الثامن و عشرون

                                    

                                          
بكت زياده وهي تمسح دموعها جت من وراها نوره وهي تحضنها من ورا وهي تناظر القمر و تقول 
نوره:لكل بدايه نهايه 
رهف:للأسف 
بعد العزاء الكل كان جالس حاله حال نفسه 
ابو ريم:ي ابو بهاج لازم نتكلم بموضوع
ابو بهاج:سم وش بقيت
ابو ريم:لوحدنا 
طلعو ل المجلس الرجال و جلسو يتكلمون 
ابو بهاج:سم ي اخوي 
ابو ريم:سم الله عدوك ابد و أنا اخوك اقول بأخذ ريم معي ل الديره و لازم يتطلقون عيالنا أنا..
ماكمل كلامه ابو ريم إلا يقاطعه ابو بهاج:ليه و أنا اخوك إذا تقصد عن بنتي لين ترا انت جالس تغلط بنتي مالها شغل بالي صار بنتي جتها عقده نفسيه ما تشوفها بس جالسه تبكي بنتي ي اخوي مالها شغل بموت مرتك هاذا قدر من الله والله يرحمها بنتي من الصدمات صار لها هاذا الشي 
ابو ريم:السالفه و أنا اخوك مو بنتك بس أنا بنتي جتها كل ذي المصايب ما اقدر أشوفها كذا مشلوله و امها ماتت و بهاج مراح يستفيد منها شي و أنا اخوك ولدك يبي عيال و يبي زوجه تراعيه و بنتي ما تقدر و أنا ي اخوك سمعت وش صار لي و ل بنتي ما اقدر أتحمل أشوفها كذا و انا اقول الطلاق افضل شي 
ابو بهاج:بس اولادنا يحبون بعض و ريم حامل و حرام عليك تفرقهم 
ابو ريم:ريم حامل و كلنا ندري بس بنتي كيف تبي تعتني به و هي كذا أنا اقول لك ي اخوي بروح ببنتي تتعالج برا السعوديه 
ابو بهاج:تتعالج و أنا اخوك ما قلت لا تتعالج و معها بهاج يروح 
ابو ريم:بهاج و أنا اخوك بهاج مراح يفيد بنتي و هو تلقاه الحين يفكر كيف يتخلص منها أنا ادري ان بنتي صعبه عليه 
ابو بهاج:لا تقول كذا ي اخوي عن بنتك بنتك هي بنتي و زوجة ولدي و انتهى النقاش و الطلاق مراح يصير إلا على جثتي 
ابو ريم بعصبيه:راح يصير و ولدك راح يطلقها 
ابو بهاج:قصر صوتك احترم من تتكلم معه و لو تطلقو راح تنتهي علاقتي بك 
ابو ريم:انت كل شي تبيه يمشي على رايك و أنا مالي راي؟!
ابو بهاج:لك لك رأي بس مو تطلق زوجين يحبون بعض و يبي يجيهم ولد 
ابو ريم:و إذا مات الولد؟!
ابو بهاج:مراح يموت إلا إذا تبي تذ..بحه 
ابو ريم:استح على وجهك أنا أطيح ولد بنتي و حفيدي أخيه بس اخيهههه 
طلع ابو ريم وهو معصب جلس ابو بهاج و هو مرتفع ضغطه صار يتنهد 
نادا ابو بهاج ولده بهاج دخل بهاج وهو يشوف أبوه يتنفس بسرعه و راح أعطاه علاج الضغط علشان يهدى 
بهاج:وش صار ي يبه؟!
ابو بهاج:ابو ريم يبي يطلقكم 
بهاج:وشششش؟!
ابو بهاج:هاذا الي قاله 
قال ابو بهاج كل الي قاله له ابو ريم 
بهاج:بس أنا أحبها و راح احملها على ضهري لو تبي بعد 
ابو بهاج:ادري ادري ي ولدي 
~
الساعه ١:٣٠ بليل 
رجع بهاج ل غرفته و هو معصب و بنفس الوقت خايف يخسر ريم دخل و شافها نايمه فتح الدريشه [ شباك او نافذه ] و جلس يطالع القمر تنهد و هو مكتوم مرههه شاف رهف بالحديقه و تطالع القمر نزل لها و هو يبي يفضفض ل احد مو مهم من يكون بس يبي يفضفض وقف وراها 
بهاج:رهف!
