الجمعه
1:44
- بيت ابو نايف -
بعد ما انتهت العزيمه اللي كانت بمناسبه حمل جوري دخل نواف للبيت ووراه اخوه ، ابتسم من سمع ترحيبات جدته بهم
قرب منها وباسها على راسها وباس يدها وقعد جمبها : كيفك يانوره ؟
الجده نوره ببتسامه : الحمدلله ياوليدي بخير دامكم بخير
ابتسمو وقعدو يسولفون مع جدتهم
قطع سالفتهم دخول اريج الي نطت بحضن نواف اول ماشافته : نوافييي
ضحك نواف وهو ياخذها بحضنه : ياعيوون نواف انتي ، اشتقت لك يارورو
اريج : حتى انا اشتقت لك بس كل ما قلت لماما بروح لنواف تقول لي لا بعدين !
كشر نواف ولف عالباب الي انفتح ودخلت جوري
اتسعت ابتسامته واشر لها تقعد جمبه
قربت وقعدت جمبه
نواف : شلون ولدي ؟
ابتسمت جوري بخفوت : بخير
ابتسم نواف
لفت اريج على نواف : نوافي صدق رح يصير عندك نونو صغير !
ابتسم نواف ومسك يدها ومدها لبطن جوري : اي شوفيه هنا الحين
اريج : يعني هي اكلته ؟
ضحكت جوري بقوه : لا ما اكلته هو قاعد يكبر ببطني الحين بعد تسع شهور يطلع
كشرت بزعل وتكتفت تطالع بنواف
ابتسم وهو يبوسها : وشفيك زعلتي
اريج : الحين تصير تحب النونو حقك اكثر مني ! وتشتري له هدايا وانا لا !
نايف : ياويلك يانواف هههههههههههه تغار وهو لسى ماجاء
ضحك نواف وطالع ب اريج : اسمعي لو يصير فيه مليون نونو انا ما احب غيرك
اريج : صدق ؟
نواف : ايه صدق وبسجله بنفس مدرستك واذا خلصتو اخذكم مع بعض ونروح البقاله
ابتسمت اريج بفرحه وباسته على خده : طيب نوافي عطني جوالك
ضحك نواف وطلع جواله من مخباه ومده لها
اخذته ودخلت عاليوتيوب وانسدحت بحضن نواف وبدت تتفرج وهو يتفرج معاها
3:22
مجتمعين البنات بالحديقه ويسولفون كلهم باستثناء جوري الي كانت مغمضه عيونها وتحس بألم فضيع
مدت ملك يدها وحطتها على كتف جوري : جوري شفيك ؟
جوري : ابغا ابكي
اشجان : يليل نفسيه الحوامل اركدي يابنت الحلال
جوري : اشجان سدي حلقك
ضحكت اشجان : متوحمه علي انتي
قامت جوري من جلستهم
وتين : وين
جوري : مالكم دخل
منال : اعوذ بالله جوير علامك ياغبرا
ضحكت دينا : هرمونات الحمل
جوري : تضحكين واجد
ضحكت دينا زياده من شافتها تبتعد عنهم
وقفت ضحك واخذت جوالها : يلا رحمتها بعدل نفسيتها
ملك : وش بتسوين
دينا : بدق على نويف يراضيها
دقت على نواف وماهي الا ثواني ورد عليها : هلا
دينا : المحقق نواف ولد الكاسر نحتاجك بمهمه ضروريه !
نواف : وش مهمته
دينا : مهمه اسعاد حامل
خاف نواف : ليه وشفيها
دينا : منفسه روح راضيها
نواف : تبشر بي ! وينها ؟
دينا : اظن راحت ورا البيت
قفل نواف ونزل جواله وهو يطلع من المشب ويتجه لورا البيت
ابتسم من شافها قاعده عالارض وتطالع بالسماء وعيونها مليانه دموع
قرب وقعد جمبها وحاوط خصرها : حبيبه قلبي ! وشفيك متضايقه وتبكين يامي ؟
طالعت فيه وحضنته بدون اي رد
مسح على شعرها وهو يسمع صوت شهقاتها : ابكي يامي ابكي تفرغين مشاعرك السلبيه
تركها تبكي لين ماهدت وسكتت
قام ومد يده يقومها : يلا قومي نطلع
جوري : نطلع وين ؟
نواف : للبحر
جوري : طيب عباتي عند البنات
نواف : اقعدي عند الباب انا بجيبها واجيب المفتاح واجيك
هزت راسها وحاوط خصرها واتجهو لباب الشارع
قعدها عالعتبه وراح لجهه الرجال
دخل المشب واخذ مفتاحه وطلع
اتجه لجهه الحريم واخذ جواله ودق على دينا : الو دينا
دينا : هلا
نواف : طلعي لي عبايه جوري
دينا : يلا ثواني
قفل وحط جواله بجيبه وماهي الا ثواني وطلعت له دينا وعطته العبايه
اخذها ومشى متجه لجوري
قامت بمساعدته واتجهو للسياره
فتح لها الباب وركبت وركب هو برضو وحرك
اتجه للبحر بعد ما اشترا قهوه لهم
وصلو ونزلو وقعدو مقابل البحر
حطت راسها على كتفه وهي تتامل البحر بصمت
اما بالنسبه لنواف ف كان يتاملها
كانت بالنسبه له افضل من مليون منظر
انتبهت جوري انه يطالع فيها ولفت عليه : شبلاك تطالعني
تنهد نواف بحب
: يام العيون الوساع اليا تبينتي
تريضي في مسارك لاتعجليني
خلي مسارك شوي شوي لاهنتي
وردي علي السلام اليا قربتيني
ابتسمت جوري بخفه وقربت وباسته على خده : احبك
نواف : اعشقك يابعد حيي
