الحلقة الأخيرة 2

                                    

                                          
🕯السحر الملعون 🕯
#شيطان زوجي 2
#صونيا
🤍الحلقة الأخيرة 2🤍 
****************** 
كانت راقدة ؛ سمعت صوت غريب في لاشومبر فتحت عينيها لقاتو في وجها؛  يخلع  عينيه حومر كيف الدم وعندو قرون ؛ يضحك في وجها ؛ الضحكة تاعو من لوذن لخرى ...
سلمى ميتة بالخوف جسمها كامل يوجع فيها مي ماشي قادرة تنطق حتى حرف ....
الشيطان: اليوم ندي انسان عزيز بزاف على قلبك ؛ انسان تحبيه ومزالك تحبيه ....
سلمى عرفاتو بلي هو ؛ حابة تعيط حابة تنوض مي والو جسمها خانها ؛ رجعت تبكي في داخلها ودموعها اطيحو ....
كانت هند وحسام راقدين معاها ؛ في سابع نوم واحد ما فاق بيهم ...
وفي زاوية لاشومبر دارت نار خفيفة وبدات تشعل وتشعل وتاكل في الشيء لي قدامها تخنقت سلمى من هاذاك الدخان .
فطنت هند شافت النار رجعت تعيط لي كانو في الدار كامل فاقو ...
هند خرجت حسام من لاشومبر مي كي رجعت تخرج سلمى ما قدرتش ؛ عيطت على مراد لي دخل بالشورط خرج هند ورجع لعند سلمى ...
مع هزها ضربو الشيطان على ظهرو طاحو في زوج ....
النار زادت كثر في لاشومبر طلع يجري طارق اشوف الشيء لي صرا لقاها الدنيا مخلطة ....
هند هبطت لتحت ما خلاتهمش يطلعو لفوق ؛ اما وائل كان مزال ما روحش لدار ....
طارق دخل هز سلمى وحطها برا ورجع عند ولدو تغلق عليهم الباب والنار تاكل في لحوايج داخل سلمى تبكي .....
تتخبط في بلاصتها عاودت فتحت عينيها لقات كلشي في بلاصتو ؛ هند وحسام راقدين حذاها لاشومبر لباس بيها كلشي كان خيال ؛ فرحت ماشي مصدقة بلي هاذا كان حلم ...
حركت عينيها شافاتو يضحك في الزاوية لي راحت منها النار ...
الشيطان: شفتي كون نحب ذرك نقتلهم كسف راهم مي هكذا ساهلة نحبهم يتعذبو كيف ما قتلوه لازم هوما يتعذبو ....
سلمى خافت منو بزاف ماشي قادرة تخبرهم بالشيء لي راه صاري تتعذب كل لحظة كل ثانية تمنات الموت مي ما لقاتهاش ...
حست بوجع في يدها كي شافت لقات يدها محروقة ...
************** 
ناضو الصباح حسام هو لول مع فتح عينيه راح ليها اشوف اذا راهي فايقة ...
حسام : ماما راكي فاطنة صباح الخير ...
سلم عليها لقاها تبكي الدموع على خدودها ...
حسام : ماما واش بيك علاش تبكي ....
مد يدو باش اشدها شاف ذراعها محروق شوكا ....
حسام: ماني ماني نوضي ؛ شوفي ماما واش صرا ليها ...
فطنت هند راحت عندو ...
هند : يا وخذي واش هاذا كيفاش تحرقت ؛ باين راهي تسوفري اصبر نعيط لخالتو هي داويها ... 
خرجت هبطت عند وائل باش تخبرو ....
وائل: صباح الخير ماما ؛ وجهك ماشي مليح اذا كاش خبر على سلمى ما نحبش نسمعو ان شاءالله تموت ما اهمنيش فيها ...
هند : حرام عليك يا ولدي راهي محروقة من يدها نا علاباليش كيفاش حتى تحرقت هكذا كامل ...
وائل: ممكن راهي تكذب ماشي معوقة وتلعب فيها ... 
انا نتوقع كلشي منها ..
هند : انعل الشيطان يا ولدي ماشي هدرة هاذي الطبيب أكد لينا بلي معوقة.....
وائل: المهم راهي تتعذب هكذا خير ما تكون تحت التراب الموت ارحم ليها ...
انا ذرك راني نخمم في زواج حسام مع أميرة اما هي ما تهمنيش اصلا المهم لولاد اكونو مهنيين .....
هند : صايي ولدي ما نزيدش نقولك عليها باين بلي موحال تسامحها ؛ نروح نعيط لزينب تجي تشوفها و اصلا الفرملية ما طولش وتجي ليها ....
خرجت من عندو ؛ قعد اخمم واش قاتلو يماه على سلمى ؛ قرر يطلع اشوفها اصلا من نهار لقاها مرمية في البيت تاعهم مزادش حط عينو عليها ....
دخل عليهم لقا حسام قاعد عندها وجهو مقلق على يماه ...
وائل: ولدي معليش تخليني معاها وحدنا ....
حسام : مي عندك عوام وسنين ما شفتهاش اليوم واش هو لؤ تبدل قول بابا ...
وائل: هاذ الشيء بيني وبين يماك .
ناض حسام شاف معاهم وخرج غلق موراه الباب ....
وائل: ما علاباليش واش راه صاري فيك ؛ مؤ قلبي متهني بويسك علابالي راكي تسوفري وماشي غير شوية بزاف ثاني ؛ كنت حايب نشوف وجهك وانت تتعذبي ؛ والحمد لله لي ربي طول في عمري وشفتك وذرك ؛ حسام رايح يزوج من أميرة وعلابالي انك ماشي حابة هاذ الزواج نعرفك مليح ذرك ؛ كون جيتي بصحتك راكي درتي كلشي باش تمنعيهم...
سلمى غير تشوف فيه وتبكي....
وائل: هنا كملت لحكاية سلمى  اصلا حكايتنا كانت غالطة ملول مي بربي ان شاءالله حكايتهم رايحة تكون خير من تاعنا وعيشو احسن منا ....
ناض وخلاها.....
سلمى عرفت بلي قلبو رجع حجرة اذا هوما كملت حكايتهم كاين حكاية أخرى رايحة تبدى وياريتها ما تبدى كون يعرفو واش كاين موحال اخلوهم ازوجو مع بعضهم .........
#النهاااااااية 😈