رهف لفت له:هلا 
بهاج:وش مجلسك هنا؟!
رهف:بهاج انت تعرف وش صاير بس وربي ترا اختك مظلومه مالها شغل وربي 
~
نرجع شوي ل ورا لما كانت رهف و نوره لوحدهن بليل بالحديقه 
نوره:رهف اسمعي لازم ما نقول لا احد عن الي قالته لين لنا سامعه
رهف:وليه بالله لازم يعرفون كل شي خصوصا ابوي لازم يعرف 
نوره:ياغبيه لو قلنا لهم الحين راح تصير مصايب خليها الين تهدا الدنيا ر بعدين نفكر نقول لهم و ثاني شي لازم نجيب ادله 
رهف:تقولين كذا؟!
نوره:اكيد و متأكده بعد انتي فكري بس لو قلنا لهم الحين راح تصير مصايب خلي الين يجي الوقت الحلو و نقول لهم و معنا الادله 
رهف:بس نوف و الهنوف ما ذب**حن خالتي بس حبسن لين هي طاحت بسبب مرضها
نوره:وذا قصدي لو قلنا كذا راح يقولون هن الي نذبحنها و حنا مانبي ذا الشي يصير 
رهف:تمام الشكوى لله 
~
نرجع لمكاننا عند رهف و بهاج 
بهاج:كلنا ندري والله 
رهف:حاسه فيك شي و متضايقه فيك شي تبي تفضفض؟
بهاج وهو يطالع القمر:كل هموم الدنيا بي والله مو بس متضايق ي رهف 
رهف طالعت فيه:وش بلاك انت؟!
بهاج:قصدك وش مافيني لان كل شي خرب كل شي خططت له راح على الفاضي 
رهف:قول قول وش فيك 
بهاج وهو يطالع القمر:ي رهف ابوك قال ل ابوي يبيني آطلق ريم 
رهف وقفت وهي مصدومه:وش بس ريم حامل كيف؟!
بهاج:قلنا له بس ملزم إلا نتطلق
رهف وهي واقفه:ماعليك مراح يصير شي و أنا موجوده اكلم ابوي الصبح ما عليك 
بهاج:صدق!
رهف:ابد علي ما عليك 
بهاج:كفووو
رهف:اجل بروح انام أنا 
بهاج:نوم العافيه 
طلعت رهف ل فوق و سمعت صرخه من غرفة لين راحت لها ركض و شافت نوره كمان تركض
دخلن الغرفه رهف و نوره شافن لين مو موجوده 
نوره:وين لين!
رهف:وش عرفني أنا 
فتشن الغرفه و مافيه ولا اثر طلعت نوره بعصبيه و راحت ل غرفة الهنوف ضربت الباب و بعصبيه فزت الهنوف وهي تاقف 
الهنوف:وش تبين مافيه احترام ولا وش 
نوره وهي معصبه ولا نطقت ولا بكلمه سحمبتها مع معصمها و راحت تحت وهي تنادي العايله 
و رهف سوت نفس الشي ب نوف و طلعت تحت 
اجتمع الكل تحت كانت الهنوف و نوف خايفات 
ابو بهاج:وش فيكن ب الليل تتهاوشن و عيب عليكن ي رهف و نوره تسون كذا ببنات خالكن
نوره:ماهن بنات خالي ولا يقربن لي ذي الأشكال
ابو بهاج:نورههههه عيب وش ذا الكلام 
نوره وهي معصبه:مع احترامي لك ي عمي و لكم كلكم بس ذولي الأشكال تب***ن 
بهاج:وش فيه اخلصن قلن؟
رهف:وهي معصبه الهنوف و نوف وين لين قلنننن 
الهنوف وهي تبكي:وش عرفني أنا حرام عليكن 
ابو بهاج:وش فيها بنتي !
