عند الجد عبدالعزيز بعد اذان الفجر
الجد عبدالعزيز : لازم نرجع البيت دام راشد وساري مايردون علينا اكيد صار شي
ابو ساري : تعوذ من الشيطان يبه مو صاير الا كل خير
ابو راشد : الله يهديه يخوفني عليه هو واخوه كلهم مايردون
ابو طارق : اجل يللا توكلنا ع الله نمشي
طارق وباهي وياسر يرتبون الاغراض للداخل ويجهزون السيارات
( عند الحريم)
ام راشد جالسه وحاطه يدها ع خدها وقلبها قارصها
الاء: يمه وش فيك ؟
ام راشد: مدري قلبي مو مرتاح
اثير : تعوذي من الشيطان يمه مافيه شي ان شاء الله
ام ساري : خذي نفس واذكري الله مافي شي لو فيه شي كنا درينا
ام طارق : هم كذا الشباب احيانا مايردون بس تلاقينهم انشغلوا بشي
ويمشون وهم القلق مخيم عليهم ومايدرون وش صاير وساري وراشد مايردون
..............................
في قسم الشرطه
راشد بعصبية : يعني تقول ان اللي قتل هاني متعاططي ومهررب ؟؟؟؟
سعد : مانقدر نقول انه قاتل لين نعرف سبب الحادث يمكن انه غير عمد
راشدد عصبب وقام : تققول انه مو قاتل ؟ كل هذا ومو قاتل ؟ ووش دراك يمكن مع سبق الاصرار والترصد لأنهم يعرفون ان اخوه شرطي في مكافحة المخدرات
سعد : الله اعلم لكن مانقدر نقول شي لين يصحى اللي صدم اخوك
يدخل ساري : وش صار ؟ شفت اللي صدم هاني ؟
راشد يطلع بسسرعه ويصك الباب بقوه ويلحقونه ساري وسعد : اجل ننتظر لين يصحى ويدخخل ويممسك وائل اللي شبه صاحي من رقببته ويضرببه ع وجهه
ساري يمسكه : راشششد وشش تسووي مااعرفتك كذذا
راشد معصصب: والله ان اخخذ روححه فككني ياسارريي
ساري يمسكه ويسحبه لبرا : وشش فيك انت مقدرين حزنك لكن اللي تسويه غلط وينقلب عليك تعرف انك تنسجن لو ضربت مواطن
راشد يضضغط ع اسنانه وبعصببيه : مواطططن! هذا قاتتل ياساري قاتلل والله ان اخذذ روححه
ساري : خلاص انا بمسك القضيه انت اجلسس لين ارجع ويكلم سعد جيب له مويه وانا شوي وارجع
ساري يمسك جواله ويكلم باهي : الو باهي وينكم باقي في المزرعة ؟
باهي : لا والله تو دخلنا البيت انت وراشد وين رحتوا ؟
ساري : اذا انت عند جدي وعماني اطلع
باهي يطلع للحوش : وش فيك وش صاير ؟
ساري : هاني ولد عمي عبدالله توفى ابيك تعلم جدي وعمي وحاول تقول لهم بدون ماتفجعهم انا مااقدر اجي راشد منهار
باهي انفجع : وش تقول انت ؟ سمعت خالتي تقول بتطلع تطمن عليه كيف تقول مات ؟
ساري: مات من البارح الحين قبل يتوتر الجو ادخل وقول لهم وانا افداك ياباهي قول لهم بكل هدوء ولا تفجعهم
باهي : لا حول ولا قوة الا بالله طيب وراشد كيفه
ساري يتنهد : والله انه مصدوم وضرب اللي صدم هاني واخاف يدخل السجن من ورا افعاله
باهي : طيب روح له وانا بقولهم الله يرحمه ويغفر له
....................................
