الكاتبة : جنات الشمري ♥️ .
وشبيه هلگد منصِدم هسة آني
قابل جَديدة أتفاجئ بنسياني
گضيت كل العمر أخسر وأنعَاف
ياهو الأريده يريد وَاحد ثاني .
قراءه مُمتعـه جميلاتي ..
......................
سُهيله : يااا صدك لو تشاقه ويانه
يسـار : مشاقي وياج قبل؟
سُهيله : بس مو گلت مستحيل ازوج بعد
المرحومه؟
يسـار : وهسه اتغير رأي
حكيمه : مابيها شي يمه بعد احسن بس ياهي؟
يسـار : صديقة ضحى
::- صديقتي؟ ياهي
يسـار : شهلاء
::- ومنو يگول توافق
يسـار : اخطبوها وتعرفون الجواب
سُهيله : هاي هي نخطبها شوكت تريد
يسـار : الجمعه
انصدمت مااتوقعت يخطبها اصلا ومنو يكول
توافق شهلاء؟
ردت اراسلها بس كلت خاف ماتدري واخرب الأول
والتالي وكله بسببي
اجت الجمعه ورحنه اني وبيبي وعمتي اخذني لان
اندل البيت وصلنه عمي للبيت
اهلها كلهم يعرفوني فـ مااستغربو اصلا حجت عمتي
ويا ام شهلاء وگالت هسه اصيح شهلاء
شويه واجت شهلاء مبدله وكاشخه طالعه تخبل
وقدمتلنه عصير كعدت بـ صفي وهي مبتسمه
اتعجبت هاي شهلاء؟ نوب مبدله يعني تدري!
كالت إم شهلاء خل نشوف ابوها واخوانها ونردلكم
الجـواب ، رجعنه للبيت وعمتي تحمد بيهم
وهو بس مبتسم ويراسل حسيت عنده علاقه ويا
شهلاء ولازم استفسر منها
ماطولو يومين وردو الجواب موافقين وبدينه
نجهز للخطوبه .. صارت خطوبة عمي بسرعه
بسرعه لا بأس بيها حلوه مارادو هوسه بس بين
الاقارب ..
چنت افتر بالممرات مال مُستشفى وشفَت نفسها
هاي المره الي شفتها بـ عياده
شافتني وأبتسمت مبين التعب على عيونها سلمت
عليها وسألتها ليش جاية هنا
- والله ياخالة مرت ابني كلساع متخربطه
وعود كيفنه حبلت وهل سقطت
::- يااا خطيه الله يكومها بـ سلامه محتاجها
شي خالاتي ؟
- لا يابعد خالتج بس شفتج ارتاحيت من
اشوف وجهج اليشع نوران
::- أبتسمت ، تسلمين خاله والله اني هم افرح
بـ شوفتچ
سولفت وياها شويه وانفتح باب الغرفة طلع نفسه
هذا الرجال باوعلي بأستغراب
اترخصت من المره ورحت اشوف المُرضى الفجر
بـ ٤ شفت نفسة هذا وكف يمي وگال