ناصر:لين فينها نوره تكلمي؟!
نوره:سمعنا صرخه من غرفتها رحنا لها و لا لقينها 
ابو ريم:وش دخل الهنوف و نوف ؟!
رهف:سهله ي يبه هن يكرهنها اكيد سوت الهنوف لها شي او نوف 
نوف وهي معصبه:وش دخليني أنا بها هاه أنا نايمه في أمان الله تجين انتي تتهميني و تبين تضربيني !
رهف:والله تستاهلين الضرب و لو ما اعترفتن أنا اعرف وش اسوي 
ابو بهاج:خلاصصصص ولا كلمه وش تبين بهن انتي و هي هاه خلنها اكيد خاطف او هي طلعت ل مكان و سكوت ولا كلمه تتهمن خلق الله حرام ي بناتي 
نوره و رهف سكتن احترامنا ل ابو بهاج نوره رن جوالها طالعت بالاسم ساره 
نوره راحت بعيد:هلا ساره 
ساره:يابنت نحتاجك الحين 
نوره:وش فيه؟!
ساره:منصور و شلته متفقين على شي ولازم نعرف وش هو تعالي بالمكتب بسرعه المدير معصب
نوره:تمام جايتكم كم دقيقه و أنا عندكم 
سكرة المكالمه و رجعت لهم وهي تقول 
نوره:أنا راح اطلع لا احد يكلمني رهف تبين معي!
رهف وهي تطالع ل الهنوف و بحقد:اكيد مراح اجلس مع ناس مريضه 
آبو بهاج:رهففففف وش قلة الاحترام ذي!
رهف:وذا الصدق ي عمي 
آبو ريم:رهف اعتذري للكل الحين 
رهف:اسفه 
طلعت رهف مع نوره وهي معصبه وصلن ل القسم 
نوره:لا تنزلين ي رهف بنزل و أشوف وش صاير و ارجع لك 
رهف:لا والله راح انزل معك رجلي على رجلك 
نوره:والله البلشه 
ضحكت نوره و رهف و نزلت و كانن يمشن بالممرات شافاً ساره 
نوره:ساره!
ساره حضنت نوره و سلمت على رهف 
نوره:وش الي صاير!
ساره:علمي علمك بس الي سمعته ان شلة منصور متفقين مع أشخاص وراهم شي المهم 
نوره لفت على رهف وهي تقول:لا يكون الي بارسنا
ساره:وش الي برأيكم!!
رهف:لا يكون هم الي خطفو لين!
ساره:لين وش دخل لين!!؟
نوره اقول لك بعدين الحين بروح للمدير بشوف وش عنده و بالفعل دخلت نوره على المدير
المدير:حي الله نوره وش ذي الغيبه؟!
نوره:الله يحيك والله انشغلت مع الأهل المهم وش فيه !؟
المدير:أولا الحمدلله على سلامة ريم سمعت وش صار أنا ثانياً اتوقع قالت ساره كل شي 
نوره:الله يسلمك ايه قالت لي ساره 
المدير:حلو انها قالت لك تعرفين وش شغلتك؟!
نوره:لا وش هي!
المدير:شغلتك تعرفين خطتهم بس بدون احد يعرف سامعه
نوره:كيف راح اعرف خطتهم و غير كذا رهف تعرف و ساره 
المدير:أنا مالي دخل كيف راح تعرفين خطتهم المهم تعرفينها و من رهف!
نوره:رهف بنت عمي 
المدير:تمام بس هي الي تعرف سامعه!
نوره:ابشر 
المدير:بشروك بالجنه يالله روحي ابدّي مهمتك 
نوره طلعت و سكرت الباب وهي تروح ل ساره و رهف 
ساره:وش قال !
نوره:المهم الي علينا حنا الثلاثه أننا نعرف خطتهم 
ساره:كيف!