عند نيّاف
شِيام : والله لازم اروح ياخالي عندي زياره اليوم الساعه ١١ ولازم اتجهز قبلها
عروب : وانا بعد والله مكلمتني رانيا بتجيب لي اوراق وقلت لها نتقابل بالمكتب
انسام وهي بتموت نوم : اذا خلصتوا شغلكم غصب عنكم ترجعون
شِيام تضحك: من عيوني يللا اطلعي كملي نومتك
نيّاف: والله دام عندكم اعذار مااقدر امسككم
الجوهره : لازم تعوضوننا بجيه ثانيه
عروب : بنغثكم كل شوي بننط عندكم
شِيام تسحب عروب : لو اخليها بتقعد للظهر يللا فمان الله
نيّاف: سلمولي ع جدكم وجدتكم ومشعل
شِيام : اعتبره وصل ويطلعون
انسام : ماما تبون شي بطلع انام
الجوهره: ماابي الا سلامتك نامي وارتاحي
.......................
عند شِيام وعروب
شِيام تسوق السياره : والله اننا انبسطنا كان ودي نجلس اكثر
عروب : ايه والله وانسام انبسطت فينا
عروب تتذكر وائل : اييه صح لقيت مكالمة لوائل البارح بس ماشفتها الا متأخر
شِيام : اكيد كان يبي يشتكي من ابوي وامه كالعاده
عروب تضحك: والله انه يكسر خاطري مع انه ولد عدوتي
شِيام : قصدك عدوتنا ماني مسامحتها لسى بس وائل ماله ذنب وطيب واحسن من ابوي بعد ع الاقل يسأل عنا
عروب : ايه والله وابوي احمد ربي الف مره اني ماعشت معه
شِيام تضحك: كنا نتعالج عند نفسيين لو اننا ضلينا هناك
عروب : خلاص لانفتح جروحنا خليني اكلم جدتي وتمسك الجوال وتدق على الجده
ويرد مشعل ويقلد صوت جدته : الو مين اللي معي ومزعجنا من الصبح
عروب تضحك : كنت بصدق انك جدتي عطني جدتي لاتكثر كلام
مشعل يضحك: والله جدتي بالمطبخ
عروب : ماشاء الله مو قلنا لك انتبه لجدتي حطيتها تطبخ لك
مشعل : لا والله جدتي حلفت تسويلي
عروب : لاتبرر عطني جدتي
مشعل ينادي جدته : ياججده فيه غبيه تبي تكلمك
عروب : ايه انت موزع من غبائك علينا
مشعل يضحك ويعطي جدته الجوال
الجده: هلا بوردتي والله اني فقدتكم
عروب : يابعد روحي ياجده جايينك الحين تبون شي من برا ؟
الجده: لا والله ماابي الا سلامتك وين شِيام
عروب هنا موجود وتحط الجوال سبيكر
شِيام: هلا ياجده جايينك جهزي فطورك وتضحك
الجده : والله اني تو جهزته بننتظركم انا ومشعل
شِيام : وجدي وينه
الجده : للحين نايم لاجيتو صحيناه
شِيام : دقايق واحنا عندك
.....................................
