Part 24

                                    

                                          
#حين يشاء القدر 
#بقلمي:-نون
#تصويت +متابعه +تعليق بين الفقرات*
يا نجمةً ملأت فؤادي بالهوى
كوني بريقي إن لي قلبٌ معك
يا كم تمنّيتُ الفضاءَ بأضلُعي
كي لا أرى فُلكًا يناجي أضلُعك
♡♡♡♡♡♡♡♡♡
-بس فهميني شبيج ليش ما تريدي؟ 
-ما بيه شي بس اني ما اريده ومادا اتقبله افتهموا عليه
-هسه تذكرتي؟ اريام صارلج عنده كَم شهر راح تصير سَنه وانتِ هَسه تذكررتي!! 
سكتت دارت وجهَة مطَنكرة خَبلِتني مَن اجت لأهَلها لِليوم هي مَا تقبل تجاوب على يامن نَسأل لِيش بَس بَالسانها مَا تريده تريد تُطلك... شوي وصاحت امها عَمار اجه فَز گَلبي عَلى سَماع اسمه واتذكرت اخر موقف صار ويانه
-اريام: منار شبيج منو هذا؟! 
لطمت على خدها بجت وكالت
:: لج لحكيلي اريام اليوم اموت هذا مُراد اخويه اكيد اجه ديرجعني للبيت شراح اكله يااربي 
لزمت ايدها اهدي بيها
:: منار حبيبتي ليش هل خوف بس اوكفي لاتتوترين هسه اني اجاوب عليه 
اخذت الموبايل منها:: الو 
-الو منو؟ 
-شلونك خويه مُراد اني اريام صديقه منار جيرانكم، منار هنا يمي بابا من راجع من شغله شايفها وجابها يمي لان اجيت على اهلي
-اهلا خويه اي اعرفج تمام عيني من تريد ترجع بس خلي تخابري حتى اجيها 
-تمام عيني، تسلم
-كُل الهلا
سديت الاتصال باوعت عليها عيونها منفخه من البجي وتاكل باضافرها لزمت ايدها الي مخليتها بحلكها دا تاكل باضافرها مسحت عليها بهدوء
-ليش هل خوف منار خوفج راح يدمرج وكل مشاكلج مراح تتخطيها او تواجهيها اذا تبقين بهذا خوفج
نزلت دموعها
-مو بيدي اريام مو بيدي اعرف راح اتأذه من ورا هل خوف بس مو بيدي اني هيج من زمان 
-يحبيبتي ليش هو منو اجه من بطن امه قوي مناري الحياة تجارب ولازم نمر بضروف صعبه ونواجه هل ضروف ونتعلم صدكيني الانسان من الضروف يتقوة ويصير يعرف يصرف ومايخاف لذلك يكولون الحياة تجارب اذا ما نجرب ما نقوة وراح نبقى ضعفاء نبجي على كلشي وما يصير على كل مشكلة وبجينه ولطمنه شراح يفيد البجي!! بالعكس اكعد الكيلي حل ونعرف نصرف ممكن اول ضرف او مشكله نوكع ونبقى نبجي بس شوي ونتعود وكثرة الضروف تعلم الشخص صراحه