السلام عليكم ورحمة الله وبركاته
روايتي الثانيه وان شاء الله نالت إعجابكم
قامو الصبح ونزلو العيال يشترون فطور للحريم ولهم
ارياف : قلبي الحين يوجعني
سديم : احمدي ربك أنا يدي
ارياف : اص على الاقل مب خيل
سديم بعصبيه : على الاقل مب دباب
ارياف مسكت شعر سديم وشدته بقوه سديم مسكت شعر ارياف
سديم بصراخ : اشبك انتي ياغبيه شكلك تبي تتصفقي
ارياف بصراخ : لابوتس اسكتي لا اصفقس
عهد : ايوا طق العرق الجداوي والعرق القصيمي
شجون : سديم تكلمي قصيمي تراك قصيميه
عهد : هي عاشت بجده عشان كذا تتكلم جداوي
سجى : طق عرق اللهجات
ارياف ماسكه شعر سديم بقوه وتشد وسديم كل ماشدت ارياف شدت أضعاف أرياف المسكينه دخلت رحاب وفكت بينهم ووخرتهم
سجى : خلاصصص
رحاب : بنات كلكم تعورتم مايحتاج تتهاوشون
سديم ناظرت لأرياف من فوق لتحت ولفت عينها ومسكت شعرها وهفته على ارياف ومشت وأرياف انقهرت من حركه سديم
ارياف بصراخ : يامتكبرههههه اتركييي عنسسس هالحركااتت لا انسييكك هييي بنفسييي ياوجههه التبننننن
سديم لفت على ارياف وصرخت : ماتعقلين انتييي؟ لاجي واصفقس
عهد : اسلم كل ثانيه لهجه جديده
ليالي جت عند أرياف وعطتها جوالها
ليالي : ارياف اخوك يدق
أرياف : هاتي ، خذت جوالها وقامت من عند البنات ردت على غيث
أرياف : خير ياوجه الفقر شعندك
غيث : بسالك
ارياف : وش اخلص
غيث : وش سديم تحب
أرياف : وش؟؟
غيث بإرتباك : قصدي وش ودكم بعصيرات
ارياف : جب اي شي جب اللي تجيبه حتى لو تبن اخلي سديم تاكله
غيث : افا ليه
ارياف : مايخصك
غيث : من مزع...، ماكمل كلامه قفلت ارياف بوجهه المكالمه
-عند العيال-
غيث : يليل ذي الشغله أرياف من مزعلها ذي
انس : اقول خل ناخذ لهم اي عصير
-تفطرو وخلصو وحركو من المخيم للديره-
نامو بالسياره على بال مايوصلون للديره وصلو الديره ونزلو كل اغراضهم ودخلو البيت
-عند البنات-
سديم : بنات طفشت خل نتمشى برا شوي نستكشف
ارياف : قدااام
عهد : ابك توكم متهاوشين
سديم : تهاوشنا بالمخيم مب بالديره
أرياف : صح عليك
عهد : أنا ماني رايحه معكم روحو لحالكم
سديم : انقلعو مامنكم فايده أصلا الشي أرياف
ارياف : مارح نلبس عبايه صح
سديم : ايوا محد حيدري عننا بنستكشف ونرجع
ارياف : تم
طلعو سديم وأرياف من البيت وجلسو يتمشون ويستكشفون طلعو للجبال وبدو يدخلون بطرق مايعرفونها ومعهم جوالاتهم وسديم تصور وترسل إلا ودخلو بمكان مافيه نت ولا اي شيء ضيعو الطريق
سديم : يمه وشذا المكان
ارياف : الله يصرعك ليه مشينا من هنا
سديم : بدق على البنات اصبري ، فتحت سديم جوالها ولا لقت فيه ابراج
سديم : أرياف مافي ابراج
ارياف : تكذبين؟؟
سديم : والله مافي ابراج هنا
ارياف : ارفعي الجوال شوفي لين نوصل مكان فيه ابراج ، سديم رفعت الجوال وهي تمشي
سديم : مافي ابراج هنا ضعنا اكثر
ارياف : كليزق امشي خل نرجع
سديم : تتذكرين الطرق ؟
أرياف : لا انتي تتذكرين من وين مشينا
سديم : لا
ارياف : هيا خذلك مافي ناس هنا ولا في أبراج وش الحل
سديم : خل نمشي نمشي يمكن نلاقي
ارياف : يلا معك
رجعو البنات ودخلو طرق مايعرفونها على اساس يوصلون للبيت
سديم : يوه مافي ابراج هنا كمان تكفين
ارياف بخوف : أنا خايفه
سديم : هيا ابلعي
جلست سديم وجلست جمبها ارياف وهم يتأففون وخايفين ومامعهم عبايات ولا فروات
ارياف : حسبي الله عليك ياسديم
سديم : شدخلنييي
ارياف : هيا خل نخمن لمتى بنجلس هنا
سديم : ماعرف
_______
-عند الحريم-
ام رحاب : بنات تعالو انزلو سولفو معها جالسات هنا لوحدكم
