Kabanata 3

                                    

                                          

"Naku Darwin, mabuti nalang at nakita kita, gusto ko lang magpasalamat." Sinabi ko kay Darwin, hinanap ko kasi ito sa pool area.
"Ilang beses ka ng nagpasalamat ah." Nakangiting sinabi nito.
"Eh hindi ako magsasawang magpasalamat, lalo na at hindi mo ayaw mong tanggapin yung pera na kapalit ng ginastos niyo."
"Huh?" 
"Di ba sabi mo sa message mo hindi ko na kailangan na bayaran."
"Ahh." Tumango ito. "Sakanya ka magpasalamat." May inginuso ito sa likuran ko.
Nilingon ko iyon. 
Si Rage!
Papalapit sa amin.
"A-anong ibig mong sabihin?" Tanong ko kay Darwin.
"Siya ang katext mo, hindi ko naman number yung binigay ko eh. Number ni Rage."
Ano?!
"Are you done Darwin?Connor is waiting." Sinabi ni Rage pagkalapit.
Hindi ako makagalaw sa kinatatayuan ko, bumilis ang tibok ng puso ko.
Napalunok ako at napaatras. Sa pag-atras ko ay nahulog lang naman po ako sa tubig!
Ang lalim pa, hindi pa naman ako marunong lumangoy! 
"Trina!" Narinig kong tawag ni Darwin, nakainom na ako ng tubig pero agad akong sinaklolohan ni Darwin.
Umubo ako.
"Okay ka lang ba?" Tanong ni Darwin.
May nagpatong ng tuwalya sa balikat ko at umupo sa tabi ko. Si Rage.
"Okay ka lang ba miss?" Tanong nito sa akin.
Muli akong napaubo. "O-okay lang." Sabi ko.
Ano ba itong nangyayari. Bakit kapag nakikita ko siya ay may nangyayaring nakakahiya sa akin.
"Come on." Inalalayan ako ni Darwin at Rage na tumayo.
"May dala ka bang extrang damit? Kailangan mong magbihis." Sabi ni Darwin.
Iyon na nga eh, wala akong dala.
Umiling ako.
"Trina? Oh my gosh what did you do to her?!" 
Pareho kaming napatingin sa sumigaw. Galit na galit si Patty at tumakbong papalapit sa amin.
Alam ko na ang gagawin nito.
Agad ko siyang hinarang.
"Patty " 
"What happened to you, anong ginawa ng dalawang ito sayo?"
"Wala kaming ginawa Ms. Buenavista." Ani ni Rage.
"Mr. Aldeguer kung wala kayong ginawa bakit basang-basa itong kaibigan ko?" Mataray nitong sinabi.
Nagsalita na ako dahil baka humaba pa ang usapan. "Ako ang may kasalanan, umatras ako kaya ako nahulog." Sabi ko.
"Mag-ingat ka naman Trina, tingnan mo basang-basa ka, halika na at magbihis ka, mabuti nalang may dali akong damit ko." Hinila ako nito.
"Salamat pala." Pasasalamat ko sa dalawa.
Tumango lang naman ang mga ito.
Sana naman sa susunod na pagkikita namin ni Rage ay walang mangyaring kung ano na naman sa akin.

Hindi ako makatulog, iniisip ko ang sinabi ni Darwin na hindi niya number ang binigay niya sa akin, na kay Rage daw iyon.
Ibig sabihin ay si Rage ang katext ko that time?