Order my published books at WARRANJ SUAREZ MONASTERIO on Facebook.
Please expect slow updates. For early access, you may subscribe on my VIP Group or on Patreon.
Monasterio Series 9: Enslaved By Her Innocence is already finished on VIPs and Patreon.
—
Chapter 11
Mama? Mama as in nanay niya ang ginang na nasa harapan namin ngayon? Sa reaksyon ni Dice nang makita ito, bakit parang gulat na gulat siya at hindi niya ito inaasahan?
Susmaryosep. Inalok ko pa man din ng dildo at lubricant para sa asawa niya. Hindi ko naman kasi alam.
"Ano'ng ibig sabihin nito, Dice?" malamig na tanong ng ginang.
Dinig ko ang histerikal sa boses niya pero tila pinipigilan. Sa paraan ng tanong niya, hindi kaya walang ideya ang Mama niya sa ganitong negosyo niya?
Nang pasimple ko siyang tiningnan ay salubong ang mga kilay niya habang nakatingin kay Dice. Mukha siyang galit pero naitatago 'yon ng maamo niyang mukha.
Sobrang ganda niya. Pero hindi sila magkamukha ni Dice dahil arogante ang dating ng gwapong mukha ni Dice. Baka sa ama niya siya nagmana?
"Let's talk about this in the office, Ma." Si Dice matapos huminga nang malalim.
He was resting his hands against his hips. Mula sa Mama niya ay bahagyang gumalaw ang mga mata niya sa akin.
Ngumiwi ako. Pakiramdam ko, para siyang bata na nahuli ng ina niya na may nagawang kalokohan. Parang kahit anong kisig niya, titiklop pa rin pagdating rito.
"Alam ba ng Papa mo ito?" tanong ng Mama niya.
Umiling si Dice, hindi mabilang kung ilang beses na nagbuntonghininga.
"No. Some of my cousins do."
"Diyos ko," saad ng Mama niya at inilibot ang paningin sa kabuuan ng shop. "Sa tingin mo matinong negosyo ito?"
"Ma, this is legal–"
"How is this even legal, Dice Atreus? Nakikita mo ba ang mga gamit na ibibenta mo?"
"Ma, these are just sex toys–"
"Stop mentioning it..." mahinahon na saad ng Mama niya ngunit nandoon ang pagbabanta. "Sino sa mga pinsan mo ang nakakaalam nito?"
Dice sighed. "Lahat ng kapatid ko na lalaki, Mama. Terrence and Chaos know about this, too. Even Skyler and Spyral."
Mga pangalan pa lang... tunog gwapo na. Kung alam ng mga pinsan niya, marahil ay ang mga magulang niya lang talaga ang hindi nakakaalam.
Sa reaksyon ng Mama niya, naiintindihan ko na kung bakit. She seems like the conservative type.
"Hindi ko alam kung anong pumasok sa isip mo at naisip mo ito, Dice. Kapag nalaman ito ng Lola Cheska mo, ano sa tingin mo ang sasabihin niya sa 'yo?" puno ng dismaya ang boses ng Mama niya. "Umuwi ka sa bahay ngayon din. Mag-uusap tayo."
Wala sa sarili kong nakagat ang kuko sa hinlalaki nang malalaki ang naging hakbang ng Mama niya paalis.
"Ma'am!" tawag ko.
Napatingin sa akin si Dice, salubong ang mga kilay. Ang Mama niya, bahagya rin lumingon para tingnan ako.
"Pasensya na po sa... dildo. Nagtatrabaho lang po ako," sabi ko at nag-peace sign.
Huminga siya nang malalim, hindi naman mukhang galit sa akin. Naisip ko lang kasi na baka sa sobrang pagkadismaya niya kay Dice ay maisip niya ipasara itong shop at mawawalan ako ng trabaho.
