Buntis sa Karenderya

                                    

                                          
𝗕𝗨𝗡𝗧𝗜𝗦 𝗦𝗔 𝗞𝗔𝗥𝗘𝗡𝗗𝗘𝗥𝗬𝗔
Magandang araw sa lahat. Tawagin niyo na lang akong Lisa. Nais ko lang ibahagi sa inyo ang karanasan namin ng aking kaibigan na si Wenda.


Nagtatrabaho ako noon sa isang maliit na kainan o karenderya. Dumating ang araw na kaarawan ng aking Amo kaya naman nagkaroon ng kaunting handaan. Inayos pa namiin noon ang mga Mesa at upoan na gagamitin ng mga bisita niya.


Hindi naman karamihan ang dumalo. Halos mga kamag-anakan nga lang iyon ng aking Amo. Pero masasabi kong masaya naman.


Mga ilang saglit pa, natanaw kong dumating ang isang buntis. Siguro mga nasa anim o pitong buwan na iyong pinagbubuntis niya dahil may kalakihan na rin.


Umupo siya sa may bandang dulo na pwesto ng mga Mesa.


Lumapit ako sa kaniya at tinanong kung ano ang nais niyang kainin subali't umiling siya. Hihintayin niya pa raw muna ang kaniyang Asawa na pinsan ng Amo ko. Ngumti naman ako at tumango at saka na bumalik sa trabaho ko.


Mga ilang-minuto pa siguro ang nagdaan ay isang lalaki ang pumasok sa bakuran ng bahay ng Amo ko kung saan ginaganap ang handaan. Hindi siya pamilyar sa akin. Napaisip ako noon na baka bago lang siya roon sa lugar namin.


Hinayaan ko na lang noong una dahil tahimik lang rin naman siya na nakaupo sa isang Mesa na malapit lang rin inuupoan ng buntis.


Ilang-saglit pa, napapansin ko ng maya't-maya na lamang ang lingon niya doon sa buntis. Noong una ay hinayaan ko na lang rin dahil baka may Asawa rin siya na buntis. Ngunit nang makalaon ay tila iba na ang titig nito sa babaeng buntis na naiilang na rin dahil sa kaka titig sa kaniya ng lalaki.


Dahil doon ay lumapit ako sa Amo kong lalaki at itinuro ang hindi pamilyar na lalaki na iyon at ang napapansin kong kakaiba ring kilos nito.


Subali't bahagyang napatawa lang sa akin ang Amo ko.


"Ikaw talaga, kung anu-anong pinag-iisip mo. Hayaan mo na lang iyon, siguro ay kasama lang siya sa isa sa mga bisita ko. Mabuti pa, bumalik ka na doon at maghain ng mga pagkain." sabi nito.


Tumango na lang rin ako at bumalik na sa ginagawa ko.


Habang naghahain ng pagkain, napansin ko na namang tumayo ang lalaki at lumapit sa buntis at tumabi ng upo rito. Umusog ang babae ngunit panay dikit rin ang lalaki na animo'y Asawa niya ito. Pinagmamasdan ko lang sila.


"Ano ba!" rinig kong pasigaw na sabi ng buntis.


Pano ba naman kasi, panay himas ng lalaki sa kaniyang tiyan na parang ito ang Ama. Mabuti na lang din at na sa may bandang dulo sila at may kadiliman rin ang kinaroroonan nila kaya't hindi sila masyadong marinig ng mga iba pang bisita. Gabi na rin kasi.


At sa nakita kong iyon ay hindi na ako nakapagpigil pa at lumapit na ako sa kanila at inawat ang lalaki.


"Pagsabihan mo nga iyang lalaki na 'yan. Nakakabastos na eh! Sino ba 'yang mokong na 'yan?" inis na sabi ng babaeng buntis nang lumapit ako sa kanila.


"Sir, huwag namang ganiyan. Huwag naman kayong mambastos. Kanina ko pang napapansin kakaiba 'yang kinikilos niyo. Kung manggugulo lang kayo rito umalis ka na lang!" matapang kong sabi habang nasa katabi ko ang babae.


"Ako nanggugulo? Bastos? Eh gusto ko lang naman mahimas 'yang Bata sa tiyan niya eh. Masama ba 'yon? Problema kasi sa inyong mga babae masyado kayong mga pakipot." sabi ng lalaki na halatang galit na. Dahan-dahan na rin itong naglakad palabas ng bakod habang nakatingin pa rin sa amin.