بيت الجد عبدالعزيز
ام راشد: مالقيت عيالي بغرفهم انا قلت لكم قلبي ماهو مرتاح
ام ساري بعد قلقانه : ولا ساري موجود بعد الله يحمييهم
باهي بالحوش باقي مادخل ويحاول يقوي نفسه عشان يقولهم هالخبر ويدخل
الجد عبدالعزيز : هاه سمعتك تكلم ساري وش قال لك ووينهم
باهي يطالع جده واعمامه وابوه كلهم بالصاله ويتنهد وخنقته العبره : انتم مؤمنين وتعرفون ان الدنيا فيها حياة وموت وكلنا على هالطريق اذكروا الله وصلوا على نبيه
ابو ساري يفز ويمسك باهي : وش صايير ؟ ساري فيه شي ؟
ابو راشد القلق اكله على عياله : انطق وشش فيه
الجد عبدالعزيز يطالعه يبي يعرف
باهي : ولدك هاني ياعمي عطاك عمره
وتصصرخ ام راشدد: هاننننننيييي وتببكي انا قلتتتت لكممم قلبي ماهوو مرتاح قلتلكممم ناخذه مععنا وتبببكي بكاء يهزز البييت
ابو راشد يجلس وتنزل دموعه وماعاد تكلم
الجد عبدالعزيز : لا حول ولا قوة الا بالله وانت كيف عرفت ووش صار ؟
ابو طارق يقوم ويمسك ابو راشد : اذكر الله وانا اخوك
ابو راشد : مات هاني ماتتت يااخوي
ابو ساري : اذكروا الله وتعوذوا من الشيطان
ام ساري تصحي ام راشد اللي طاحت من الخبر : اذذكري الله لاتسويين كذا وتجزعين
ام راشد : ولددي راحح ياهييله ولدي اخرر العنقودد راحح وتطالع اثير والاء اخوكمم الصغير راحح
اثير تببكي وماقالت اي كلمة
الاء تبكي : لااا مامات مو مصدققتهم كان مبسوط بيلعبب ماني مصددققه
ام طارق تحضنهم: خلاص يابنات بتتعبون امكم اكثر اذكروا الله
ياسر وطارق توهم جايين كانوا يوقفون السيارات واخذتهم السوالف
طارق : وش فيكم ؟ ولييه هالبكى والصراخ؟
باهي منزل راسه ويتكلم : هاني توفى
طارق يحط يدينه ع راسسه : انت تتكلم ججد مين قالك ؟
باهي: ساري وهو الحين مع راشد
ياسر: يللا نلحقهم استعجلوا
الجد عبدالعزيز تعب من الخبر وبس يبككي
ابو ساري : روحوا اسبقونا وبنلحقكم
ام راشد تنزل من الدرج رككض : خذذوني عند هانييي انا لازمم اشوفه ولديي مامات
ابو راشد: الله يهديك اذكري الله بنروح نشوف وش صاير ونرجع لكم (يسايرها ) ويمسكها وينادي اثير تعالي امسكي امكك
طارق يطالع اثير وكيف منهاره بكى ويتنهد : الله يرحمه ويغفر له ويجبر قلوبكم
ياسر : يللا ؟
ويطلعون للسياره ويكلمون ساري وعلى المستشفى
.........................................
ساري مسك القضيه بما انها تعتبر جنائيه ومكيدية
وائل يصيح: والله اني ماسويت شي والله انيي ماصدمت احد ولا سويت شي والسياره ماكانت معي
ساري يعصب علييه : انتت كنت تدري ان اخوه شرطي في مكافحة المخدرات ولما شافك صدمته صححح؟ ويضرب بيده ع الطاوله
راشد يدخل غصبب عن الحارس ويمسسك وائل ويحده ع الجدار : انتتت قاتتتل تفههم مهما انكرتت انتت قاتتل
وائل : والله اني ماسقت السياره عطيتها لأخوياي
راشد يعصبب : اخوياك ؟ وانت ماككل مخدرات وسيارتتك فيها حزمم مخدرات وتبي تطلع نفسسك بريء كل الادله ضدك ويضرببه
ساري يمسسكه ويطلعه برا : راششد امسسك نفسك ولا ماعندك ثقه فييني ؟ اقولك انا بكون مسؤول عن القضيه الحين بيجي باهي وروح معاه للمستشفى سوو اجراءات الدفن وترى الاهل عندهم خبر
راشد يصرخ ويحط يده ع راسسه : الله يصصبر قلبك يمههه
ساري يمسح ع كتفه: مارح يفيده شي غير الدعاء
