▪︎Chapter 27

                                    

                                          
⊱──────── ❝Home❞ ────────⊰
───────────────
من ئیتر ناتوانم دڵەڕاوکێی خۆم بشارمەوە. 
تەلەفۆنم بۆ جیمین نەکردووە. 
تا ئێستا ناتوانم هیچ هەنگاوێك بنێم، سەرم لێشێواوە کە چی بکەم. چاوەڕێی ئەوە بووم جیمین پەیوەندیم پێوە بکات، بەڵام نەیکرد. 
ئەمە زۆر سەیرە. 
جیمین تا نیوەڕۆی ئەمڕۆ هیچ دەنگی نەبووە... 
مامم و پورم بە ڕوونی هەستیان بە دڵەڕاوکێی من کرد، هەرچەندە هەوڵمدا بیشارمەوە. تا دواجار شتێکیان پێشکەش کرد کە وا دیار بوو بەڕاستی پێویستم پێی بوو.
بگەڕێوە ماڵەوە.
دەمەوێ بگەڕێمەوە.
ئەمڕۆ.
گرنگ نییە چەند دوور دەڕۆم. 
ئامۆزاکەی ترم، جەیهیون کە برا گەورەی ئایسۆلە، ئەو ویستی کە خۆی ڕاستەوخۆ بمباتەوە بۆ ماڵەوە. لانیکەم لەگەڵ جەیهیون زۆر ئاسوودەترم. چونکە، لە هەموو پورزاکانم زیاتر لێمەوە نزیکە و زیاتر دەیناسم و متمانەم پێیەتی دەزانم کە حەزی لە پاراستنی کەسانی چواردەوریەتی. 
"ئایا بوەستین بۆ ئەوەی شتێك بخۆیتەوە؟" پێشکەشی کرد، کاتێك چاوەکانم لە خەوێکی کورت کردەوە. 
ڕەنگە لەبەر ئەوە بێت کە زۆر بیر دەکەمەوە، بۆیە لە کەسێکی وشکبوونەوەی ئاو دەچم. جەیهیون ئەمەی پێشکەش کرد چونکە لە پێشەوە مینی مارکێتێكی بچووك هەبوو. 
"نەخێر،ئۆپا. ئێمە نزیکین، ڕاستە؟ تەنها دەمەوێت بە خێرایی بگەمەوە ماڵەوە" بە نەرمی وتم. 
"هەممم، باشە." پاشان، دیسانەوە سەرنجی خستەوە سەر لێخوڕین.
لەدوای پەیوەندیەکەی سونمی ناتوانم واز لە گومانکردن بێنم..
پێم وابوو دوای ئەو کورتە خەوە باشتر ئەبم، بەڵام هەست دەکەم کە گەشتێکی زۆر دوور و درێژە. دەکرێت لەبەر ئەوە بێت کە من زۆر بێ ئارامم؟ وە، هەستەکەم خراپتر بوو چونکە ئایسۆل هیچی لەبارەی مۆبایلەکەمەوە پێ نەوتم کە بە هەڵە لە ماڵی پوورم بەجێم هێشت.جیمینیش بە هیچ شێوەیەك پەیوەندی بە منەوە نەکردووە. 
من خۆم مۆبایلەکەم بە ئەنقەست بەجێهێشتووە، بۆ ئەوەی نەزانێت بەرەو ماڵەوە دەڕۆم.. 
جەیهیون وتی"ئێمە گەیشتین، من دەتبەمە ژوورەوە." 
"پێویست ناکات، من---" 
"نینا، هەرچەندە من برای بایۆلۆژی تۆ نیم، بەڵام تۆ وەك خوشکی منیت. تۆ لە ئایسۆل زیاتریت بۆ من.
من زۆرباش دەتناسم نینا، ئەگەر لەگەڵ هەمووان درۆ بکەیت، دڵنیابە ناتوانی لەگەڵ من درۆ بکەیت، دەموچاوت ناتوانێت دڵەڕاوکێکەت بشارێتەوە." جەیهیون هەناسەیەکی قوڵی هەڵمژی. "بەڵام، باشە، لەگەڵت نایەم ئەگەر هێشتا هەست دەکەیت پێویست ناکات یاوەرت بم تا ژوورەوە. بەڵام، من لێرە پانزە خولەك چاوەڕێ دەکەم. ئەگەر هیچ شتێك نەبێت ئەوا ڕاستەوخۆ دەڕۆمەوە، باشە؟"