للحين يبه وفيه اطراف بالقضيه مو بس هو
ابو راشد: يعني تبون تبرون قاتل ولدي ؟
ابو ساري : راشد اطلع ارتاح ونام لك شوي لاتطيح من الارهاق
راشد : مافيني شي ياعمي بس وين ساري ابي اسأله عن شي
ابو ساري : والله للحين ماجاء هو بعد الثاني ماعاد ينام ومايرجع بدري
الجد عبدالعزيز : اللي صدم هاني بياخذ جزاته اليوم او بكره مارح نتنازل عن حق ولدنا
راشد: ورح تنضاف له قضية تهريب مخدرات وان القتل عمد لأنه عرف اني اخو هاني وبمكافحة المخدرات
يدخل ساري مرهق بعد : مساكم الله بالخير
الجد عبدالعزيز : مساك الله بالنور هاه بشر وش صار ع اللي صدم هاني
ساري يتنهد : للحين مافي جديد ونشوف لسى لشهود وادله زياده
ابو راشد يقوم وبعصبيه : وش له الشهود والادله ولا تبون تماطلون بحق ولدي ؟؟؟
ساري : ياعمي الدنيا ماهي سايبة مانقدر نظلم احد وندخله مكان المتهم الحقيقي
ابو راشد : والله ياساري ان طلعته ان ازعل ومااكون عمكك ويروح
راشد ماعلق وقام
ساري : قول لي ياجدي وش اسوي ؟ اسجن واحد مظلوم عشان عمي يرضى ؟
الجد عبدالعزيز : يشهد الله اننا مانبيك تظلم احد لكن مو تقولون ان السياره له وهو كان فيها
ساري : اييه بس للحين مااعترف وييقول انه مغدور ماسوا شي
ابو طارق : وش مغدور هذا يبي يهرب بفعلته
ابو ساري يحط يده ع كتف ساري : ياولدي لاتظلم احد نام مظلوم ولا تنام ظالم
ساري يتنهد احتار بالقضيه اكثثر ويقوم : تبون شي ؟ بقوم غرفتي ويروح
ابو ساري : الله يدلك على الطريق الصح وماتظلم احد
الجد عبدالعزيز : اللهم امين ويبعد عنه كل شر
.................................................
بيت الجد عوض
الجده مليحه: انا متأكده انهم مخبين شي عني كل يوم يطلعون سوا ومايروحون دواماتهم
الجد عوض : والله اني قلقان عليهم ليكون صاير شي ومايبون يقولون لنا
يدخلون مشعل وعروب وشِيام
الجد : تعالوا اجلسوا هنا قدامي
مشعل : هلا ياجدي
شِيام تطالع عروب وتتوتر
الجد : انتم وش عندكم ؟ وش مخبين علينا ؟
شِيام: مافي شي ياجدي لاتقلق
عروب : اييه صح مافي شي
الجده مليحه : تفكرون اننا بنصدقكم لو قلتوا كذا ؟
شِيام ماقدرت تخبي اكثر : والله ياجده وائل دخل السجن واحنا نبي نطلعه
عروب ومشعل بصوت واحد : شِيييام
شِيام تطالعهم : اصلا كذا ولا كذا بيعرفون بالنهايه هو حفيدهم
الجد: وليه بالسجن وكيف عرفتوا ووصلتوا له ؟
الجده : اييه اخر مره شفتوه وهو بعمر الشهر كيف تقابلتوا وكييف وصلتوا له
شِيام : والله ياجده كان يكلمنا من زمان ويقابلنا وفيه خير ماطلع مثل ابوي واسماء
عروب : ايه وهو مظلوم عشان كذا قررنا نساعده وانا بمسك قضيته ومشعل وشِيام بيساعدوني ادور على اللي غدروا فيه
الجد: ولقيتوهم؟
مشعل : جدي تذكر ابو عمر جيران عمي يوسف لما مسكوه كان مهرب ؟ عمر ولده دورنا عليهم بالحاره يقولون انهم مختفين من وقت الحادث يعني شكل الموضوع جد
عروب : انا لازم اطلعه وهو واثق فيني
شِيام : وانا بعد معك لازم تثبتين انه بريء
مشعل : وانا اكيد معكم بس تبون نكلم خالكم ؟ اخاف يزعل لو درى من غيرنا
شِيام : بس مدري اخاف خالي مايرضى نساعده
عروب : لا مااعتقد بس بكلمه وتمسك جوالها وتدق
نيّاف: هلا بحبيبة خالها كيفك وكيف شِيام مختفين مالكم حس
عروب : هلا فيك ياخالي والله موجودين لكن ابيك بموضوع
نيّاف: امريني وش تبين؟
عروب : تتذكر وائل اخونا ولد اسماء ؟
نيّاف: اييه وش فيه ؟
عروب: دخل السجن وانا ماسكة قضيته
نيّاف عصب: وانتتي ليه مسكتي قضية اللي امه عدوتكم يدورون محامي غيرك
عروب : مو ابوي ولا زوجته اللي كلموني هو وائل طلبني وانا ماقدرت ارفضه
نيّاف: وشِيام عندها علم ؟
عروب: ايه ياخالي وبتساعدني بعد لين نطلعه
نيّاف: واذا ماقدرتي تطلعينه بيرجع ابوكم عليكم ابعدوا عنهم حبيبتي انتي لاتتدخلون فيهم
عروب : بس ياخالي
نيّاف: انا ماني راضي تمسكين هالقضيه وماني مرتاح تبون ترجعون المشاكل لحياتكم ؟
عروب: لا بس هو فعلا بريء وقال انهم ملفقين له التهمه
نيّاف : عطيني شِيام اذا هي جنبك
عروب تناول شِيام الجوال
شِيام : هلا ياخالي
نيّاف: تبون تساعدون ولد اسماء اللي خاله راكان وانتي تعرفين وش سوو فيك ولا نسيتي
شِيام تتنهد: لا مانسيت بس وائل ماله دخل ياخالي والله انه طيب وعلى نياته
نيّاف: انتي واختك بترجعون المشاكل بحياتكم وبتتصادفون مع ابوكم وزوجته كل يوم تقريباً
شِيام: لاتخاف ياخالي مارح يصير شي واذا صار شي عندي خال سند وظهر استنجد فيه
نيّاف يتنهد : اكيد انا معكم واي شي تحتاجونه قولولي لكن ابعدوا عن المشاكل ماابي ترجع دموعكم تنزل بسبب ابوكم وزوجته
شِيام: لا ماعليك ياخالي محد يقدر يبكينا مثل قبل
نيّاف : انتبهوا لأنفسكم واذا احتجتوا شي كلموني
**************************
أنت تقرأ
نظرتك كانت بحر ونظرتي كانت غريق
ChickLitالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
