part 21

                                    

                                          
#يشاء القدر    
#بقلمي:-نون
#تصويت   متابعه  تعليق بين الفقرات *
لم أَلقَ ذا شَجَنٍ يَبوحُ بِحُبِّهِ
إِلا ظَنَنتُكَ ذَلِكَ المَحبوبا
حَذَرًا عَلَيكَ فَإِنَّني بِكَ واثِقٌ
أَن لا يَنالَ سِوايَ مِنكَ نَصِيبَا
~~~~~~~~~~~~~~~~~~~~~~~~~~~~~~~~
-ام يامن: لعلي اريدها 
انخفض تنفسي هزيت راسي اريد استوعب معقولة الي حجته تريدها لعلي... باوع عليه سجاد وهز رأسه كانو ديكلي باعي ليش الاستعجال 
وصدك اني استعجلت بلا ما افهم الكلام ونسيت علي ومحمد ثنينهم يدرسون 
-سجاد: والله زين ما اختاريتي يوم ايڤين حبابه وعلي همات صار جبير زوجو زين ومحمد يوم ما لكيتيله بنت؟ 
-ام يامن: بالي وحده وشاكه بشي بس انتضر يصير واتأكد
-سجاد: شنو هو يوم فدوة الگلبج مدكوليلي اني مو ابنج
-ام يامن: سجود كوم من يمي احسن الك
-سجاد: قفلت بعد ام يامن قفلت 
استمرو يحجون واني صافنه على الي سويته نتيجة التسرع خررب كلشي فززني صوت محمد 
-محمد:: يوم اريد تخطبيلي
فتحت عيوني مدمعه وگلبي احسه راح يوكف من ورا كلامه
-ام يامن:: يوم المنى حبيبي شيبت واني انتضركم دكولولي هل كلمه كول يبعد امك اكو وحده ابالك حتى اشوفها الك؟! 
باوع عليه ورجع نضرة على امه
:: لا يوم انتي اختاري ما بالي وحده
-ام يامن:: والله يمه اني بالي وحده ومن زمان اتمناها الك وشكد انتضرت تجي تحجي عليها بس ماكو منك شي لا مبادرة لا كلام 
-سجاد:: منو يوم الي بالج احجيها فدوة 
-ام يامن: ولك يوم انتَ عليمن طالع تحب كعدة النسوان وسوالفهن
ضحكت ومحمد ضحك يقهر بسجاد 
سجاد بقهر:: مو اكوللكم انتو مو اهلي دوم اني المنبوذ بيكم ما تحبوني انتو اله اشتكي عليكم 
-ام يامن:: يمه انتَ اصغر ولدي وحبيب روحي شلون ما احبك 
تقدم سجاد وحضن عمتي
-سجاد:: بعد روحي امي الغالية العزيزة شمعة البيت بس كوليلي منو الي بالج تريدينها لمحمد؟ 
:: يمه منك ابو المصايب خلي اروي فضولك اريدله اسيل
باوعتلي مبتسمه واني جمدت بمكاني عيوني راحت على محمد الي باوعلي مصدوم لمحت بعيونه بصيص امل فرحه لكن نهى هل امل بكلامه