وائل يتذكر فعلة اخوياه: الله ياخخذكم وش ورطوني فيه هذا وانا معتتزز فيكم ويدخل عليه ساري ويعرف عيون البريء من المجرم ويطالعه ويتنهد : ممكن تقول وش صار ؟ وانت تعرف ان كل كلمه تقولها رح تتسجل ورح تكون لصالحك او ضدك
وائل : كنت بالاستراحة وطلبوني اخوياي السياره وعطيتهم وبعدها رجعوا واعطوني شي بأبره ويوريه مكانها وماعاد حسيت على شي الا هنا والله اني ماسويت شي
ساري يقرب منه يبي يختبر صدقه : تفكر تبريرك هذا وكذبك رح يمشون علي ؟
وائل: اقسسم بالله العظظيم ان اللي اقوله صدقق
ساري : ووين اخوياك ؟ وايش اسمائهم
وائل يعطيهم الاسماء والمكان
ساري : احنا بنبدأ بالتحقيق في الموضوع لكن لاتفكر انك بتنفذ لأن عندك قضيتين صدمت واحد ومات وقضية المخدرات
وائل: احلف لك اني مالي دخخل بشي انا ماسويت شي ولا عمري طبيت طريق المخدرات
ساري : كثرة التبرير تعني انك كذاب تدري عن هالشي ؟
وائل يعصبب : انا مانيي كذاب انا قاعععد ادافع عن نفسسي
ساري يضحك ضحكة استهزاء ويمسكه من رقبته : انت لاتدافع ولا شي احنا نشوف شغلنا ونشوف الادلة والشهود وينادي صالح وده التوقيفف
وائل بصوت عالي : والله انييي بريء
...................................................
عند الجد عوض
الجد عوض : يطالع مشعل وانت ماتبي تقوم تتجهز لصلاة الجمعه
مشعل : باقي بدري ياجدي
عروب تضحك : بدري وتقعد ساعتين تتجهز
مشعل يقلدها : انننن
عروب : انطم وقم تجهز للصلاه
شِيام : هواشكم بيطول انا بروح عندي زيارة مريض تبون شي؟
الجده مليحه : انتبهي لنفسك
الجد عوض : ماتقدرين تأجلينه احس وجهك تعبان
شِيام تبتسم : مافيني شي يللا مع السلامه
الجده : الله يوفقك وينور طريقك يالغالية
عروب : وعروب مالها دعوه من هنا ولا من هنا
مشعل : انتي وش فيك قاطه حتى بالدعوات
عروب : مشعل انقلع تجهز لااخلي جدي يعطيك بالعصا على ظهرك
الجد عوض يأشر ع العصا : ترى العصا جاهزه
مشعل يضحك ويقوم : طيب بتجهز واجييك
عروب تطالع الجوال وتدق ع وائل ويطلع مقفل : وش فيه من الصبح جواله مقفل
الجده : وش فيها حبيبتي تكلم نفسها
عروب : ولا شي ياجده بس رانيا بعد الظهر بتمرني بنشتغل ههنا مافيني اروح للمكتب
الجده : حياها الله
.............................
راشد جا باهي واخذه للمستشفى وقابل اعمامه وجده وطارق وياسر ولحقهم ساري وسوو اجراءات الدفن ورح يدفنونه بعد صلاة الجمعه وعرفوا تفاصيل الحادث
الجد عبدالعزيز يبكي : عسى وجهك يتبشر بالجنه ياهاني
راشد يحضن ابوه : راح صغيرنا يبه راح لاعبنا
ابو راشد يبكي : اخخ ياولديي كسر ظههري بروحته
ساري : الله يرحمه ويغفر له ويعوضه بشبابه بالجنه
ابو ساري: اللهم امين
بيت الجد عبدالعزيز جاتهم سحابة حزن وخيم الحزن والضيق عليهم
ام راشد تبكي وماعاد تاكل ولا تشرب
اثير تبكي وتحضن طارق : صغيرنا بطلنا الهادي راح ياطارق
طارق يشد عليها بحضنه : الله يرحمه ماكان من اهل الدنيا ويطالعها لازم تقوين عشانك وعشان اللي ببطنك وعشاني انا اللي اتعذب بدموعك
اثير : كيف اقوى واخوي مات ؟
طارق سكت ويمسح دموعها وماتكلم
راشد الفرفوش خفيف الطينه راح جا راشد ثاني ومايبي شي الا راس قاتل اخوه
ساري بين الحزن والحيره يحس ان وائل بريء لكن الادله كلها ضده
..........................................
