عشق بصدمه : ادم . اقترب ادم من عشق وقال : عشق انتي بجد هنا انا دورت عليكي ف كل مكان مكنتش بنام ابدا انتي ليه مشيتي وسبتيني عارف اني وجعتك و سببتلك اذى كبير بس قطع حديثه عندما قالت عشق ببرود : ممكن نبدأ اجتماعنا ثم توجهت الى الكرسي وجلست بجانب يوسف فقال ادم لنفسه : معقوله يا عشق مبقتيش تحبيني لدرجه انك مهتمتيش بكلامي اما عشق فقالت لنفسها : ياريتني ما جيت هنا على الاقل مكنتش شوفتك خايفه اضعف تاني قدامك ثم قال حازم : اه تمام يلا نبدأ فجلس ادم مكانه وهو ينظر لعشق يحاول فهمها فهي تغيرت تماما عن السابق عينها بها نظره قويه لم تكن موجوده بالماضي
بدا الاجتماع ومضوا العقود ثم وقف حازم وخرج من الغرفه ثم قال ليوسف لعشق : يلا بينا احنا كمان .
عشق : اه يلا كادت عشق ان تخرج خلف يوسف ولكن امسك ادم بزراعها وقال : ممكن نتكلم شويه نظرت عشق له وجدت بعيونه نظره رجاء فقالت ليوسف : استناني يا يوسف بره خمس دقايق .
يوسف : تمام .
عشق : عايز تقول ايه .
ادم بندم : عارف انك اكيد مش طيقاني بعد اللي حصل بينا واني السبب في اننا نخسر ابننا بس انا قطعت عشق حديثه وقالت : بس !!! مفيش بس يا ادم ولو فاكر ان انا ممكن اسامحك وارجع اعيش معاك تبقى بتحلم انا مبسوطه في حياتي وانا ما صدقت اني اخلص واهرب منك ولو رجع بيا الزمن هختار اني اهرب تاني وتالت ورابع فقال ادم : يعني مبسوطه بحياتك طيب انا ليه مش مبسوط عشق انا منستكيش لحظه واحده انا كنت طول الوقت بفكر فيكي وكنت محضر كلام كتير اقولهولك بس نسيته كله .
عشق : انا لازم امشي دلوقتي عشان يوسف مستنيني .
ادم : مين يوسف ده اللي انتي عاملاله اهميه تعرفيه منين ؟
عشق : ادم لو سمحت متغلطش فيه يوسف بالنسبه لي اكتر من صديق هو الشخص الوحيد اللي وقف جمبي طول السنين دي ومش مستعده اخسره ابدا وبعدين انت ملكش الحق انك تتدخل في حياتي .
ادم : لا ليا يا عشق انتي نسيتي انك مراتي ولسه على ذمتي وانا المفروض اقولك تكلمي مين ومتكلميش مين .
عشق : لا يا ادم ده كان زمان قبل ما اسيبك واهرب لكن دلوقتي اللي واقفه قدامك دي واحده تانيه غير اللي انت تعرفها وعن اذنك لازم امشي خرجت عشق من الغرفه وجدت يوسف بانتظارها فقال لها : عشق انتي كويسه ؟
اقتربت منه عشق والدموع تنسال من عيونها وقالت : لا مش كويسه اقترب منها يوسف واخذها بحض*نه وظلت عشق تبكي وتقول بين بكائها : ياريتني ما جيت وشوفته انا تعبت اوي كنتش عايزه اشوفه ابدا قال يوسف : اهدي يا عشق اهدي عشان نروح وحمزه مياخدش باله اعتدلت عشق واخرجت منديل من حقيبتها ومسحت دموعها ثم خرجوا من الشركه ثم فتح يوسف باب السياره لعشق ثم جلس مكان القياده .
عند ادم كان يراقبهما وشاهد يوسف وهو يحتض*نها ويركبها السياره وغلى دمه وشعر بالغيره من يوسف ثم قال : هرجعك يا عشق وهخليكي تسامحيني مستحيل اسيبك بعد ما لقيتك .
