🕯السحر الملعون 🕯
#شيطان زوجي 2
#صونيا
🤍الحلقة 37 🤍
**************
خارج من عند المحامي اخمم في الشيء لي قالهولو...
وائل ماشي شايف قدامو دخل في وحدة داخلة عند المحامي ....
طلع راسو شاف معاها وقعد ساكت غير عينيهم في بعض سارحين ...
وائل: بردو مدام كنت نخمم ماشي قصدي ...
سمية : انت لي اسمحلي حتى انا غارقة في تخمامي اسفة خويا ...
وائل: اسمي وائل ماشي خويا ...
سمية ضحكت وقالت : اكي وائل انا سمية متشرفين ؛ راني محامية نخدم هنا ...
سمية : اذا عندك مشكل تفضل عندي نحكو ....
وائل شاف معاها : كون نعرضك على قهوة تقبلي ثمة نحكيلك على مشكلتي ...
قبلت وراحت معاه دخلو كافتيريا وقعدو يحكو ...
وائل: انا حايب نطلق مرتي ...
هزت راسها فيه حتى القهوة بلعتها شرقت ...
سمية : اه انت مزوج ماعليه مي علاش حايب طلق ...
وائل: اصلا زواجي كان غالط كنت حايب ننتاقم منها سع الشيء لي درتو انا لي نخلص فيه ...
سمية : معليش تحكيلي بالتفصيل واش لي صرا انا ننصحك كوني محامية ونقولك واش اقول القانون ...
وائل قعد يحكي وقلبو يوجع فيه حكا كلشي صرالو مع سلمى ...
سمية غاضها وكفاش راه اعاني ...
سمية : هي بالحمل ممكن طالبك بزاف حوايج والجلسة طول بزاف ...
اذا راك متأكد بلي مكانش بينكم شيء يتصلح نحطلك الدوسي اما اذا جايب تخليلها فرصة نستنو ...
وكاين حل اخر نحط الدوسي حتى اذا حايب ترجع ليها نقدر نلغي الدعوة من بعد ...
وائل: ايه حطيه ولي جيبها ربي مرحبا ....
اسمحيلي تعبتك معايا ...
سمية : مرحبا بيك خويا شرفت اصلا هاذي خدمتي ....
وائل: رجعنا لكلمة خويا ثاني ...
ضحكو وكملو قهوتهم ؛ اما ناضت سمية وقالت : وائل انا نروح عندي موعد ونسيتو...
وائل: او كيفاش رايح نتاصل بيك ..
مدتلو كارت فيزيت تاعها ؛ ملور كتبتلو الرقم الموبايل الشخصي ..
سمية : اي شيء تحتاجو عيطلي...
خلاتو اشوف معاها وراحت تمشي ودور ماشي قادرة تنحي عينيها منو ....
غابت على عينيه حاير في روحو والاحساس لي راه حاسو ...
وائل يحكي مع نفسو: يعني علاش قلبي يخبط هكذا من لي شفتها وانا داخل بعضايا ...
سور انا مهبول لي نحكي معاها بهاذ الطريقة شغل نعرفها من قبل ؛ اه يا غبي ذرك تغلق بورطابلها ولا تبدل النيميرو ...
هو يهدر حتى لقاها واقفة عند راسو ....
سمية : هههههه اسفة نسيت كرطابلي فيه كلشي مزية نسيتو هنا ماشي في بلاصة خرى ....
وائل وقف شاف معاها وقال : ملي رحتي وانا نخمم فيك ؛ انا ما نقدرش ندور في لحكايات نجيبها ملخر ما علاباليش شا صرالي كيما شفتك اول لحضة...
سمية حشمت وهبطت راسها ...
سمية : صراحة انااا ثاني ما فهمتش واش صرالي مي انت مزوج يعني علاقة غير مشروعة بينا ...
وائل: ربي حلل ربعة الحمد لله وإنا نكره لحرام تحبي تتعرفي عليا من بعد ساهلة قولي ايه ما تخلينيش نولي مهبول ...
سمية شافت معاه غارقة في عينيه ما قدرتش تحكي ...
وائل: صدقيني كي قلتلك حبيت مرتي وبزاف مي انت حاجة خرى ما قدرتش نعرف واش هو ....
موحال نكذب عليك ولا نخبي اي حاجة مي انت خمي ...
سمية قلبها اقول ايه وعقلها اقول لا ...
سمية : لا ماشي ممكن اسمحلي ...
تحبني نكون محامية اكي اما اكثر لا اسفة ....
راحت وخلاتو واقف ؛ ضحك ضحكة صفرة وقال : نشوفوها لا هاذي وين توصلك !!!!
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
