Chapter 13

                                    

                                          
ISANG rules sa academy ay dapat may masalihan ang bawat estudyante na organization. Kaya naman nang dumating ang araw na dapat silang mamili ng sasalihan na organisasyon, hindi agad sya makapag decide kung saan sya sasali.
"Hoy Leonia!" Malakas na bungad si Allura nang puntahan sya nito. 
Isa ring anak ng alpha si Allura na sapilitan syang ginawang kaibigan nito. When Allura heard about her and her funny encounters with the teachers, hinanap agad sya nito at  inanunsyong magkaibigan na daw sila simula nang araw na yon. The reason is because this girl doesn't really like some of the teachers also. Isa rin si Allura sa mga ayaw ng mga guro dahil hindi nila makotongan. Masyado pa kase itong agresibo at maingay. 
Noong una parang gusto nyang umayaw sa pagiging kaibigan nito ngunit nang makita nya ang pagkatao nito, nagdesisyon syang maging malapit dito. 
"Leo...." Masayang tawag sa kanya ni Haru. Hindi tulad ni Allura, kalmado ang pagkatao ni Haru. Pero napansin agad nya na hindi rin ito basta basta. Haru also got a dark side which she loves. 
See? This is the kind of people she wants to keep by her side. Hindi para maging kaibigan lang pero ito ang mga tamang tao para tablahin ang ate nya at ang mga kaibigan nito. 
Besides, maraming kapatid na lalake si Allura na nagaaral ngayon sa university at apat sa mga to ay nasa senior years.  Nalaman din nya na maraming barkada ang mga kapatid nito. So, if she gets in trouble because of her ugly mate  hihingi lang sya ng tulong sa mga kapatid ni Allura na kasalukuyan palang nyang kinakaibigan. 
"Oi! Tara na! Magda-disect pa tayo ng mga organization diba?" Maingay na wika ni Allura "Syempre doon tayo sa best dahil the best tayo "
"Ang ingay mo..." Sagot nya dito. 
"Ambagal mo!" Sumbat naman nito "Ano ba kaseng ginagawa mo?."
"Tinitigan kung naka ilan ako sa quiz" aniya saka sinilip ang module. Nag quiz kase sila pero instructor na ang magchecheck. Kaya naman gusto nyang masiguro na pasado ang score. 
"Wag na ....pasado na yan. Basta may tamang sagot na isa ok na yun. Bawi ka nalang sa susunod...." 
Hinampas ito ni Haru "wag mo ngang igaya si Leo sayo. Tignan mo yung kakabawi mo sa susunod, muntik ka ng bumagsak sa tatlong subject. Kung hindi lang napakiusapan si sir Adam eh di sana behind ka na."
Humaba lang ang nguso ni Allura. Naiiling syang ngumiti at inayos na ang mga gamit. 
"Leonia, may naiisip ka na ba na organization na sasalihan?" Tanong ni Haru. 
"Hmm.... nakita ko na yung list. May ilan na medyo interesado ako. Gusto ko munang makita kung ok ba yung organization or baka for display lang naman pala sila" sagot nya. 
"Ganon ba kaimportante sa inyo ang sasalihan nyong grupo?" Kunot noong tanong ni Allura. 
"Syempre naman. Who knows, baka mas maging memorable ang college life dahil doon.." nagkibit balikat si Haru. 

"Basta ako gusto ko sa may maraming boys ...."Allura flip her hair. 
Bumungisngis sya nang may naalalang organization. 
"Alam ko na, doon ka nalang sa Gym Bros group. Para sama sama kayong magkamuscle" natatawang saad nya. 
Pero sa halip na maasar, sumeryoso naman si Allura. "May ganon? Saan? Marami kayang pogi doon? Tara!"
"Gaga pang lalake lang yon!" Awat ni Haru dito. 
"Eh di......lalake muna ako for today " inayos pa nito ang tindig na parang lalake daw.