1

                                    

                                          
بسم الله الرحمن الرحيم اللهم اجعلها بدايت خير
في بيت العذبان جالس ينكتب عقد ماهر وشموخ
عذاب: يهجر عطيتكم بنتي الولا سفر ولان جالس اعطيكم شموخ لا ماهر  وانا اب _
قاطعه هجر
هجر: حتى انا اب ومتفهم كلامك وبناتك بيادي امينه يكفي انهم عيالي
نوح : كلنا نشهد ع عيالك ونعم التربيه
جابر حط يده ع يد ماهر : والحين نقدر نقول مبروك والله يبارك لاماهر وشموخ
في الجهه الثانيه من البيت الوفوف جالسه تجهز شموخ لن ماهر بيدخل عليها 
شموخ: خايفه 
الوفوف: شي طبيعي 
شموخ: بس انا مومرتاحه
الوفوف تعقد حواجبها: الشيطان جالس يوسوس لش
شموخ: مدري 
جلست جنبها الوفوف وتحاول تهديها 
وتدخل عليهم بديعه ورحمه
بديعه: شدو الايادي مابقي شي ويدخل ماهر 
رحمه: شموخ وش فيه وجهش لونه مخطوف
الوفوف: يوم تتزوجي بتعرفي
رحمه: خلش مني وشوفي رجلش يبي تطلعي له
عند باب الغرفه عذاب ومعه ماهر
الجد عذاب: درب درب
ماهر شايل ولد فيصل 
بديعه: تغطو يبنات ويلا نطلع 
الوفوف جالسه تلبس عباتها وتهمس باذن شموخ
شموخ تهز راسها بخجل
بديعه تفتح الباب وهي متنقبه وتسلم على ماهر
ويروحو
ويبقا عذاب يوصي ماهر ع بنته ويوصي شموخ ع ماهر ويشيل عزيز ولد فيصل ويطلع 
حاول ماهر يكسر الحاجز الي بينهم
ماهر: اسلام عليكم
شموخ منزله راسها ويدها ترجف
جلس جنبها ويعيد اسلام
شموخ بصوت متقطع: وعليكم السلام
يطلع من جيبه مفتاح السياره ويحطه ع جبهة شموخ 
شموخ: وش جالس تسوي 
ماهر: جالس شغلش طوطوطو
طار الخجل من شموخ وجلست تضحك 
ماهر : هاذي شموخ الي اعرفها 
شموخ تقلده: طوطوطو 
ماهر ضحك ويسحبها تقرب ويحط راسه بحضنها
شموخ اقشعر جسمها كله وصار قلبها يدق بسرعه 
ماهر: واخيرا صرتي حلالي 
ومرت عشر دقايق وماهر للحين راسه بحضنها
شموخ: نمت 
ماهر يهز براسه اي 
ضحكت وجلست تتامله وتشوف تفاصيل ملامحه 
وشعره الكثيف وكان شوي طويل 
فتح  عين وعين مسكره ويشدها من شعرها الي نازل ع خدها تقرب منه  ويبوسها🌚.