الساعه ٣ العصر يوم الجمعه واول يوم في عزاء هاني
ساري في المركز ويحقق في الوضع يبي يعرف اللي سوا هالشي ويتحاسب
وائل يتنهد ومانزلت من عينه ولا دمعه : انا ماسويت شي صدقوني
ساري بعصبيه : انت وش كنت تسوي قبل الحادث؟ تهرب ؟ تتعاطى؟
وائل: والله اني مااهرب ولا اتعاطى انا قلت لكم ماكانت معي السياره
ساري : الحين يجينا تقرير ونعرف اذا انت مدمن ولا اول مره تستخدمه ونشوف تبريراتك لنفسك اذا صح ولا
وائل: ممكن اكلم اهلي ؟
ساري : احنا بنتواصل معهم انت ماتقدر تستخدم الجوال حالياً
وائل: طيب اقدر اكلم محامي ؟
ساري يضحك بإستهزاء: انت تبي تكلم وبس ؟ طيب كلم محامي ويعطيه الجوال (حس انه مظلوم فعلاً)
وائل حافظ رقم عروب ويدق من جوال ساري
عروب مع رانيا ببيت عوض قاعدين يشتغلون ع قضيه ويدق جوالها
عروب : رقم غريب
رانيا : طيب ردي يمكن احد من موكلينا
عروب : مدري لاني مااستخدم رقمي الشخصي وترد الو هلا
وائل وصوته المليان قهرر وحزن : عروب انا بوجهك ياعروب ماعندي غيرك يساعدني
عروب مستغربه: وائل؟؟ وش فيك وش صاير
وائل: اخوك انغدر ومتهم بشي ماهو مسويه ساعديني
ساري ياخذ الجوال من يده ويكلم عروب : الو معاك المحقق ساري انتي المحامية عروب النميري ؟
عروب قلقت اكثر: اييه ووش يسوي اخوي وائل عند محقق؟
ساري: اخوك متهم بقضية جنائيه ياليت تتفضلين للمركز وبتعرفين تفاصيل القضيه
عروب: طيب ممكن ماتاخذون افادته لين اجي
ساري : ان شاء الله ويقفل
وائل: انا ماسويت شي صدقني
ساري يشيل الاوراق ويوقف: نشوف لما تجي محاميتك ويطلع
..........................
بيت الجد عوض
عروب الدموع بعيونها : وائل مسكووه يقولون قضية جنائية ماني مصدقه وائل ماهو من هالنوع وتقوم تجيب عبايتها
رانيا : انا بمشي معك ونشوف وش الوضع ووش صاير
عروب : طيب يللا بس لاتقولين شي قدام جدي وجدتي
رانيا : ابشري
عروب ورانيا ينزلون من الدرج
الجده مليحه : خلصتوا شغلكم ؟ ولا بتروحون المكتب؟
عروب متوتره : ايه ياجده فيه اوراق بالمكتب قلنا نروح
الجده مليحه : ليه وجهك شاحب صاير شي؟
عروب تبوس راس جدتها : لا مافي شي ويطلعون هي ورانيا
رانيا : تعالي نروح بسيارتي انتي متوتره مابتقدرين تسوقين بهالحال
ويروحون للمركز
........................
