Chapter 32

                                    

                                          
"Salamat po." Sabi ko kay Ms. Jane pagdating namin sa university. 
"I'll fetch you later." Sabi niya. 
"Huwag na po baka kasi gabihin ako." Nakakahiya rin kasi dahil hinatid na nga niya ako ngayon, eh. 
"And? Just message me when your class is done." Sagot niya. 
"Okay po, ingat, ma'am." Lumabas na ako sa kotse.
May pupuntahan rin kasi siya kaso hindi ko alam kung saan. 
Habang naglalakad ako papunta sa building namin biglang sumulpot si Blake sa harap ko. 
"What's up?" Tanong ko sakanya.
"They're looking for you." Sabi niya after ako titigan ng matagal. 
"Sino? May dala bang warrant?" I asked again. 
"What? I mean, your friends looking for you. Alexis even asked me." Sagot niya. 
Akala ko naman kung sino ang naghahanap sakin, kinabahan ako unti dun, ah. Kahit pa wala akong ginawang masama. 
"Saan ka ba kasi galing?" He asked.
"Sa tabi-tabi lang." Sagot ko at naglakad na ulit. 
"I went to your house, but the old lady said she kicked you out." Pinantayan niya ako sa paglalakad. 
Kakaasar pa rin talaga tuwing naaalala ko yun, grabe hindi man lang pinagpabukas ang pag papaalis sakin. 
"Huwag mo na nga ipaalala sakin yan." Inis na sabi ko. 
"I'm just worried." Sagot niya. 
"As you can see buhay pa naman ako, but thank you sa concern." I tapped his shoulder. 
"Whatever, weirdo. See you later." Sabi niya sabay alis. 
Ay oo nga pala may kailangan pala kaming puntahan mamaya. Bahala na nga mamaya ko nalang iisipin pano sasabihin kay Ms. Jane. 
"Gago! Ayos ka lang?" Tanong agad ni Carl sakin pag upo ko sa tabi niya. 
"Oa mo, kita mo naman na buhay pa ako." Sagot ko. 
"Seryoso nga kasi, Sage. Alam mo ba na ilang araw kaming naghahanap ni Alexis at Jeremiah sayo." Mahabang sabi niya. 
Ang ingay talaga nito. 
"Ayos lang ako, nilagnat lang ako ng ilang araw kaya hindi ako nakapasok." Paliwanag ko sakanya para matigil na ito. 
Well, gets ko naman sila dahil hindi rin ako nag open ng phone. Kaninang umaga ko lang binuksan yung phone ko at hindi ko rin pinansin yung mga mag message sakin dahil tinatamad ako. 
"Bak-" Hindi niya natuloy ang pagsasalita dahil tinakpan ko yung bibig niya kasi pumasok na si Ms. Amari. 
"Good morning, ma'am." Sabay nasabi naming lahat at tumayo. 
"Good morning, sit down." Sagot niya.
Tahimik lang akong nakikinig sa klase dahil ilang araw rin akong absent. 
"Alam mo ba yung nangyari sa isang mama ni Sam?" Tanong ni Carl. 
Nandito pa rin kami sa classroom.
"Ha? Anong meron?" Tanong ko at nagkunwari na walang alam. 
"Sabi ni Alexis car accident raw pero buti nalang hindi malala." Sagot niya. 
Seryoso car accident ang result ng investigation? At naniwala talaga sila. 
Tumango lang ako at nagkunwari na hindi interested sa sinabi niya. Hindi pa ba enough yung sinabi ko sakanila tungkol sa nakita ko at naniwala talaga sila na car accident lang?