في السياره
قال يوسف وهو ينظر لعشق : يعني خلاص مش هتيجي الشركه تاني في الفتره اللي احنا فيها هنا .
عشق : مش عارفه بس لازم اروح كل يوم عشان نخلص شغل بسرعه ونرجع ايطاليا تاني .
يوسف : براحتك يا عشق اهم حاجه عندي تكوني مرتاحه .
نظرت له عشق ثم ابتسمت له واكملوا الطريق ووصلوا الفيلا ودلفوا وجدوا حمزه يلعب بالمكعبات فجرى حمزه عليها وقال : ماما وحشتيني اوي .
عشق : وانت كمان يا روحي وحشتني .
حمزه : هو انتي هتروحي كل يوم الشغل ده على فكره انتي بتحبيه اكتر مني .
عشق : لا يا حبيبي انا مش بحبه اكتر منك بس انا لازم اروح الشغل كل يوم عشان اجيبلك اللعب اللي بنحبها والاكل اللي بتحبه صح ولا ايه ؟
حمزه بحزن : صح .
عشق : لا متزعلش اوعدك هخرجك قبل ما نرجع ايطاليا واوريك الاهرامات ايه رايك ؟
حمزه بفرحه : هيه هيه هروح الاهرامات هروح الاهرامات .
عشق : يلا تعالى نلعب سوا ثم نظرت ليوسف وقالت : معلش يا يوسف مش هقدر اراجع معاك تلشغل دلوقتي بس بليل لما حمزه ينام نراجعه سوا .
يوسف : لا ابدا مفيش مشكله .
في صباح اليوم التالي استيقظت عشق و ارتدت فستان بيبي بلو و تركت لشعرها العنان مع بعض لمسات الميكب واصبحت مثل الملاك ثم نزلت للاسفل وفطرت مع حمزه و يوسف ثم قالت عشق : بص يا حمزه هروح انا ويوسف الشغل وبعدين نيجي ناخدك ونخرج ايه رايك ؟
حمزه : طيب هو مش ينفع اجي معاكوا وهقعد هناك ومش هعمل شقاوه خالص هقعد ساكت .
عشق نظرت ليوسف فقال لها : عادي كده احسن فقالت عشق لحمزه : ماشي بس هتعد ساكت .
حمزه : اوكى .
خرجوا من الفيلا ووصلوا الشركه و صعدوا الطابق الاخير ثم دلفوا مكتب عشق وجلس حمزه على الكرسي واخرج من حقيبته كراسه والوان فقالت عشق : خليك هنا هعمل شويه شغل ونخرج ماشي .
حمزه : ماشي بس خلي الباب مفتوح عشان مش اخاف .
عشق : ماشي وخرجت عشق وتوجهت مع يوسف لغرفه الاجتماعات وجلسوا على الطاوله .
عند ادم وصل الشركه وصعد للطابق الاخير واثناء مروره من امام مكتب عشق وجد طفل يجلس بمكتبها فتوجه له وقال : انت مين ؟
حمزه ببراءه : انا حمزه .
ادم باستغراب : وجاي مع مين ؟
حمزه : مع ماما .
ادم : وهي فين ؟
حمزه : مش عارفه بس بتعمل شغل .
ادم : طب اسمها ايه ؟
ولكن قبل ان يجاوب حمزه على سؤاله جاء حازم وقال : ياا ادم نلحق الاجتماع اتأخرنا فتوجه معه ادم ودلفوا غرفه الاجتماعات وجلسوا اماكنهم وبدؤا الاجتماع تحت نظرات ادم لعشق واثناء اجتماعهم فتح الباب ودلف طفل صغير واتجه لعشق وقال : ماما بصي رسمتي باظت اتكب مايه عليها نظر له ادم وصدم ثم وقف وقال بصدمه : ماما 😳
___________________________________
#يتبع
#عشق_ادم
