Unicode
" ခင်ဗျားရဲ့ မိသားစုက အဆက်အသွယ်အများကြီးရှိတာပဲ ဒါရိုက်တာကျန်း.. ခင်ဗျားနေတဲ့အိမ်ရာက စတုရန်းပေတစ်ကွက်ကို ဘယ်လောက်တောင် တန်လဲ.. ကျွန်တော်ကြားဖူးတာ ဒီလိုအိမ်ရာမျိုးက ပိုင်ဆိုင်မှု သန်းတစ်ရာ မကျော်ရင် မြေကွက်တောင် လာကြည့်လို့မရဘူးဆို"
" ဒီအိမ်က ငါ့အစ်ကိုပိုင်တာ. .. အလုပ်နေရာ ပြောင်းလိုက်ရတော့ အရင်အိမ်နဲ့ အလုပ်နဲ့ဝေးသွားလို့လေ.. ငါ့အစ်ကိုကလဲ တစ်နှစ် နှစ်နှစ်လောက်နေရင် ပိုပြီးအေးချမ်းတဲ့နေရာကို ပြောင်းမှာ.. အဲ့ဒါကြောင့်မို့ သူ့အိမ်ကို ပေးသုံးထားတာ.. ဘာပဲဖြစ်ဖြစ် ငါလဲ မကြာခင် ပင်စင်ယူရတော့မှာ"
" ခင်ဗျားရဲ့ အစ်ကို??? ခင်ဗျားတို့နှစ်ယောက်က အဲ့လောက်ချစ်ကြတာလား"
" ငါ့အစ်ကိုက ငါ့ထက် ဆယ်နှစ်တောင်ကြီးတာ.. ငါ့ကို သူပဲ ကျွေးမွေးစောင့်ရှောက်ထားတာလေ.. သူက ငါ့အဖေလိုပဲ.. အဲ့ဒီ့တော့ ဒီလောက်က ဘာမှမဟုတ်သေးဘူး.. သူနဲ့ငါနဲ့ ဆက်ဆံရေးက တော်တော်ကောင်းတဲ့အထဲမှာ ပါတယ်.. သူက ငယ်ငယ်လေးနဲ့ အလုပ်ထွက်လုပ်တယ်.. ပိုက်ဆံစုတယ်.. ရှက်စရာကောင်းတာ ငါက စီးပွားရေးကို သေချာမလုပ်ချင်ခဲ့ဘူး.. အဆင်ပြေတာပဲ လိုက်လုပ်ခဲ့တာ.. ဒါပေမဲ့ ငါ အာမခံနိုင်တာက ငါ့အစ်ကိုရဲ့ စီးပွားရေးနဲ့ ငါ့အလုပ်က ပတ်သက်မှု နည်းနည်းလေးတောင် မရှိဘူးဆိုတာကိုပဲ.. ငါ့ရာထူးကိုအသုံးချပြီး သူ့ကို မျက်နှာသာပေးတာမျိုး တစ်ခါမှ မရှိဖူးဘူး.. ငါ့ရဲ့ ကိုယ်ပိုင်ဘဝက အရမ်းကြီးကျယ်လွန်းလို့ စည်းကမ်းချိုးဖောက်တယ်လို့ အဖွဲ့အစည်းက ထင်ရင်တော့ ဒီအိမ်ကနေ ငါ ချက်ချင်း ပြောင်းပြီး ကိုယ့်ကိုကိုယ် ပြန်သုံးသပ်လို့ရတယ်.. အဲ့ဒါကလွဲပြီးတော့ တခြားအရာတွေအားလုံးမှာ ငါ့ရဲ့ အသိတရားက ရှင်းပြီးသားပဲ"
စုံစမ်းရေးမှူးက ပြုံးသည်။
" ကောင်းပါပြီ.. ကျွန်တော်တို့ သေချာစစ်ကြည့်လိုက်ပါ့မယ်.. ခင်ဗျားကို ဘာလို့ ဒီကိုခေါ်လိုက်ရလဲဆိုတာ သိပြီးသားလို့ ယူဆပါတယ်"
" ငါ သိပါတယ်"
" အဲ့ဒီ့အတွက် ခင်ဗျားဘာပြောချင်လဲ"
YOU ARE READING
တိတ်တဆိတ် မြတ်နိုးရသော ( မြန်မာဘာသာပြန်) - Completed
Mystery / ThrillerTitle : Modu/Slient Reading Author: Priest MC: Luo Wenzhou × Feidu myanmar translation Chapters 180 5 extras
