"Pasabay ah, wala kasi akong kasabay.", sabi pa niya nilingon ko ito saka siya sinamaan ng tingin.
"Ano?", tanong niya pa sa akin kaya umusog ako ng pagkakaupo palayo sa kanila.
"Social distancing please, ayokong nai-issue.", sabi ko kaya napaismid ito.
"Ayaw ma-issue pero sumabay sa pagkain ni Zeus kanina.", parinig niya pa sa akin kaya sinipa ko naman ang binti nito. Nilingon ko nalang si Vera na parang enjoy na enjoy sa napapanood niya.
"Kumain na nga lang tayo.", sabi ko kaya nagsipagsunuran naman ang mga ito. Tahimik lang kaming kumakain nang bigla nalang kaming may marinig na sumigaw.
"Kyaaaaaaah!", nanlalaki naman ang mga mata naming tiningnan si Jave. Gising na siya!
"Buhay ako!", parang gulat na sambit nito pero napangiwi ako nang tila ba nanginginig ang kamay niya habang tinuturo kami.
"Pero bakit may anghel sa harap ko?", parang baliw niyang sabi pero agad din naman akong napaigtad nang si Vera na naman ang sumigaw.
"Kyaaaaaaah! Akhino Javinson! Gising ka na!", dali-dali naman itong tumayo saka niyakap si Jave. Bahagya pa akong napangiti nang marinig kong umiiyak ito.
"Tawagin mo iyong doctor or kahit na sino uy.", baling ko kay Travis at nakita ko namang tumaas ang kilay nito.
"No need, sa lakas ba naman ng tili nila ay iilang minuto tutungo na rin iyon dito.", aniya kaya napailing naman ako. 
"Kyaaaah! Chaos, na-miss kita.", sambit naman ni Jave saka tumayo at akala ko ay yayakap sa akin pero lumihis ito kay Prince Travis. Muntikan na tuloy akong mabulunan.
"Ang sama mo! Ako ‘tong unang yumakap sa'yo tapos hindi mo man lang ako miss!", padabog na sabi ni Vera kaya napatawa ako.
"Nakiiyak nga ako sa'yo kasi miss kita, hmp.", sambit ni Jave kaya mas lalo akong natawa. Tinap ko nalang ang braso para kumalas na sa pagkakayakap kay Prince Travis na akala mo'y tinakasan na ng kaluluwa.
"Mali ka ng yinayakap Javey.", turan ko naman kaya napatawa si Vera.
"Ay hala sorry, sadya iyon.", hinging paumanhin niya saka ako niyakap. Napatawa nalang tuloy ako nang tila ba napahinga nang malalim si Travis. Ang nakakatawa lang ay hindi rin naman ito nagreklamo nang yakapin siya ni Jave.
"Akala ko hindi ka na magigising, buti nalang malakas ka sa guardian angel mo.", pabirong ani ko.
"Syempre naman ‘no, hindi pa ako nagkaka-bebe tas hahayaan kong matigok ako? No way.", sagot niya kaya napatawa naman kami. Iilang segundo lang din ang makalipas ay dumating na nga iyong doctor at tinawag ang dean para ipaalam na nagising na si Jave.
Dumating din naman ito at kasunod lang din nito ang mga guardians, kasama nila si Prince Zeus. Pansin kong napasulyap ito sa akin kaya tiningnan ko naman ito. Bahagya ko namang itinaas ang kilay nang sinalubong nito ang tingin ko.
- - - - - - - - - - - - - - - - - - - - - 
"Kailangan nang bumalik dito ni Chaos, Gio.", sabi ng ina ni Chaos.
"Hayaan na muna natin si Chaos, Olivia.", sagot naman ng ama ni Chaos.
"Pero napapansin na ng iba na wala siya rito sa palasyo! Ano nalang ang sasabihin natin kapag nalaman nilang naroon siya sa kabilang kaharian at nagkukunwaring commoner? Mas lalo na kapag nalaman nilang may kapangyarihan naman pala ito!", huminga naman nang malalim si Gio pinipigilan ang sariling mawalan ng kontrol dahil sa mga reklamo ng asawa. 
"Ano bang pino-problema mo ha Olivia? Nangako ang dean na hindi makakalabas ang sekreto ni Chaos. At pwede namang sabihin nating pinagbakasyon natin siya sa kung saan! Ba't ba praning na praning ka? Will you stop getting ahead of yourself? Hayaan mo muna ang anak natin!", napatigalgal naman si Olivia dahil sa pagsigaw ng asawa. 
"Anak natin.", sambit ni Olivia kaya naman marahas na tumingin sa kanya si Gio.
"Don't you dare, Oli.", banta sa kanya ng asawa kaya natawa naman ito. Huminga naman ito nang malalim saka nagsalita.
"I did whatever you wanted Gio. Alam mo iyan, alam mong susuportahan kita sa lahat ng bagay. Pero hindi man lang ba pumasok sa utak mo na maaari ngang lumabas ang sekreto ng anak 'mo'?", napatiimbag-ang naman ang hari.
"Talaga bang babalik pa tayo sa usapang iyan? Hindi nga lalabas. Saka ano naman kung may kapangyarihan si Chaos? May mga kapangyarihan din naman ang iilan sa mga mamamayan dito. We can just say that she's gifted, Oli.", sabi ni Gio at sinubukan niya namang lapitan ang asawa pero umiwas ito.
"Malapit na ang oras para maghapunan, mauuna na ako sa baba.", paalam nito sa kanya at natahimik naman si Gio matapos umalis ni Olivia. Nakatulala lang ito at akala mo ay naglakbay ang isip patungo sa kung saan.
'Hindi maaaring malaman ng iba ang katotohanan.', bulong nito sa sarili saka napabuntong-hininga.
'Patungkol man sa kapangyarihan ni Chaos, o sa totoong ina nito.'