Ika-24 Kabanata

                                    

                                          
Madalas akong magpaturo kay Aries kapag may nakalimutan ako sa lesson namin sa calculus kung paano isolve kapag ganito o ganyan. Buti nalang at magkasama kami, advantage yon. Pero disadvantage naman kasi minsan nawawala ako sa concentration kapag napapatingin ako sa pwesto nila at makikita ko siyang seryoso. Side view palang nga niya nanggigigil na ako. 
                          
"Ayoko na! Pagod na'ko." Reklamo ni Daren na humilata na sa sahig. Topless na naman siya. Siguro kung ibang babae ang naririto at kasama ko. Baka nag hyperventilate na'yon. 
                          
Tinaasan ko ng kilay si Daren "Napagod ka? Eh, kanina pa kita napapansin na panay ang text sa phone mo e. Napagod ka lang siguro sa kakatext dude." Ngumiti siya at mabilis na bumangon, lumapit siya sa akin at yumuko ng kaunti habang nakatukod ang isa niyang kamay sa sandalan ng inuupuan ko.
                          
"Alam mo Aika. Napaghahalata na talaga kitang type mo ko, kasi parati mo kong pinapansin." Pang-aasar niya kinagat pa niya yung ibabang labi niya. 
                          
"Kapal mo! Napapansin kita kasi..." napapansin ko siya kasi katabi niya si Aries, kay Aries talaga ako tumitingin, nakakatawag pansin lang tong si Daren kasi parang baliw na ngumingiti habang nagtetext. Ang manyak pa niya minsan kapag nilalabas niya yung dila niya para basain yung labi niya. "Kasi ano baby? Oh please just tell me you like me." Nakakakilabot ang boses ni Daren ng sabihin niya yon, nagsasalita siya sa tapat ng tenga ko.
                          
"Hoy Daren. Kung pagod ka na. Wag kang nanggugulo sa girls." Inis na sabi ni Aries.
                          
Napakamot ng ulo niya si Daren. "Niloloko ko lang naman si Aika. Diba baby?"
                          
"SHUT UP! DON'T CALL HER BABY!" 
                          
Nagulat kaming lahat sa galit na pagsigaw ni Aries. Kinabahan naman ako dahil baka makahalata na ang mga kaibigan namin sa relasyon namin. "She's not a baby anymore. So, stop calling her baby." Kalmado ng paliwanag ni Aries tsaka niya ibinalik ulit ang atensyon niya sa kanyang ginagawa. 
                          
"Makapag yosi break nga muna." Ani Daren ng makabawi siya sa pagkagulat. Nakatingin naman sa akin ngayon sina Dorina, Hazel at Daniel. Tila nagtatanong ang kanilang mga tingin, nagkibit balikat nalang ako sa kanila at pinagpatuloy ang ginagawa ko.
                          
It's not the right time for them to know about us.
                          
Alas onse na ng huminto kami sa pagrereview. Nagkainan kaming lahat ng ilan sa mga snacks na binili namin kahapon sa grocery at ng mag twelve thirty na ay nag-aya ng matulog ang iba. Tatlo ang guest room nila Aries. Sama-sama kami ng girls at ni Daniel sa isang room, dahil marami naman ang boys ay sila ang gumamit ng dalawa pang guest room. Mag-isa naman si Aries sa kwarto niya na katapat lang ng guest room na kinaroroonan namin.
                          
Mag aalas dos na ng madaling araw at hanggang ngayon ay hindi parin ako makatulog. Bukod sa hindi pa ako dinadapuan ng antok ay napakalakas pa ng hilik ni bakla. 
Katabi ko sa kama si Dorina na humihilik din pero mahina lang naman. Si Hazel at Daniel naman ang magkatabing nakahiga sa foam bed na nakalatag sa lapag. Buti at nakatulog itong si Hazel.
                          
Hindi naman ito ang unang beses na natulog ako dito kanila Aries pero nahihirapan parin akong makatulog, talaga yatang hindi ako sanay na natutulog sa ibang bahay. Kahit nung nasa La Union kasi kami ay ganito rin ang sitwasyon ko. Pwede din na baka kasi dahil hindi ko katabi si Purple.
                          
Isa nalang ang solusyon para makatulog ako. Ang uminom ulit ng gatas. Kapag sa bahay bago matulog ay umiinom talaga ako ng gatas pero isang baso lang tapos nakakatulog na agad ako ng mahimbing, pero dahil wala ako sa bahay, dalawang baso yata ang gatas na kailangan kong inumin para makatulog, same as what I did in La Union.
                          
Bumangon na ako at tahimik na lumabas ng kwarto. Naka polka dots short pants ako at sleeveless shirt na kulay white at may printed butterfly sa gitna.