كشرت ونطقت: غثيث و دمك ثقيل؟
لف يناظره عيونها من النقاب كيف مكشره وغمز له ونطق: دمي ثقيل عند الناس بس من اصير عندك اصير خفيف؟
عضت شفتها من كلامه الي كان يحرجها فيه ابتسمت من تقدمو لطايره يركبون ويجلسون بكراسيهم وكانت ميلان بجانب الشباك و شجاع بجانبها اغمضت عيونها بقوه من ابتدء اقلاع الطايره كانت اول مره في حياتها تجرب طايره وكانت خايفه بشكل كبير
سند ظهره شجاع على الكرسي ولف بنظره يشوفها مغمضه عيونها ونزل نظره ليداتها كيف شاده عليهم بقوه اثر انها خايفه
ابتسم بخفوت ومد كفه يحتضن كفها ليطمنها انه بجانبها
فتحت من حست بكفه وناظرته كيف يناظرها ونطقت: عادي اسند راسي على كتفك؟
ابتسم ونطق: بدون ما تقولين اسندي راسك على كتفي سوي الي تبغين انا كلي لك؟
ابتسمت وميلت راسها على كتفه الايسر بهدواء ومدت ذراعها تحتضن ذراعه
انحنى يقبل راسها ورجع يسند ظهره على الكرسي ويروح في هواجيسه تذكر الفلاشه وش ممكن صار الان هوه ترك القنبله تنفجر وتشتعل بينهم ما يهمه هوه همه الوحيد راحته هوه وميلان يبغاء يعوضها عن كل الايام الي تعبت فيها يحاول قد ما يقدر يغير من نفسه لاجلها لاجل تكون مرتاحه
في الديره طلع عمر من المجلس وتوجه لـ مواقف سياراتهم الي بلحوش ما كان يفكر بـ أي شي الا بطريقه الي بيقتل فيها فهد كونه عرف عن موقعه ووصل لمرحله عالية من الحقد وما يهمه شي غير انه ينتقم لاخته الي تدمرت حياتها بسبب فهد تحولت حياتها لجحيم وضلم كبير
كان يركض وخلفه راكان وطلال من عرفو انه رايح لفهد تقدم راكان على اخر شي ومسكه ونطق بعصبيه: مجنون انت وش بتسوي؟
صرخ بعلو صوته ونطق: اي مجنون تشوف وشصار بسبب الكلب ال*** ولله ما اكون عمر اذا تركته عايش؟
نطق راكان: عمر اهدء الامور عمرها ما انحلت بلقتل؟
نطق عمر: انت شفت وش سوا فيها وبكل عين وقحه جا يقول عندها رجال واحنا السطول صدقنا ورحنا تبرينا منها وطول هاذا الايام كان يطلع في وجهنا ولا كانه سواء شي ولله بموت اذا جلست كذا؟
اخذ نفس راكان ونطق: اعطنا موقعه وبنسلمه لشرطه وهم بيتفاهمون معه تكفى عمر لا تضيع نفسك اجلس صلح كل الي سويتوه؟
نطق طلال: كلام راكان صح اذا رحت الان وقتلت فهد وش بتستفيد غير انك بتنحبس ومارح تقدر تصلح اي شي ومستقبلك بيروح وسمعتك في المستشفى بتروح بس اهدء وفكر بعقلك؟
نطق عمر: اذا قتلته برتاح بحس ضميري مرتاح بعد العذاب الي عاشته اختي و الايام السوداء الي مرت عليها في الاخير اتركه كذا يمرح ويسرح على كيفه لا ولله ما اتركه؟
نطق راكان: عمر استهدي بلاه واركد اعطني موقعه ولله بتله من شعره ولله العضيم بخليه ياخذ اكبر عقاب حتى ونا كان قصاص بس اركد تكفى؟
نطق طلال: الان رح لاختك وحاول تصلح كل شي واترك فهد على راكان؟
تذكر ميلان بس بـ اي حق يروح لها بعد الي جاها منه ما عنده وجه لاجل يطلع فيها يحس الدنيا تدور فيه يعض شفته ندم وقهر وغبنه
اخذ نفس واخذ جواله يرسل الموقع لراكان ونطق: الان تروح له واخذوه للمركز ونا بلحقكم بعد شوي؟
هز راسه راكان ركب سيارته يحرك يشوف الموقع ويتصل على تليد لاجل يتجهزون
أنت تقرأ
بيني وبينك حب ما يعرف النهايات ولا يوقف عند الحدود
Randomهو عسكري من الديره معروف بعصبيته المفرطه وهيبته بالمكان يكره طاري الزواج ويهرب منه ولا يحتك بجنس حواء يطيح بحب بنت عمه المعروفه بدلعها ورقتها تزوجو بل الاجبار سبب قصه صارت لبطلتنا واطرو يتزوجون وتجننه بتصرفاتها ويحاول ما يبين حبها له يبين لها انه يك...
