ကိုယ်တိုင်ရွေးချယ်ပါ

                                    

                                          
အဲဒီနေ့က ‌သူပေးတဲ့ ရွေးချယ်မှု နှစ်မျိုးကြားမှာ အမွန်ဟာ ဗျာများပြီး ငိုယိုနေခဲ့မိတယ်။ တကယ်တော့ အော်ဟစ်ပြီး ပြဿနာရှာလိုက်ရမှာပေမယ့် အရင်က မွန်းကြပ်မှုတွေပါ စုပေါင်းပြီး မျက်ရည်တွေအဖြစ် ပြိုကျကုန်တာ ထင်ပါတယ်။
အမွန် သူ့ကို လမ်းမခွဲနိုင်ဘူး။ သူငယ်ချင်းနဲ့ ခရီးတစ်ခါသွားပြီး ပျော်လိုက်ရတဲ့ အပျော်က ‌ဘဝထဲ နေခြည်မရှိတော့ရင်ဆိုတဲ့ ကြောက်စရာအတွေးကို မဖုံးလွှမ်းသွားနိုင်ဘူး။
ဒီ​တော့ ​အမွန်လည်း သူငယ်ချင်း​တွေကိုပဲ လိုက်ဆက်သွယ်ရပါ​တော့တယ်။
​တောင်းပန်ပါတယ်၊ ချိန်းထားတာကို ငါမလိုက်​တော့ဘူး​နော်။
ဘာလို့လဲ၊ ​နေခြည်က မလွှတ်ပြန်ဘူးလား။
ဒီတိုင်းပါပဲ၊ ငါတို့ က​တောက်ကဆ​လေး ဖြစ်​​နေလို့။
သူငယ်ချင်း​တွေက စာမပြန်​တော့ပါဘူး။ ​ထို့နည်းတူစွာ ​နေခြည့်ကိုလည်း အမွန် စာမပြန်ဖြစ်ဘူး။ လွယ်လွယ်​လေးနဲ့ ပြတ်ဖို့​ပြောထွက်တဲ့ သူ့ကို စိတ်နာချင်မိတယ်။ မှတ်​လောက်သား​လောက်​အောင်လည်း သူ့ကို သူ့လိုမျိုး အပြစ်​ပေးချင်တယ်။
ရှင်းပါတယ်။ အမွန်လည်း သူ​ပြောတာကို လက်သင့်ခံလိုက်တယ်။
​ကောင်းပြီ၊ ငါတို့ပြတ်ကြတာ​ပေါ့။
တစ်ခဏ​တော့ ရင်ဘတ်ထဲ ဟာသွားချက်ကြီးက အမွန်ဟာ ​ချောက်ကမ်းပါးအစွန်းမှာ ရပ်​နေရင်း ​အောက်ကို ထိုးကျသွားသလိုလို။
​နေခြည့်ဆီက ဖုန်း​ရော၊ စာ​ရော မလာ​တော့ဘူး။
==========
နေခြည့်လို အလံနီမျိုး အမွန်တို့ ပတ်ဝန်းကျင်က ဆက်ဆံရေးတိုင်းမှာ ရှိနေကြပါတယ်။ အမွန်ကိုယ်တိုင်လည်း အဲဒီဆက်ဆံရေးတွေထဲ ပါဝင်ပတ်သက်နေမိသူ တစ်မျိုးပါပဲ။
အခု စာဖတ်​နေသူ​တွေထဲမှာလည်း အမွန့်လိုလူမျိုး​တွေ တစ်​ယောက်မဟုတ် တစ်​ယောက်​တော့ ပါမှာပါ။
အမွန် ဒီစာကို ဒီ​နေရာမှာပဲ ရပ်တန့်လိုက်မယ်။ ​နေခြည့်ကို ဘဝထဲက ထုတ်လိုက်ပြီ၊ လမ်းခွဲလိုက်ပြီဆိုတဲ့ အ​ခြေအ​နေမှာ​ပေါ့။
ဒါ​ပေမယ့် ဒီလို​မျိုး ရိုးရိုးရှင်းရှင်း လွယ်လွယ်ကူကူပဲ ပြီးသွားလားဆိုတာကို​တော့ စာဖတ်သူ​၊ အမွန့်လိုလူ​တွေ​အတွက် ​မေးခွန်းအဖြစ် ထားခဲ့ချင်တယ်။
အလံနီတစ်​ယောက်ကို ဘဝထဲက ထုတ်တဲ့အခါ ဘဝထဲ ဘယ်လို​တွေ ​ပြောင်းလဲသွားလဲဆိုတာကို အ​ဖြေထုတ်ခဲ့​ပေးကြပါဦး။
​နေခြည့်အ​​ကြောင်း ထပ်​ပြောပြချင်ရင်​တော့​ ​နောက်စာတစ်ပုဒ်နဲ့အတူ အမွန် ပြန်​ပေါ်လာခဲ့ပါ့မယ်။
အားလုံးကို ​ကျေးဇူးတင်ပါတယ်။
စာ​ရေးသူ
အမွန်။