Chapter 32

                                    

                                          
Chapter 32
Chaos' POV
Naalimpungatan ako nang tila ba may marinig akong mga kaluskus at mga bulungan. Napatayo naman ako kaagad nang pagmulat ko ay nabungaran ko ang titig ng mga kaklase ko. Napatingin sa katabi at nakita kong si Travis pala ito.
Napakagat labi naman ako nang maramdamang sinusundan nila ang bawat galaw ko. Bahagya ko nalang silang nginitian ko saka muling tiningnan si Travis na akala mo ay walang ginawa. Pinanliitan ko naman siya ng mata at nagkibit balikat lamang ito.
"H'wag mo kong tingnan ng ganyan, ako nga ‘tong may nangangalay na balikat eh.", aniya kaya iningusan ko ito. Hinayaan ko nalang siya saka naglakad patungo sa upuan ko. Nakaupo na roon si Vera at kita ko kung paano kumislap ang mga mata niya. Napahinga nalang tuloy ako nang malalim.
"H'wag kang ngumiti nang ganyan, parang mapupunit na iyong labi mo.", sambit ko sa kanya pero ngumiti lang ito lalo. Walang ano-ano'y hinigit ang braso ko para mapaupo. 
"Anong meron? Saka ano iyong tungkol kay Prince Zeus? Dala-dalawa prinsipe mo ah.", aniya kaya hindi ko naman mapigilang hindi mapairap.
"Tigilan mo iyan uy, baka may makarinig sa'yo ano pa iyong isipin nila.", turan ko naman kaya napatawa ito. Hihirit pa sana ito pero dumating na ang prof namin kaya natigil na rin ang bulungan ng mga kaklase ko. Umupo rin naman sa tabi ko si Travis pero hindi ko na ito pinansin, bahala siya riyan.
- - - - - - - - - - - - 
Kinukulit pa rin ako ni Vera patungkol kina Prince Zeus pero hinahayaan ko lang ito. Lunch time na at kasalukuyan kaming naglalakad papuntang clinic, nag-take out lang kami ng pagkain para doon nalang kami kakain. Pagkarating naman namin sa clinic ay nagulat naman ako nang madatnan namin si Aling Dory, at may kasama itong babae.
"Hello po!", magalang na bati ni Vera sa kanila kaya napalingon ito sa amin. Nginitian ko naman si Aling Dory nang mapatingin ito sa akin.
"Chaos hija.", aniya kaya nilapitan ko naman siya yinakap. Naalala ko tuloy si Elias, kamusta na kaya siya? Sinulyapan ko naman iyong ginang at pansin ko namang parang natigilan ito. 
"Magandang tanghali po.", bati ko dito at nakita ko namang napakurap-kurap siya.
"Magandang tanghali rin sa inyo.", aniya pero pansin kong tila ba may kakaiba sa kilos niya. Naramdaman ko namang siniko ako ni Vera.
"Mama iyan ni Prince Travis.", bulong niya kaya ako na naman itong nagulat saka ulit siya sinulyapan. Naalala ko naman iyong sinabi ni Prince Travis sa akin. 
Na iyong Mama niya ay sorcerer. Kaya naman pala magkasama sila ni Aling Dory. Pero muli naman akong napatingin sa kanya nang maalala ko ang nangyari kay Serenity. Namumukhaan niya kaya ako?
Bumukas naman iyong pinto at bumungad naman sa amin si Prince Travis na may dala-dala ring pagkain. Inirapan ko naman siya nang makitang ngumisi ito matapos akong sulyapan. 
"Hi Ma, hello Tita Dory.", bati niya sa dalawa.
"Kakain na ba kayo ng lunch?", tumango naman kami sa tanong ng Mama ni Prince Travis.
"Oh siya, mauna nalang muna kami.", paalam nila sa amin. Pansin kong tinitingnan pa rin ako nung Mama ni Prince Travis. Bago sila tuluyang umalis ay nginitian ko ito.
'Magkamukhang-mukha pala talaga sila.'
Rinig kong ani niya sa sarili kaya napagtanto kong namumukhaan niya ako. Mukhang masyadong malalim ang pag-iisip niya at naririnig ko kung ano ang sinasabi niya sa sarili. Nang tuluyan na silang makaalis ay lumapit naman si Prince Travis at tumabi sa akin.