عند شِيام في بيت المريضة
ام ميار : البنت فجأه ماعاد تتكلم رجعت من الجامعه وهي على هالحال
شِيام : طيب وماحاولتي تعرفين وش السبب ؟
ام ميار : الا وكل ماضغطت عليها تنهارر وتحاول تأذي نفسها عشان كذا كلمت زوجة خالك
شِيام : ماعندك غيرها ؟
ام ميار : الا عندي بنت وولد اصغر منها
شِيام : طيب ممكن ادخل لها الغرفه ؟
ام ميار : اكييد طبعاً وتقومها لغرفة ميار
شِيام تدق الباب وتفتحه : ممكن ادخل ؟
ميار ضامه رجولها وجالسه بالظلام وتطالع شِيام وترجع ورا
شِيام: لاتخافين حبيبتي انا اليوم بكون بس اسمعك مابقول شي ممكن ؟
ميار تطالع بخوف وتطالع امها
شِيام : ممكن تتركيننا وحدنا
ام ميار: طيب بنتظرك بالصاله
شِيام تقرب من ميار وميار تهرب : لا ابعدوا عنني
شِيام: لاتخافين حبيبتي
ميار تبكي وتنهار وتصرخخ : ببعددوووا عنني وتضرب نفسها
شِيام تقرب لها اكثرر وتحضنها وهي منهاره وتمسح ع شعرها : لاتخافيين مافيي ششي محد بيقدر يقررب منكك انتي ببيتك وعندك ام قويه وتخاف عليك
ميار تهدأ بحضن شِيام وتتمسك بقوه
شِيام : ماتبين تقولين لي شي ؟
ميار تبكي وتتكلم : لاتقولين لأمي امي رح تنهار وتتعب
شِيام وهي حاضنتها: لا تخافين الكلام كله بيني وبينك انتي وبس
ميار تطالعها : اكييد ؟ اقدر اثق فيك ؟
شِيام : اكييد حبيبتي
ميار تبكي وتمسك نفسها بقوهه
شِيام تمسح دموعها : مابتقولين لي وش اللي مخليك تسوين كذا بنفسك ؟ انتي لسى صغيره والحياه قدامك ليه حابسة نفسك هنا وحابسه كلماتك اللي بتخفف عليك لما تطلعينها
ميار تبكي : حاول يمسكني حاول يخطفنني
شِيام حزنت عليها اكثر: مين ؟ قولي مين وحقك مابيضيع حبيبتي
ميار تمسك يد شِيام : لاااا ماابي احدد يدرري
شِيام : طيب قوليلي مين ؟
ميار : سواق الباص وهددني انه بيخطفني لو تكلمت
شِيام عصبت: وانتي سكتي ؟ ماحاولتي تدافعين عن نفسك ؟
ميار تبكي: الا ماخليته يلمسني وهربت ع طول بس ارسل لي رسايل تهديد وتفتح جوالها وتوريها لشِيام
شِيام تمسح ع راسها : وهذا دليل انا عندي اخت محاميه تبيني اعلمه شغله ؟
ميار تطالعها : وامي ؟
شِيام : امك قلقانه عليك وتبكي تبي تعرف وش فيك لازم تعرف وتاخذين حقك منه
ميار : بس انا ماقدرت اقول لها
شِيام : تبيني انا اقولها ؟
ميار تمسك يد شِيام : واذا ضربتني وهاوشتني ؟
شِيام : امك تضربك ؟
ميار: لا امي احن ام بالدنيا بس انا خايفه
شِيام : اجل لاتخافين اذا ماتكلمتي كيف يتعاقب؟ وبيقعد يتمادى عليك وعلى غيرك انتي ماتبينه يتعاقب؟
ميار : الا ابيه يتعاقب
شِيام : ايه خليك قويه لاتخلين شي يخوفك وتغلبي على مخاوفك اذا ماساعدتي نفسك محد رح يساعدك
ميار تبتسم ع خفيف : ايه واانا قويه ومارح اخلي شي يكسرني والغلطان يتعاقب
شِيام تحضنها : انتي لاتحسين بالضعف ابدا انتي قويه طيب ؟ وهذا رقمي اي وقت تحتاجين تكلميني انا موجوده طيب؟ حتى لو اخر الليل لاتترددين
**************************
أنت تقرأ
نظرتك كانت بحر ونظرتي كانت غريق
ChickLitالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
