နောက်နေ့မနက် မာန်အိပ်ယာနိုးတော့ ခွန်း၏ အခန်းဆီသို့သွားကြည့်ရာ ခွန်းရှိမနေပေ။
"အန်တီယု အန်တီယု။"
"ဟုတ်ကဲ့ ဆရာ...လာပါပြီ။"
"ခွန်းဘယ်သွားလဲ။ မနက်စာရော စားပြီးပြီလား။"
"မနက်စာလည်း ကောင်းကောင်းစားပါတယ်။ အခုခြံထဲမှာလမ်းလျှောက်နေပါတယ်။"
မာန်က ညဝတ်စွယ်တာနှင့် ဘောင်းဘီရှည်ကိုတောင်မလဲပဲ ခွန်းကိုလိုက်ရှာလေသည်။ ခွန်းက ဒန်းပေါ်မှာထိုင်ပြီး တစ်နေရာသို့ငေးနေရာ နေရောင်အောက်မှာသူ့မျက်ဝန်းပြာပြာတွေက တောင်ပနေ၏။ နားရွက်ထိအုပ်နေသည့် ဆံပင်ကွေးကွေးတွေက မျက်လုံးပေါ်မှာတောင်ဝေ့ဝဲနေတော့ မာန်က လက်ဖြင့်သတ်ကာရှင်းပေးလိုက်သည်။ ထိုအခါ ခွန်းက မျက်နှာတစ်ဖက်လွှဲသွားသည်။ မာန်က သူ့ဘေးမှာဝင်ထိုင်လိုက်ပြီး
"မင်းကိုစိတ်ထိခိုက်လိုစိတ်မရှိဘူး။ ငါတောင်းပန်တယ်။ ကလေးအတွက်မကောင်းဘူး။"
မာန်က အသားညိုတဲ့အထဲမှာပါတော့ ခွန်းရဲ့အနားသို့ကပ်လိုက်လျှင် အသားရောင်တော်တော်လေးကွာခြားမှုရှိသည်။ ဖြူဖြူသေးသေးလေးကိုမှ ဗိုက်ကတော်တော်လေးပူနေတာမို့ မြင်ရတာသနားစရာတော့ကောင်းသည်။ ဒါကြောင့် သူ့ကိုနှစ်သိမ့်ဖို့ဆုံးဖြတ်ပြီးလာခဲ့တာဖြစ်သည်။ ခွန်းကစိတ်ဆိုးနေပေမယ့် အရင်လိုကပ်ကပ်လန်ပြန်မပြောတော့ပေ။
"ကျွန်တော့်တာဝန်က ကလေးကိုဂရုစိုက်ရမှာမဟုတ်လား။ ကျွန်တော်ကအထွန့်တတ်ခွင့်မရှိတာကို သတိလက်လွတ်ဖြစ်သွားတယ်။"
"အဲ့လိုလည်း မဟုတ်ပါဘူး။မင်းမကြိုက်တာရှိရင် ပြောလို့ရတယ်။ လိုတာရှိရင်တောင်းဆိုလို့ရတယ်။ ကိုယ့်ကလေးကို ထိခိုက်မယ့်စကားကိုတော့ မပြောမိစေနဲ့ ကိုယ်စိတ်ထိန်းလို့ရမှာမဟုတ်ဘူး။"
"သိပါပြီ။"
အပြင်ပန်းကြည့်လျှင် နာခံနေတယ်လို့ မြင်နေရပေမယ့် ခွန်းရဲ့ မကျေနပ်တဲ့အငွေ့သက်တွေကအတိုင်းသားပေါ်လွင်နေသည်။
"ဆရာ....ဧည့်သည်ရောက်နေတယ်။"
ခြံစောင့်က လာခေါ်တော့ မာန်ထလာလိုက်သည်။ ခွန်းကိုကြည့်တော့ တစ်ဖက်လှည့်ပြီးသာငြိမ်သက်နေသည်။ မာန်လည်း လျစ်လျူရှုပြီး ဧည့်သည်ရှိရာသို့ထွက်လာခဲ့ရာ
