Part 12

                                    

                                          
السلام عليكم ورحمة الله وبركاته
_______
سديم اللي جلست تناظر البزران وهي تدمع من القهر وفيها غصه
شافتها ترف وجات هي ومشعل عندها ناظرت لهم سديم
ترف : سديم اشبك تبكين
سديم : ها توته مافيني شيء مو جالسه ابكي
مشعل : لا شوفي دموعك 
سديم : لا هذي عيني تعورني 
ترف : متاكده سديم
سديم : ايوا يلا توته روحي العبي مع مشعل وسحاب ومحمد والباقين
ترف : تمام ، حضنت ترف سديم ورجعت تلعب مع الأطفال
سديم اللي كانت تحلم انها تكون مكان ارياف بس مافي نصيب
ضاقت سديم ومشى غيث من جنبها وهو ناظر لها هي تغطت منه غيث اللي شاف دموعها وقف لحظه وهو يفكر ويتمنى لو انها تبكي عشانه
لف غيث وجهه وطلع من عندهم 
_______
بعد اسبوع انقطعت سديم عن العائله ونقلو لجده وجلست هناك سديم 
وغيث اللي كان كل تفكيره في سديم وجالس يبكي ويخاف صار لها شي
-قبل زواج عبدالله وارياف-
وصلت دعوه لحضور الزواج من ام ارياف واللي كانت بكرا وصلت لام سديم اللي سديم لسا ماتخطت امها غصبتها ترجع القصيم
سديم : يمه ما ابي القصيممم
ام سديم : مو بكيفك مو انتي اللي كنتي تقولين نبي القصيم مانبي جده
سديم : بنفسك قلتيها كنت
ام سديم : بتمشين غصب يلا من الحين بنروح القصيم جهزي أغراضك
سديم بزعل : طيبب
_______
-في الزواج-
تجهزت سديم وكشخت احلى كشخه وسوت شعرها ويفي وركبت عدسات وتمكيجت بفستانها الاحمر والكعب والاكسسوارات
-وصلو للزواج-
دخلت سديم بكامل أناقتها وجمالها وأنفتنو فيها كل اللي بالقاعه شافوها البنات جو حضنوها 
سجى : يبنت فينك مختفيه ذا كله 
سديم : ابد جالسه بالبيت 
ليالي : وليه ماتردين 
سديم : ظروف 
عهد : يلا تفضلي اجلسي أنا اخت المعرس المفروض أضيفك
سديم بابتسامه : تمام بس تعالو الحمامات اول نعدل مكياجنا
عهد : قدام 
خلصو وجلسو كلهم صار وقت الزفه دخلت ارياف ومعها عبدالله
وانزفت مع الشخص اللي كانت سديم تبيه لها لوحدها ماتحملت سديم وطلعت جلست بالحوش وهي تدمع بس ماتبي تضعف دخل غيث وشافها وانفتن وأغرم فيها تقدم غيث وقرب منها 
غيث بصوت خافي: سديم فيك شي
سديم رفعت راسها لغيث وهي عيونها دموع 
سديم بابتسامه : شكراً مابي اقول لاحد روح عني 
غيث : قولي لي شفيك
سديم بعصبيه : قلت لك مافيني شي ولا ابي اقول لاحد يع تكرهون الواحد فيكم والله يهني اختك وعبدالله ومبروك والذريه الصالحه ويلا
قامت سديم والكعب تمايل وطاحت على الارض قرب منها غيث مد يده
سديم : مابي مساعدتك خلك بنفسك ، قامت سديم وتوجهت ناحيه الباب
ناظرت لغيث اللي كان بمكانه ويناظرها ولفت وجهها ودخلت جوا 
بالقاعه كلهم جالسين والعروس والمعرس ينزفون إلا سديم جالسه على جوالها ماتبي تشوف لفت عليها عهد سحبت جوال سديم منها
عهد : بلا جوال لا اصكك به
سديم : رجعي جوالي ياعهد ، قامت عهد ومعها الجوال وراحت ناحيه الباب قامت سديم وراحت ورا عهد وهي منفسه
سديم : عهد خلاصصص
عهد اللي شافت غيث برا وعطته جوال سديم وخلته يروح 
سديم : عهد يامريضه جوالي
عهد : احسن عشان تعرفين ان الله حق امشي
سديم بعصبيه : حيوانه !!