نوره:وش عرفني أنا بالله؟
رهف:عندييي
نوره و ساره بصوت واحد:وششش
رهف:نتجسس عليهم 
نوره:ياغبيه و حنا وش عرفنا وين يعيشون!
رهف:صح
ساره:شكله الغباء وراثه  
رهف:وش قصدك!؟
نوره:امشي امشي نروح للبيت و انتي ي ساره لو عرفتي شي دقي علي
ساره:تمام 
نوره:امشي امشي نروح للبيت و انتي ي ساره لو عرفتي شي دقي علي
ساره:تمام 
لين فتحت عيونه وهي ب مستشفى استغربت و صارت تصخر دخل عليها الدكتوره وهو يقول 
الدكتورة:صحيتي اخيرا 
لين:فين أنا وش وش اسوي هنا!؟
الدكتوره:اول شي وش اسمك؟
لين:لين سعود 
الدكتوره:حافظه رقم احد من اهلك!؟
لين:ايه بس هو خطيبي
الدكتوره:حلو دقي عليه و خليه يجي سريع الحين و إذا احد دخل عليك غيري سوي نفسك نايمه و للحين ما صحيتي تمام!
لين:تمام بس وش فيه
الدكتوره عطتها جوالها:لا تسألين بس دقي الحين 
لين خذت الجوال وهي خايفه كتبت رقم ناصر و دقت عليه 
~
عند ناصر كان جالس بالحديقه و يراعي النوافير و الأشجار وهو عقله مع لبن فجأه دق جواله أخذ جواله و هو يطالع الرقم الغريب 
ناصر:الو!
لين:ناصر ناصر افزع لي 
ناصر فز و وقف وهو يقول:لين لين لينييي وش فيك و وينك 
لين:ناصر أنا ب مستشفى***** تعال ضروري هناك 
ناصر:الحين أجيك ابشري 
سكر ناصر المكالمه و ركب سيارته و راح لها و هو خايف عليها 
~
عند لين سكرت المكالمه و اعطته الدكتوره و طلعت الدكتوره و رجع فتح الباب سوت نفسها نايمه لين وهي خايفه كانت ماسكه قلبها و تسمي و تدعي الله ان يفرجها 
دخلت ممرضه وهي تشوف لين إذا صحت او لا 
~ 
بالعيله الكل مجتمع و يسولفون و ينتظرون نوره و رهف و ناصر يجون و تحلى الجلسه و بالفعل دخلن نوره و رهف وهن يصحكن و يسولفن جلسن
آبو بهاج:وش صار!؟
نوره:ولا شي بس الدكتوره حقتي حاطه لي خطا و أنا صح إجابتي بالاختبار 
آبو ريم:الحمدلله 
نوره:اي والله الحمدلله 
رهف:ما جاكم علم عن لين!
آبو بهاج:إلا لين دقت على ناصر و الحين يجون 
نوره:الحمدلله 
الكل صار ساكت و جلسو فتره كذا و هم ساكتين 
~
دخل ناصر و هو يسأل عنها و قالو لها و دخل لبن سكرت عيونها 
ناصر:لينيييي
لين فتحت عيونها و شافت ناصر بكت وهي تحضنه وهي تبكي 
ناصر:وش جيبك هنا؟
لين:علمي علمك 
ناصر تمام الحين لازم نمشي العيله تنتظرنا 
لين:و عمي ؟
ناصر:ي عيني انتي والله عمي مسامحك ماعليك فتره و تعدي ي قلبي و كلمنا مصدقينك 
لين:متاكد!؟
ناصر:ايه ايه 
قامت لين معه و طلعو مستعجلين و لين الحين تفكر ليش قالت لها الدكتوره لا احد يشوفك صاحيه 
دخلو البيت الكل صار يرحب فيهم و سلمت على اكل وصلت عند عمها أبو ريم جت تبي تسلم و بعد عنها أبو ريم 
أبو ريم:ما اسلم على ذاب***ح زوجتي و حبيبتي 
الكل أنصدم و لين نزلت رأسها و جلست عند امها وهي فيها الصحيه و ماسكتها