အခန်း ၅၃ အရှက်တရားကို ထမ်းရွက်ပြီး ဝန်ထုပ်ဝန်ပိုးကို သယ်ဆောင်ရမယ်
အထဲမှာ ဘယ်သူလဲ?
မြက်ပင်များနှင့်သစ်ပင်များ ယိမ်းယိုင်နေသည့်နေရာကို စိုက်ကြည့်နေရင်း ချင်းဖုန့်၏ နှလုံးခုန်သံက ကျယ်လောင်လာသည်။ သူမက သူမ၏လက်နှစ်ဖက်ကို တင်းတင်းကြပ်ကြပ် လက်သီးဆုပ်ထားသော်လည်း သူမ၏မသိစိတ်က အနည်းငယ် တုန်လှုပ်နေမိသည်။ မူလကတည်းက လူသူကင်းမဲ့နေသောနေရာက ယခုအချိန်တွင် ပို၍ပင် အေးစက်နေပုံရသည်။ သူမက သရဲတစ္ဆေတွေနဲ့ နတ်ဘုရားတွေကို ဘယ်တုန်းကမှ မယုံကြည်ခဲ့ပါဘူး၊ ဒါပေမယ့်လည်း ဒါက နန်းတော်ရဲ့နယ်ပယ်ထဲမှာဖြစ်နေတာကြောင့် သူမ မကြောက်ဘူးလို့ ပြောရင် အဲ့တာက လိမ်တာပါပဲ။ ချင်းဖုန့်က အသက်ကို ခပ်ပြင်းပြင်းရှူကာ စိတ်တည်ငြိမ်အောင် ကြိုးစားနေရင်း ဆူညံသံကို ဖန်တီးပေးနေသော ပရမ်းပတာဖြစ်နေသည့်နေရာကို ဂရုတစိုက် လှမ်းကြည့်နေသည်။
"မလုပ်နဲ့.... အဲ့ဒီလိုမလုပ်ပါနဲ့... တစ်ယောက်ယောက်တွေ့သွားရင်... သတိထားပါဦး.." ခြုံပုတ်ထဲမှ အမျိုးသမီးတစ်ယောက်၏ မရေမရာအသံက ပြတ်တောင်းပြတ်တောင်း ထွက်လာသည်။ ချင်းဖုန့်က သူမ နားကြားလွဲနေသည်ဟု ထင်ကာ အနားသို့ တိုးကပ်တော့မည့်အချိန်တွင် စိတ်မရှည်ပုံရသည့် ယောက်ျားသံတစ်သံ ရုတ်တရက် ထွက်ပေါ်လာသည်။ "ဘာလို့လဲ? ဒီနေရာမှာ ဘာလို့ တစ်ယောက်ယောက်ရှိနေမှာလဲ?"
ချင်းဖုန့်က အံ့အားသင့်သွားပြီး သူမ၏ခြေလှမ်းများကို အမြန်ရပ်လိုက်သည်။ ခဏအကြာတွင် မိန်းခလေးတစ်ယောက်၏ ညုတုတုအသံနှင့် ယောက်ျားတစ်ယောက်၏ အသက်ပြင်းပြင်းရှုသံတို့များ ထွက်ပေါ်လာပြီး တိုးရာမှ ပို၍ကျယ်လောင်စွာ ထွက်ပေါ်လာသည်။ နောက်ဆုံးတွင် ချင်းဖုန့်က ဘာဖြစ်နေကြောင်းကို နားလည်သွားပြီး သူမ၏မျက်နှာက နီမြန်းလာကာ ချက်ချင်း လှည့်ထွက်လိုက်သည်။ သို့သော်လည်း မှောင်လွန်းသောနေရာတွင် သူမက ခပ်မြန်မြန် လှုပ်ရှားလိုက်သဖြင့် သစ်ကိုင်းခြောက်တစ်ခုကို နင်းမိသွားပြီး "ချောက်"ဟူသော အသံတစ်ခု ထွက်ပေါ်လာသည်။
YOU ARE READING
တော်ဝင်မောင်းမဆောင်မှ ဝိုးတဝါး သံသယများ
Historical Fiction"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၃)" MM Translation "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၃)"