مشت عهد و وراها سديم اللي وقفت بنص القاعه وهي تناظر لارياف وعبدالله اللي كان يناظرها بعد واغرم فيها 
عبدالله بنفسه : كاننا استعجلنا يولد
ارياف ناظرت لعبدالله وناظر لها وابتسم نزلت راسها ارياف من شافت سديم تناظرهم من باب القاعه شغلو اغنيه -ياعيون-
- ياعيون ماليه لي الدنيا ورود -
- ومعاها بقيت موجود -
- تستاهل فعلا قلبي-
عبدالله اللي مسك يد ارياف وناظرت له جت عينه بعينها وحضنها 
سديم اللي ما استحملت الوضع ناظرت لارياف بكره ولفت وجهها 
وطلعت من القاعه بعد ... طلع عبدالله من القاعه ومتوجه ناحيه الباب عند الرجال اللي شاف سديم حاطه راسها ومنزلته ومغطيه عليه 
عبدالله قرب من سديم : سديم شفيك المفروض تفرحين لي
سديم اللي ناظرت لعبدالله وعيونها مليانه دموع قامت ومسكت يد عبدالله واخذته لورا  ناظر لها عبدالله وهو مستغرب ناظرت له سديم وتركت يده 
سديم بغصه : عبدالله أنا احبك ليه تتزوج غيري ليه؟؟
عبدالله اللي كان منصدم من سمع سديم وهو يناظر لها ماعطته فرصه يتكلم 
سديم بغصه ورجفه : ليه تتزوج جاوبني أنا لي فتره أعشقك حتى مو احبك هيمانه فيك وبس اهوجس وأفكر فيك يمكن انت مافكرت فيني بس أنا فكرت فيك وكثير بعد ليه تتزوج غيري ياعبدالله ليهههه!!؟؟
عبدالله : لا ترجفين وشربي مويه 
سديم بغصه : مارح اشرب أنا احبك جاوبني 
عبدالله : أنا اخترت ارياف لان اختي وامي شهدو انها تجنن ليه عهد ماجابت طاريك عشان أنا اخطبك ليه عهد ماقالت ارياف ماقالت سديم تلوميني الحين أنا مالي دخل عهد اللي اختارت لي وانا موافق ورجاءاً ياسديم اتركيني بحالي أنا الحين واحد متزوج ولا عاد ابي أشوفك 
تركها عبدالله وهي منصدمه من كلام عبدالله وترجف والغصه خانقتها
مسحت دموعها وشربت مويه وراحت للقاعه تكمل ولا تبي تبين ضعفها
-بعد الزواج-
راحت سديم بدري ووصلت للبيت تذكرت جوالها اللي كان مع غيث رجعت عشان تاخذه لحالها شافت غيث وجت عنده جت رساله لجوال سديم من ( حبيبي ) ناظر الجوال غيث وانصدم من قرا الاسم 
سديم جا بتسحب جوالها 
غيث بعصبيه : من ذا ؟؟!
سديم : مالك دخل جيب جوالي 
غيث بعصبيه : مارح اعطيك هو لين تقولين لي من ذا
سديم : مالك دخل يامريض 
غيث بعصبيه : عمي ماعرف يربيك زين تبين اقول له
سديم بعصبيه : مالك دخل اول شي وثاني شي ذا راعي البقاله وخوياتي اللي بجده تحدوني احط اسمه حبيبي 
غيث بعصبيه : وش اللي يثبت لي انك صادقه 
سديم : جيب الجوال أنا اثبت لك الحين ، عطاها غيث وفتحت جوالها دخلت على محادثتها معه و ورتها لغيث 
غيث اللي هدا من شاف 
غيث : اسف حسبت واحد ثاني وقلت يمكن صدق عندك لانك من جده
سديم بعصبيه : أنا من جده بس مستحيل اكون زي كذا تفكيرك متخلف
غيث : اسف ، سديم لفت وجهها ومشت للسياره حقتها شافتهم ليالي من بعيد وهم واقفين مع بعض انجرحت من سمعت غيث اللي كان يوضح انه يغار على سديم تضايقت وركبت السياره مع غيث 
_______
-بيوم من الايام-
دق الجد على كل عياله يقول لهم انهم يرجعون للديره وصلو كلهم للديره وتجمعو كلهم بالصاله البنات يتغطون والحريم يتغطون والعيال والرجال موجودين الجد وصل للصاله عندهم 
الجد : انتم الحين بتعيشون بالديره معنا فقدناكم 
ام سديم : كان قلت من الجوال 
