البارت التاسع 9

                                    

                                          
الجروح التي تأتي من العائلة لا تشفى ابداً....
_______________
طلع ادهم شايل وتين ويضحك ، راحله فهد فاتح ايديه ثنينهن ويحجي بصوت عالي. 
فهد : اذا تريگت بدوني الحرام بالحرام ارجع من وين ما اجيت.. 
ادهم : انجب ابو المكاسير . 
حجاها وحضنه ، تسالموا بعدها ادهم كال.. 
ادهم : هاي سالفة تسويها يالذيب ؟ 
فهد : شنو سويت ؟ 
ادهم : ماسويت شي انه سويت. 
فهد : ها قصدك على اخر حادثة صارت؟ 
حجاها عاكد حاجبه مستفسر. 
ادهم : هي بعينها. 
فهد : اي شبيها ؟ 
ادهم : گلت عقلت وبطلت خبال ليش هيج دمرت بيتك ؟ 
فهد : اي غير حتى تسحبني بشرفك لو كايلك اريد اجي اتونس لو اعيش يمك تدز علية ؟ 
ادهم : لا ما ادز. 
فهد : شفت عقل عبقري.. 
ايفين : هاي شنو صدك فهد هيج سويت حتى تجيبنا لهنا ؟ 
وكفوا ثنينهم واحد يباوع على الثاني وبعدين التفتوا باوعولي. 
ايفين : احجوا احسنلكم. 
ادهم : يابه انتِ اي شي ينحجي تصدكيه ترى سحلته سحل يله اجى ، تهديد و وعيد ويبس لساني يلا وافق .. 
فهد : والله ياالله صايرة تشك . 
ايفين : اذا انتو تخبلون اكبر واحد. 
سيلين : وتالي ما النا نصيب من السلام.
التفتت لكيتهم واكفين بالباب مال الدخول هي وملاك ومريم ، ضحكت ورحتلهم تحاضننا ، وسلامنا جان حار .. 
سيلين : جلبتي يمهم شبيج؟ 
ايفين : خبلوني بعدني توني واصلة حركولي دمي. 
فهد : اي مو هو جاي يومية حاركيه. 
التفتت عليه وكلت. 
ايفين : معليك بية ولا تتدخل . 
فهد : شفت لزمتني من ايدي التوجعني بعدنا ما كايلين ياالله راح تزرگني بدعوة.
ادهم : دير بالك هنا مو مثل العراق عدهم اهم شي الطفل بعدين المرأة وبعدها الحيوان يله انت. 
فهد : لا بشرفك الحيوان اهم مني؟ 
ادهم : شعبالك لعد الحيوان يله انت. 
فهد : منين طريق الرجعة اريد احجز. 
سيلين : راح نظل واكفين برا الريوك برد. 
فهد : اوكفي عيني ام وتين الورد تحمينا من الحر والبرد ، خلي اشوف نفسي بشنو تورطت. 
ضحكت سيلين وكالت.