ယွီဝမ်ထုန်က အကန်ခံချင်နေတာလား။
................................................
လင်းကျန်နှင့် လင်းကျောက်ဝမ်တို့က ယနေ့မနက်တွင် ထွက်သွားပြီး နောက်တစ်နေ့အထိ ပြန်မလာချေ။ သူတို့ ချီစီရင်စုသို့ သွားရသည့်အကြောင်းရင်းမှာ ထိုနေရာတွင် ရောင်းချမည့် ဆေးစိုက်ခင်းတစ်ခုရှိသောကြောင့်ပင်။ ၎င်း၏ယခင်ပိုင်ရှင်မှာ ချီစီရင်စုမှ တရားသူကြီးဖြစ်ခဲ့ပြီး ယခုအခါတွင် အကျဉ်းချခံထားရကာ ပိုင်ဆိုင်မှုများမှာလည်း နိုင်ငံတော်ဘဏ္ဍာအဖြစ် အသိမ်းခံလိုက်ရသည်။ ဒေသခံအစိုးရက ဆေးစိုက်ခင်းကို ရောင်းချရန် ဆုံးဖြတ်ထားသည်။
ဆေးစိုက်ခင်းက အတော်ကျယ်ပြီး လူအများအပြားက ၎င်းကိုဝယ်ချင်သော်လည်း လင်းမိသားစုဝင်များက ဈေးပြိုင်ပေးသောအခါ ထိုလူအားလုံး လက်လျှော့သွားသည်။
ထိုဆေးစိုက်ခင်းကို တရားဝင်လက်လွှဲယူရန်အတွက် လင်းကျန်နှင့်သူ့ဦးလေးတို့က အနည်းငယ်အလုပ်ရှုပ်ရသည်။ သူတို့က ဆေးစိုက်သမားများမှလွဲ၍ ထိုစိုက်ခင်းမှ ကျန်သည့်လူအားလုံးကို အလုပ်ဖြုတ်လိုက်သည်။ လင်းကျောက်ဝမ်က ကျိုးချွမ်းဖူကို ဤဆေးစိုက်ခင်းအား တာဝန်ယူစေသည်။ ထန်းယန်မြို့တောင်ပိုင်းမှဆေးစိုက်ခင်းကို ကျိုးချွမ်းဖူ၏အလုပ်သင်၊ ယခုအခါ ရာထူးတိုးသွားသော ဝုကန်က တာဝန်ယူရသည်။
ချီစီရင်စုနှင့် ထန်းယန်မြို့က ဝေးသည်။ ထိုနေရာနှစ်ခုအကြား သွားလာဆက်သွယ်လျှင် အချိန်ကြာမည်ဖြစ်ရာ ဆေးစိုက်ခင်းကို စောင့်ကြည့်မည့် လုံခြုံရေးအစောင့်များကို လိုလာသည်။
လင်းကျန်က ထိုနေရာတွင် ညအိပ်ခဲ့သည်။ အရေးအကြီးဆုံးကိစ္စများကို လင်းကျောက်ဝမ်နှင့်အတူ ကိုင်တွယ်ပြီးနောက် လင်းကျန်က အစောင့်အချို့ကို ခန့်အပ်ကာ ကြီးကြပ်လီကိုနေစေခဲ့ပြီး ထန်းယန်သို့ပြန်လာသည်။
ချီစီရင်စု၌ နေနေစဉ်တွင် လင်းကျန်က မည်သည့်ရည်ရွယ်ချက်ဖြင့် မဟာမာန်တောင်သို့သွားမှန်း မသိရသော နယ်စောင့်တပ်သားအသစ် တစ်သောင်းကျော်က ချီစီရင်စုအနီးမှ ဖြတ်သွားသည်ကို တွေ့ခဲ့ရသည်။
YOU ARE READING
ပြန်လည်မွေးဖွားပြီးနောက် ထင်ပေါ်ကျော်ကြားခြင်း
Historical Fictionစေ့စပ်မှုဖျက်သိမ်းသည့်စာတစ်စောင်က ထန်းယန်မှ လင်းမိသားစုအား အဆုံးမဲ့ကြမ္မာဆိုးဝင်စေသည်။ သူ ဟူသည့် လင်းကျန်က ခြေထောက်များရက်စက်စွာအချိုးခံရပြီးနောက် သေသည်အထိ ညှင်းပန်းနှိပ်စက်ခံခဲ့ရသည်။ ယခုပြန်လည်မွေးဖွားလာပြီးနောက် သူ့မိသားစုအတွက် ဂုဏ်ကျက်သရေယူဆောင်...
