-منار: صح صح زين انتِ شجاوبتي!؟ 
جاوبته
" مساء النور استاذ صراحه تفاجأة من رسالتك لان بعدني حتى مافاتحت اهلي بالموضوع ولا فكرت" 
-يامن: اعرف وهسه دكولين استعجلت بس لازم لان السنه الثانيه بعد ما اشوفج واني ما اكدر من هسه واختنكت احس اشتاقيت الج
عقدت حاجبي شنو بعد ما اشوفج ليش وين يروح!! كتبت
:: ليش يامن بعد ما شوفني!؟ 
::اريام انتِ نسيتي انُ اني خريج وهاي السنه جان عندي مهمة يمكم يعني اني مو طالب وخلصت المهمة بعد شلون اشوفج؟ وحتى لو اجي للجامعه راح اجيب سالفه الج واني ما اقبل بهل شي 
ابتسمت على اهتمامه وخوفه عليه 
:: صح نسيت والله بس يامن احتاج افكر اكثر واهلي ما كتلهم يعني انطيني وقت شوي 
-يامن: تمام اريام الج كل الوقت المهم اريد جواب يرضيني لان ثقي اني ميت بيج من هسه وشتاقيت لشوفتج حبيتج وتعلقت بيج هوايه رغم سوالفنه القليلة بس ما اعرف ليش انجذبت الج وحبيتج
وجهيي صاار ناررر  شلون يحجي هيج خجلتت عزا لو كدامي جان متتت 
-: ان شاء الله جواب يرضي الجميع
-يامن: ان شاء الله وبعد ما افتح الموضوع حتى ما اضغط عليج انتي بنفسج اريدج ترجعيلي الجواب
هذا احسن شي سواه لان يحتاجلي تفكير اني بعدني ما اعرف نفسي احبه او لا!! يعني من ما اشوفه كلش اشتاقله ومن اشوفه گلبي يدك واتمنى ابقى احجي ويا ما اعرف مشاعري فاحتاج وقت حتى افهم مشاعري
-: افضل قرار هذا
بقينه نحجي مواضيع كلش احب تفكيرة وطريقه كلامه مو من هذول المتخلفين لا كلش حلو تفكيرة واعي ومثقف احب احجي ويا
-اريام: وهذا كل الي صاار 
-منار: امم صراحه ما اعرف فكري زين ويارب جوابج يكون مرضي ونفرح كلنه بي
-ان شاء الله 
بقت منار يمي لحد ماصار الليل يلة راحت بعد م خلصت واريد انام راسلني يامن بقينه نحجي استمرت علاقتنه على الموبايل بلا صور وبلا شي هو بالاصل شايفني بس هو ما يعرف مكان بيتي او احتمال يعرف من مكان شغله ما اعرف صراحه ويعرف اهلي كأسماء يعني ماملتقي وياهم
يامن صار ادماني يعني ما يمر يوم اذا مانحجي واذا اتأخر ابقى بقلق يعني تعلقت بي كلش وحبيته لحد ما بيوم دا نحجي وگلي على بنات اجو خطار يمهم 
:: وين بقيت انتَ يمهم كعدت؟!! 
كنت كلش معصبة فكرت يشوفو او يتغزلن بي تموت  
-يامن: لا طبعاً بس سلمت وطلعت لان جان عندي شغل