အပိုင်း ၉

                                    

                                          
အပိုင်း (၉) ငါ့ကို လှောင်ပြောင်ဖို့ ဖုန်းခေါ်တာလား?
ပြောစရာစကားမဲ့စွာဖြင့် တိုဘီ၏မျက်နှာသည် ချက်ချင်းရှုံ့မဲ့သွားသည်။ ဇိန့်ကောလ်
မဲန်က သူ့စိတ်ခံစားချက်ကို မျှော်လင့်ထားပုံရပြီး ပျော်မြူးစွာဖြင့် ပြောသည်။ "အိုး၊ ခေတ်စားနေတဲ့ သတင်းဇယားကနေ မင်းရဲ့ကွာရှင်းမှုကို ငါတကယ်သိလာခဲ့တယ်၊ မင်း လှည့်စားခံရတော့ ဘယ်လိုခံစားရလဲ။" 
တိုဘီသည် ခဏမျှတုံ့ဆိုင်းပြီး ရှူးရှူးရှဲရှဲဖြစ်သွားသည်။ "ယီးတဲ့မှဘဲ_"
"ဟား ဟား ငါပြောခဲ့တယ် ဆိုနီယာက မိန်းမကောင်းတစ်ယောက်ပါလို့ ဒါပေမယ့် မင်းသူ့ကို ဘယ်လိုမြတ်နိုးရမှန်းမသိခဲ့ဘူး။ မင်းကို ခြောက်နှစ်ကြာ သည်းခံနိုင်မယ့်သူက သူမတစ်ယောက်တည်းပဲရှိမယ်လို့ ငါထင်တယ်၊ တခြားတစ်ယောက်သာဆိုရင် မင်းကိုစွန့်ပစ်သွားတာ ကြာလောက်ပြီ။" 
တိုဘီ စိတ်ဆိုးသွားသည်။ "ဘယ်လိုပဲဖြစ်ဖြစ် ငါ သူမကိုချစ်နေတာလည်း မဟုတ်ဘူး။"
"ဟုတ်ပါတယ်၊ ဟုတ်ပါတယ်၊ မင်းချစ်နေတာက တီနာကိုပါ ဟုတ်ပြီလား။ "
ဇိန့်သည် ယခင်က တီနာကိုကောလိပ်တွင် တွေ့ဆုံဖူးသည်။ နောက်ဆုံးတော့ ဘေးကနေကြည့်နေသူများသည်ကသာ အရှင်းလင်းဆုံးမြင်နိုင်လိမ့်မည်ပင်။ အကြည့်တစ်ချက်မှာပင် ဂရေးမိသားစုက မိန်းမငယ်လေးဟာ လွယ်ကူတဲ့လူမဟုတ်ဘူးဆိုတာ သူမြင်နိုင်နေသည်။ ဒါပေမယ့် တိုဘီကတော့... 
အခြားတစ်ဖက်တွင်တော့၊ ဇိန့်သည် ဆိုနီယာအပေါ် အလွန်ကောင်းမွန်သော အမြင်ရှိသည်။ သူမသည် တိုဘီကို အလွန်ကြင်နာပေးပြီး ဖူလာမိသားစုကို စနစ်တကျ ထိန်းသိမ်းထားခဲ့သည်။ သူမသည် အလုပ်အလွန်ကြိုးစားခဲ့ပေမဲ့ ဘာမှပြန်မရတဲ့အတွက် သနားစရာပင်။ 
တိုဘီ၏မျက်နှာသည် မည်းမှောင်သွားသည်။ "မင်းက ငါ့ကို လှောင်ပြောင်ဖို့ ဖုန်းခေါ်တာလား"
"ကောင်းပြီ၊ မင်းဇနီးဟောင်းက Celestial ပထမထပ်ကို ဘွတ်ကင်လုပ်ဖို့ ပိုက်ဆံအများကြီးသုံးခဲ့ပြီး၊ အဲ့ပါတီကိုတက်ဖို့ သူမက ငါ့ကိုဖိတ်ခဲ့တယ်ဆိုတာ မင်းကိုပြောပြဖို့ပဲ။ ကောင်းပြီ၊ ငါ မင်းနဲ့ထပ်ပြီး စကားမပြောချင်ဘူး။ ငါ လူတချို့ ကခုန်နေတာကိုပဲ ကြည့်ချင်တယ်။ "