عند الوفوف وسفر جالسين ينتظرو ماهر يطلع عشان يروحو  الكل راح مبقي الا هم
الجد عذاب: تقهوا يولد 
سفر: تسلم يعم ولاكن ودي تنادولي ماهر بنروح الوقت تاخر 
الجد عذاب: ع راحتك
الوفوف: خل عزيز يروح
الجد عذاب هز راسه بمعنا طيب
الوفوف: يمه عزيز روح قل لاعمك ماهر يلا بنروح
يروح عزيز وهو ماسك ع شماغه لا يطيح عمره 5سنوات
ويروحو والعرس تحدد بعد اسبوع
وتزوج ماهر وشموخ وسكنو ببيت هجر 
وحملت شموخ من اول ثلاث شهور وكانت فرحت ماهر لاتوصف وكل وقته يقول لا عزيز بيصير معك اخ  كان يعتبره ولده مو بس ولد اخوهه 
وعاد فرحت العذبان شي اخر سوو عزيمه وعزمو نص قبائل نجران 
في بيت العذبان مقتض بناس وكان ماهر وسفر يقهوو الضيوف مدام هم متزوجين من البيت صارو منه ولازم يسوو كل شي يسوونه عيال عذاب 
فيصل ياشر لا ماهر بفنجانه
يقرب ماهر : متشوف هاذي جنبك دله
فيصل: اشوف ولاكن ابيك انت تصب لي
وجلس يطقطق عليه 
في الجهة الثانية من البيت"
في المطبخ"
بديعه: ناقصنا صحون من المخزن
شموخ: انا يمه بروح اجيبهم 
تمسكها نجلا وتجلسها ع كرسي عند الباب
نجلا: انتي انثبري بمكانش مبقي شي وتولدي 
الوفوف: اي يعمتي احسن امسكيها مبقت شي مسوته اليوم
نرجس: انا في اشهر السادس ولاني قادره اتحرك 
وشموخ ما شاء الله في شهرها الاخير وجالسه تهايط
نجلا: اشجان انتي روحي جيبيهم 
بديعه: لا خلش بمكانش انا بروح 
اشجان: شدعوه انا بروح بس وينهم وابشري بعزك
نرجس  جنب الوفوف عند المغسله 
نرجس: فوفي شفيك 
الوفوف ترفع راسها عشان دموعها لاتطيح وتنفي ان فيها شي 
نرجس عضت شفايفها وسكتت
نرجس: بروح اشوف عزيز وينه
بعد المغرب بمجلس الرجال 
نوح وسفر وعايض(عايض زوج انوار) جالسين يتناقشو بأمور الشغل عشانهم 
شراكه في الإبل 
ماهر جالس يهمز رقبته من التعب
وهجر وعذاب جالسين يتقهوو ويسولفو مع الضيوف
فيصل وجابر وغايب جالسين يتفقو انهم يشترو ارض ويتاجروو بلخيولل
بين كل ذي الزحمه غادر وينه؟ 
عند الحريم"
رحمه جنب شموخ تهمز لها رجولها 
واشجان بسطوح جالسه تلعب الاطفال عشان أمهاتهم يرتاحو كان عمر أشجان 17 مدللت بيت الهجران لوتاشر بااصبعها ع شي يجيها 
الوفوف مع نرجس في المقلط"
نرجس: الحين تقولي لي وش بلاش
الوفوف: مبلاي شي 
نرجس تمسك يد الوفوف: كلامش ذه ع غيري قولي انا اسمعش 
الوفوف تنزل راسها وتشد ع يد نرجس وتشكي لها
وطلع ان الوفوف ماتقدر تجيب عيال وخايفه ان سفر يتزوج عليها 
نرجس تشهق وتضرب بشويش ع كتف الوفوف
نرجس: اقص يدي ومايتزوج عليش انتي للحين متعرفي سفر لو كان ماهر ولافيصل كنت قلت يمكن
يسوونها بس سفر لا ذي بعيده 
الوفوف ودموعها ع خدها: وليش بعيده شوفي عمتي نجلا جالسه تعبي براسه
نرجس: خليش من السلعه ذي حتى جالسه تعبي براس فيصل علي بس مصار شي
واخوي سفر يحبش ولكل يشهد ع حبه لش هو سوى المستحيل عشان عمي هجر يخطبش له موزي ماهر كلمه  وعطول جا وترينك يوفوف توك 22 العمر قدامك بتجيبي الاول وثاني وثالث
ضحكت والوفوف من كلام نرجس وحست براحه 
عشانها أكدته لها ان سفر مستحيل يتزوج عليها
الدرج"
الاطفال جالسين يصارخو  ويبكو
وكل البيت انتفض ع صوت بكاهم 
عزيز يجري بحضن امه
نرجس: بسم الله الرحمن الرحيم وش فيه
عزيز وهو يشاهق : عمتي عمتي اشجان 
نجلا تطيح الفنجان من يدها: بسم الله ع بنتي
وكل الحريم راحو السطح وشافو منظر اشجان الي طايحه ع الارض ونجلا تفقد توازنها من هول الصدمه 
انتهى★ اتمنى تفاعلكم عشان استمر✍🏻