29 වෙනි රාශිය 🦁🐰

                                    

                                          
" රක්ෂත් අයියා මාව ගමනක් එක්ක යනවා කිව්වේ .  අතාරින්නකෝ අත රිදෙනවා .. 
" ධූර් ඔය ලමයාගේ අත අතාරිනවා.. 
ඔන්න ආවා වීරයා.. කලූ පාටින්ම සැරසිලා මහා ලොකු ජායිපුර්වල ප්‍රින්ස් සාලේට සැපත් උනා අත්දිග ෂර්ට් එකේ අත් නවන ගමන් .  මූ කොහෙද මේ සක්කරවට්ටම එක්ක යන්න හදන්නේ .. මෙච්චර හැඩ වෙලා 
" බෑ අතාරින් නෑ තමුසේ මට මොනවා කරන්න ද? තමුසේලා කොහෙද යන්නේ උත්තර දෙනවා රක්ෂත් " 
මං අරකිගේ අතත් අල්ලන්ම රක්ෂත් පැත්තට හැරිලා ගේම ඉල්ලුවා . රක්ෂත්ගේ ඇස් තිබ්බේ මං අල්ලන් ඉන්න අරකිගේ අතට.. ඒ ඇස් අමුතු වෙලා .. මූට තරහා ගිහින් ද ඒකාගේ හොර ගෑනීට මං රිද්දන එකට.. නැත්තන් ඒකීගේ අත වෙන කොල්ලෙක් ඇල්ලුවා කියලා මළ පැනලා ද..
" කෙල්ලොන්ගේ අත් අල්ලන් ඉන්න ඔච්චර ආසද තමුන්.. අනික තමුන්ගේ husband ඉස්සරහා ? 
" ඈ..හ් 
මූ මොන වලාම්පූරියක් ද මේ කියවන්නේ .. කෙල්ලොන්ගේ අත් අල්ලන් ඉන්න ආසාවටද මං මේ මේකීගේ අත අල්ලන් ඉන්නේ .  ඊටත් අත තදකරන් ඉන්න විදිහට මේකීගේ ඇස්වල ට කඳුලු ඇවිල්ලා .  යකෝ ආසාවට අත් අල්ලන්නේ මෙහෙම ද.  ඒ කිව්ව කතාව ට මගේ අතින් රිතූගේ අතත් අත ඇරුනා.. අන්න එතකොට රක්ෂත් ඇස් අහකට අරන් වෙන දිහාවක් බලාගත්තා අත් දෙකත් පිටිපස්සට බැඳන් මහා ලොකූ ලොක්කා වගේ. අනේ අම්මපා මූට අනින්න නෑනේ මට දෙකක්. එතන ඉන්න උනුත් හොල්මන් දැකලා වගේ ඇස් ලොකු කරන් බලන් ඉන්නවා ..
" රිතූ ගිහින් කාර් එකට නඟිනවා ..
" හා රක්ෂත් අයියා ..
මේක හරි යන් නෑ මුන් දෙන්නා හදන්නේ යන්න .. මගේ මිනිහා ට එහෙම වෙන ගෑනියෙක් එක්ක එලියට යන්න දෙන්න පුලුවන් ද.. පුතාලාගේ අම්මා උනත් මට අදාළ නෑ හොර ගෑනි උනත් මට අදාළ නෑ මංනේ කසාද මිනිහා .. අන්තිම තුරුම්පුවත් ගහලා බලමූ.. සින්ධුර් කමෝන් කොල්ලෝ කමෝන් .. 
" යන්න එපානේ රාශී අයියා..
" අ..හ්..  
මං ඇස් දෙකත් බෝල කරන් යන්න ගිය රක්ෂත්ගේ ෂර්ට් එකේ කොනක එල්ලිලා අඬන්න ලන් උනු පොඩි පගයෙක් වගේ සෑඩ් වොයිස් එකෙන් යන්න එපානේ රාශී අයියා කියද්දි රක්ෂත් ගැස්සිලා වගේ මං දිහාට හැරුනා..  "රාශී " ඒ නම රක්ෂත්ගේ ලොකුම දුර්වලතාව කියලා මං හොඳටම නෝට් කරපු දෙයක් .  ඒ නමෙන් ආමන්ත්‍රණය කරොත් රක්ෂත් මං වෙනුවෙන් හඳ උනත් ගෙනත් දෙන්න සැදී පැහැදී ඉන්නවා කියලා මට තේරුනා .. ඒ නිසාමයි මං ඌට ඔය නම කියන් නැත්තේ.. ඕක වැඩිය කියලා පුරුද්ද ට ගියොත් අගයක් නැති වෙනවා .  ඒ නිසා අවශ්‍ය අවශ්ථාවේ ප්‍රයෝජනයට ගන්න තියන් ඉන්න ඕනි .. ගැම්මක් තමයි සින්ධූර් . දැන් ඔය ඉන්නේ අඟහරුවලින් බැහැපු පිටසක්වල ජිවියෙක් ගානට රක්ෂත් උබ දිහා බලන් .. ටික වේලාවක් මං දිහා බලන් හිටපු රක්ෂත්ගේ තොල්අගට ලස්සන හිනාවක් ආවා.. රක්ෂත් මෙච්චර ලස්සන ට හිනා වෙනවා මං කවදාවත් දැකලා නෑ දෙවියනේ .. ඒ තරම් ලස්සනයි ඒ හිනාව.. තොල් විතරක් නෙමෙයි ඒ ඇසුත් හිනා වෙනවා .. ඒ ඇස් දිලිසෙනවා ..දෙවියනේ දෙවියනේ එකපාර අකුනු හත අටක් ගැහුවා වගේ මගේ ඇඟම හිරිවැටිලා යනවා මේ හිනාව දකිද්දි .. වශි වෙනවා දෙයියෝ වශි වෙනවා .. තාමත් රක්ෂත්ගේ ෂර්ට් එකේ කොනක එල්ලිලා මං කටත් ඇරන් එයා හිනාවෙන දිහා බලන් හිටියා.. බඩත් කැලතෙනවා එකපාර ටොයිලට් යන්න අවශ්‍යයි වගේ මට .. හොව් පොඩ්ඩක් හිටපන් මෙච්චර ලස්සන වශී වෙන හිනාව මේ අවශ්ථාවේ මං විතරක් නෙමෙයි නේද දකින්නේ .. මොනවා උනත් රක්ෂත් ට වටින් නෑ සෑහෙන්න පිරිසක් ඉස්සරහා මෙහෙම හිනා වෙන්න ..