الجد : والله عشان كلكم تجون ومن اليوم ورايح بتعيشون هنا 
وافق الكل لان محد يقدر يقول للجد لا لانه كبير بالسن 
_______
-بالليل-
ليالي اللي طلعت برا تنتظر غيث تبي تعترف له بحبها وصادف ان غيث طلع جالس عند باب المقلط اشرت له غيث استغرب من ذي راح لعندها
غيث : مين انتي ؟
ليالي : أنا ليالي غيث بقول لك شيء مهم 
غيث : قولي 
ليالي : بس تعال مب هنا فوق بالسطح عشان محد يسمعنا 
غيث استغرب بس طلع للسطح ورا ليالي وقفت ليالي ووقف غيث
غيث : اخلصي شعندك برجع انام 
ليالي : صراحه أنا أحبك 
غيث اللي انصدم من كلام ليالي 
غيث : ليالي اعذريني أنا ما أحبك أنا احب وحده ثانيه 
ليالي : سديم صح 
غيث : شدراك ؟
ليالي : ترا واضح 
غيث : اي وانا احب سديم 
ليالي : تحبها وهي مادانت لك خبر ولا حتى تداني طاريك! سديم اللي ساحبه عليك وماتحبك وماتمشي معاك ؟ سديم اللي تحب عبدالله وماجابت طاريك وانت شايف اسلوبها معك وللحين تحبها ؟
غيث : احبهاا حتى لو ماتداني طاري غيث احبهاا حتى لو قتلتني بحبها حتى لو جرحتني احبها حتى لو دمرت لي حياتي ونفسيتي هذي سديم سديم حبيبتي وكل حياتي ومقدر اتزوج غيرها قلبي معها وروحي معها أنا مو بس أحبها أنا عاشق وهيمان فيها لو بيدي خذيتها من العالم 
ليالي : طيب أنا ياغيث؟ أنا احبك عطني وجه على الاقل
غيث : أنا عطيتك هي بالصراحه اني ماحبك واحب سديم 
صدف ان كانت سديم بالسطح ومعها جوالها تبي تهوجس سمعت كل كلام غيث وليالي 
ليالي : غيث هذيك وحده اسلوبها زق وشكلها خايس شلون هي تحبها ؟ طيب أنا احلى منها وأفضل منها ليه سديم ليه ؟
غيث : لا تقولين كذا عن سديم لا اروح افضحك عند جدي
ليالي : لو فضحتني بفضحك وبفضح سديم 
غيث بتوتر : اكرهك ماحبك أنا اكرهكك 
ليالي انجرحت : احبك
سديم ماقدرت تسكت وطلعت لهم شافها غيث وهو مصدوم وليالي اللي كانت خايفه من سديم سديم قربت من عندهم لفت على ليالي
سديم : ماتوقعت بيوم اني بعرف انك حسوديه وحاسدتني على كلشي وفوقها كارهتني وتشوهين سمعتي من وراي أنا اهنيك تفوزين بالمركز الاول من الحساد 
ليالي برجفه : سديم اسفه كنت اسوي كذا عشان غيث يصير لي 
سديم : وانتي تسوين كل ذا عشان ولد ؟ 
ليالي : اسفه ماكنت اقصد 
سديم : لا تمثلين خلاص طلعتي شخصيتك الحقيقيه 
ليالي بعصبيه : يليل خلاص ترا عطيتك وجه بزياده اي وصدق انتي خايسه وكلشي فيك زق وتطاردين واحد متزوج يع يامتخلفه
سديم : الحين تستغلين اني كنت احب واحد وتزوج أنا كنت بس الحين لا ليالي تبيني اضعف من كلامك ؟ أنا مو سديم ذيك انا تغيرت 
ليالي : شلون تغيرتي وانتي كنتي تبكين بزواج عبدالله 
سديم : صح مارح اجحد بس أنا صدق بكيت لاني كنت احبه بس الحين لا ولا تحاولين تستضعفيني بسبب ذا الموضوع أنا تغيرت 
ليالي اللي تضايقت من كلام سديم وعلطول نزلت من السطح لفت سديم على غيث اللي كان متجمد بمكانه من سمع كلام سديم
سديم : غيث شكراً لانك دافعت عني
غيث : العفو بس عادي اسألك
سديم : اي
غيث : انتي سمعتي كلامنا كله 
سديم : اي كله واعترافك 
غيث اللي نزل راسه سديم اللي ناظرت لغيث ومسكت شعره تلعب فيه ناظر لها غيث 
سديم بابتسامه : غيث والله شعرك حلو 
غيث وهو يبتسم : انتي الحلوه ، ضحكت سديم وضحك معها غيث 
_______
يتبع...