رحاب : طيب جايين بس روحي
عهد : بنات جا العصر والبنات ماجو
شجون : يمكن صار لهم شي
سجى : هم قالو لا تقولون لاحد يعني خل ننطم يمكن شويات ويرجعون
ليالي : صدق لا نشيل همهم يعرفون يتصرفون
نزلو البنات عند الحريم وجلسو يسولفون شوي ويتقهوون حتى العشاء
وطلعو فوق وجا وقت نومهم كلهم نامو إلا عهد كان قلبها مع أرياف وسديم وتبي تعرف بس شصار لهم ماقدرت تنام ومن التفكير غفت
_______
-عند العيال-
غيث : يعيال نفسي بشاهي
انس : ارقد بس ارقد
غيث : لا صدق وليد سو شاهي
وليد كان نايم ولا يسمع وش يقول
غيث : وليدددد
انس : يشيخ وليد نايم ارقد
غيث : يليل الشغله
عبدالله قام من الفرش وفتح الباب
غيث : وين رايح
عبدالله : رايح الحمام تبي تجي
غيث : لا
عبدالله لف وطلع من الباب وقفل الباب وجلس جنب الباب طفشان ومافيه نوم ولا جاه وهو يفكر شاف عهد طلعت من البيت شافته عهد واشرت له يجي عبدالله قام من مكانه وراح لعهد
عبدالله : هلا وش بغيتي
عهد : اسمع لا تعلم احد بقول لك شي
عبدالله : قولي
عهد بخوف : الصبح ارياف وسديم طلعو يستكشفون الجبال ورفضت اروح معهم وهم راحو وانا جلست انتظرهم وللحين ما جو
عبدالله بصدمه : وليه ماتقولين لامهم؟؟
عهد : هم قالو م اقول لاحد تكفى شوف لنا حل
عبدالله : خلاص انتي ادخلي داخل ونامي أنا بتصرف
عهد : تمام ، لفت عهد ودخلت جوا البيت ودخلت الغرفه وانسدحت
رجع عبدالله لمكانه وجلس يفكر وش يسوي
عبدالله في نفسه : لو رحت الحين بيكون ليل وبضيع أنا مب هم خلاص الصبح بقوم واروح ادورهم بنفسي بدون محد يدري
رجع عبدالله لفراشه وهو يفكر ماقدر ينام بس بلحظه غفى
_____
-في الصباح-
عهد قامت على صوت ام سديم الي تقومهم على الفطور وعهد متوتره
ام سديم : عهد وين سديم وارياف
عهد بتوتر : دخلو الحمام ياخذون شاور
ام سديم : مع بعض ؟
عهد : لا في حمامين
ام سديم:اها يلا تعالو الفطور
عهد : يلا جايين لاحقينك
طلعت ام سديم من الغرفه وعهد متوتره وخايفه على ارياف وسديم
____
-عند العيال-
قام عبدالله وشاف العيال متجمعين ياكلون وغيث
غيث : عبدالله تعال كُل
عبدالله من التفكير والخوف على ارياف وسديم ماقدر ياكل اخذ مويه واخذ موتره وركبه وتوجه ناحيه الجبال
____
-عند سديم وارياف-
من التعب نامو على بعضهم وقامو الصبح شافو موتر قدامهم
ارياف قامت وناظرت لسديم
ارياف : هذا موتر من
سديم : مدري بس شكله حق واحد من العيال جو ينقذوننا
ارياف : بس ذا مو موتر واحد من العيال اعرفها مواترهم
سديم : مدري والله
شافو واحد نزل من السياره وهو يعطيهم فروات زايده عنده يتغطون فيها اخذت سديم وارياف الفروات ولبسوها واخذو جوالاتهم وقامو
سديم : مين انت ؟
نواف : أنا نواف شفتكم هنا قلت شكلكم ضايعين
ارياف : ايوا ضايعين كله من الخبله اللي جنبي
سديم : ماعليك منها عاد نسينا مكان البيت
نواف : تركبون معي أوديكم عند اخواتي تفطرون وانا ادور اهلكم
سديم : تمام
ارياف اللي كانت مو طايقته : لا مو تم
سديم : افا ليه
ارياف : علطول تم
سديم : حبيبي ذا الوحيد اللي يقدر ينقذنا
ارياف : خلاص إذا كذا تمام
________
-يتبع.....-
تتوقعون يلحق يوصل لهم عبدالله ؟
YOU ARE READING
لاقيتك صدفه يامحاسن هالصدف
Randomروايه تتكلم عن سديم اللي تكون جداويه وبيوم يروحون للديره ويجلسون هناك وتتعلم اللهجه حقت ابوها وتعيش وسط بنات تكون خويتهم وبيوم تقابل شخص وتعتبره اخوها وهو يحبها وينغرم وتقابل شخص ثاني وتكون مغرمه فيه ثاني روايه ان شاء الله تنال إعجابكم💗 واتمنى تصو...
