افراح:-قزز القرط ساعه واسمعج ضمي السانج هاذا
شطوله ولا تستحي ولا عبالك احنه يمها 
رقيه:-والرضا اليشوفه ينسه ام الحياته ولجج 
شفتييي يخوووف يخووف الشوارب سحلني من 
شعررري سحل لو كاعده هاي اول مره بحياتي 
اشوف الهيبه والرجوليه الحقيقيه وعلي 
افراح:-انجبي ولجج عضت اصبعها جا ابوي ما 
رجال مو هيبه 
رقيه:-وعلي وهيبه ورجال وعلى راسي هاذه 
مادري شلون اوصفلج شعوري اتجاها يمه كلبي راح 
يطلع حبابات فتحن الباب اكعد اباوعله 
راعوث:-صافنه على رقيه حسيت الغراض 
والكاونتر انكلب الدنيا كلها نكلبت لزمت بالسنكي
وغمضت عيوني حيل افراح تريد تلحك عليه وكعت
بالكاع احس الكاع تهتز ماكدر اوكف شعري نزل 
على وجهي وحاطه ايدي على كصتي افرك بيها 
اريد اصحه صوت وشوشه بأذاني لزمت بايد افراح 
وغسلتلي وجهي 
-صحيت شويه شربت مي وكومتني افراح كعدت 
على الكرسي سوتلي لفه جبن وجبرتني اكلها بقيت 
اكل بيها كوه واحس اريد استفرغ ما اشتهي ايشي 
افراح:-فشله الرجال منو يوديله مي تكدرين راعوث تكومين
راعوث:-هزيت راسي بـ لا 
رقيه:-اني ابوس ايدج 
افراح:-اششش
رقيه:-عليج الله بلكت يشوفني واعجبه  بس اشوفه 
شويه حبابه 
افراح:-حطيت بطل ماي وكلاص بالصينيه حطت 
شال على راسها عدلت روحها وطلعت 
رقيه:-تقربت يما عملااق طويل وصدره عريض 
ويده كلها عروق وشواربه ثخان سود ولبسه مرتب 
لاخر درجه والعطر يمكن باخ الشيشه كلها وخزرته 
لابوي شلتني بمكاني من الخوف والجمال بعد ماكدر 
اتحرك اريد ابقه اباوعله وبطرف كف ايدي وشوم 
صغار جكاره فوكاها جمجمه بدون ميباوع بيه 
يحجي ويا ابوي اخذ بطل الماي وطفه الجكاره بيده 
وذبها بالصينيه فتح البطل قدمه الابوي رفض ابوي 
شربه بصكه وحده خلص البطل مبين حاجي هواي 
يابس حلكه شمر البطل بالصينيه باوعت على ابوي 
يباوعلي من فوك لجوه ركضت للمطبخ حطيت 
الصينيه على الميز وصافنه 
افراح:-شجاج رقيه 
رقيه:-هوه هاذ شعور العشك اللله اخذت نفس
وزفرته يمه شسوه بيه خلي يبقه عدنه نعزمه يبات 
عدنه 
افراح:-احترمي نفسج شجاي يحجون خير 
رقيه:-هوه اني بعد اسمع همزين ما وكعت يما من 
الحب ارجف ارجف باع الجكارره اخخخ طفاها بيده
 والعباس ردت اتخبل راح اضمها ذكره للابد لو 
اني بدالج راعوث اكله لا ترجعني الاهلي ابقه يمك 
والعباس فاهيه امداني وامداج 
افراح:-رقيه والقران اضربج كافي تجاوزتي 
حدودج هواي سمي وكعدي ازقنبي شلون تعلم 
اختها الصغيره حبايه بحلكج اسكتي يله خليني اسمع