chapter -74-[ပျော်ရွှင်မှုကိုထက်သန်စွာဖြည့်ဆည်းပေးခြင်း ]

                                    

                                          
chapter -74-[ပျော်ရွှင်မှုကိုထက်သန်စွာဖြည့်ဆည်းပေးခြင်း ]
လုလင်းနဲ့ချန်းရှောင်မီရဲ့အခန်းထဲတွင် -
" မင်းဘာတွေတွေးနေတာလဲ။  "
ကြောင်ငေးနေတဲ့လုလင်းကို ချန်းရှောင်မီမေးလာသည် ။
အခုဆို လဆန်းပုံယပ်တောင်က ပထမဆုံးစပြီးထွက်ရှိတုန်းကလောက် ရေပန်းမစားတော့ဘဲ မြို့တွင်းရှိအခြားဆိုင်များကပါ ပုံစံတူကူးယူ ရောင်းချနေပြီဖြစ်သည် ။ လုလင်းက စီးပွားရေးတိုးတက်အောင် ပိတ်ခေါက်ချိုးယပ်တောင်များကို ဖြန့်ချီပြီးနောက် ထိုအရာက ဝယ်သူတွေကိုပိုပြီးဆွဲဆောင်နိုင်ခဲ့သည် ။
ပိတ်ခေါက်ချိုးယပ်တောင်က လဆန်းပုံယပ်တောင်လိုပဲဆိုပေမယ့် အမျိုးသမီးတွေနဲ့ သခင်‌ငယ်လေးတွေက ခေတ်ရေစီးကြောင်းကိုအမီလိုက်ရန် သဘောကျနှစ်သက်ကြသည်။ လဆန်းပုံယပ်တောင် တစ်ခုထက်ပိုပြီးပိုင်ဆိုင်ထားတဲ့သူတွေကလည်း ပိတ်ခေါက်ချိုးယပ်တောင် ထပ်ဝယ်ခြင်းကို မရပ်‌တန့်နိုင်ပေ ။
လူတိုင်းက အပူဒဏ်ကိုကာကွယ်ဖို့အတွက် ယပ်တောင်ဝယ်ယူကြတာမဟုတ်ဘဲ ပိုင်ဆိုင်ကြောင်းပြသဖို့သာဖြစ်သည် ။
" အတင်းအဖျင်းတွေက တကယ်ကြောက်စရာပဲ ။ "
လုလင်းသက်ပြင်းချလိုက်သည် ။ ကျောက်ကြီးရွာကနေပြန်လာပြီးတည်းက  ရှန်ချီ ခံစားချက်ဆိုးရွားနေတာဖြစ်သည် ။သို့သော် လုလင်းက ကိစ္စရပ်များစွာကိုရင်ဆိုင်ဖြေရှင်းခဲ့ရတာမို့ အာရုံသိပ်မစိုက်ခဲ့ပေ ။
မနေ့ညက ချန်းရှောင်ခိုင်သူ့ဆီတိတ်တဆိတ်လာတွေ့ပြီး ရှန်ချီ မွေးရပ်မြေကပြန်လာပြီးတည်းက စိတ်ဓာတ်ကျနေပုံပေါက်နေတယ်လို့ ပြောခဲ့သည် ။ ခိုင်က ချီတစ်ယောက် ရွာမှာတစ်ခုခုကြုံတွေ့ခဲ့တာဖြစ်မယ်ဆိုပြီး လုလင်းကိုရွာပြန်စုံစမ်းပေးဖို့ တောင်းဆိုခဲ့သည် ။
လုလင်းနည်းနည်းအလုပ်ရှုပ်နေသော်လည်း  ချန်းရှောင်ခိုင်သူ့ကိုအကူအညီတောင်းတာ ရှားတယ်ဟု ခံစားရသည် ။ သူကူညီပေးသင့်တာကြောင့် ရွာပြန်စုံစမ်းခဲ့သည် ။