🕯السحر الملعون 🕯
#شيطان زوجي 2
#صونيا
🤍الحلقة 36🤍
**************
قاعد فوق الفوتاي قارو في يدو اخمم على هاذ لعوام لي كان غايب فيهم لي وليدو كبر بلا بيه رجع راجل يتباها بيه قدام الناس ...
جات ليه بسني قهوة وهوما في دار يماها زليخة ..
زينب : اشرب القهوة سخونة طارق ..
شاف معاها هزلها يدها وباسها قعد اعنق فيها ..
طارق: شحال توحشتك توحشت ريحتك ضحكتك كلشي فيك ...
زينب : انا ثاني كان كل هاذ السنين صعيبة عليا بزاف مي الحمد لله كلشي فات ورجعت لينا ...
هبط راسو وقال : لازم نصلح بزاف حاجات نطلب منهم السماح رحت مور الانتقام مي خسرت كلشي في لخر ..
زينب : بالشوية تنحل ما تخافش ..
طارق : نهار كنت واقف برا قدام لوتال كي خرجتو حسيت لرض قريب تنشق تحت رجليا.
زينب : كاين حاجة لازم تعرفها طارق كنت لازم نخبرك عليها من نهار عرفت الحقيقة مي الله غالب كل مرة كاين مشكل ...
طارق حط الفنجان تاع القهوة وشاف معاها مستغرب .
طارق : انت مخبية عليا حاجة ؛ والله بيزار نعرفك صريحة بزاف ..
زينب: ماشي قصدي نخبي عليك حبي ؛ مي اسمع مليح كلامي ولازم تفهمو ؛ .
يما زليخة هي أم حسام الحقانية ...
طارق بلا حتى كلمة ولا تنهيدة يسمع فيها عينيه وفمو مفتوحين علخر ....
زينب : اصبر ما كملتش كلامي 😌😌😌
هند هي اختي الصغيرة تعرف شا معناها ...
ضحك طارق : من لي نعرفك وانت تقولي هند ختي صايي فهمتها ..
زينب جبدتلو الدفتر العائلي تاع هند وشهادة الميلاد تاعها حطتهم قعد يخزر معاهم ماشي مصدق الشيء لي راه اشوف فيه ...
هز راسو فيها : يعني انا حبيت زوج خواتات ...
زينب : على بيها قتلك لازم تفهم مليح ؛ اذا مزال عندك احساس من جيهتها غير قولي ....
هبطت راسها وباين الحزن في وجها ...
قدم ليها وبيدو هزلها راسها ...
طارق : ما نحبش نزيد نشوف وجهك هكذا نحبك ديما تضحكي؛ اما على هند صدقيني مكانش في قلبي حاجة من جيهتها الشيء لي درتو غير باش ننقذها برك صح مع لول كنت نشوف غير معاها كانت شغل ساحرتني مي مع الوقت راح كلشي حتى اني ذرك كاين غير انت لي في قلبي ....
فرحت زينب بكلامو ...
زينب: معليش تحكيلي كيفاش اوبليجاك هاذاك المشعوذ ...
طارق : انا كنت كيف المهبول نشوف حوايج مكانش وقت كنت في المصحة جاتني صوفيا وقاتلي خير شكون اعيش فيهم ولوخر رايح يتعذب ...
قلت ممكن كذب كلشي راه غير في راسي ؛ اما نهار جا سي حواس مع ولدو ؛ حتى انهم سمحولهم يدخلو في زوج حرت ياك تعرفي بلي ممنوع هاذ الشيء هددني بيما ربي يرحمها وجابلي الفوطو ديالها كي خطفها وانا خيرت هند تبقى حية قلت حسام راجل قادر على روحو اما هند نشوفها ديما ضعيفة ....
زينب : اه صار هوما لي خطفوها انا كي رحت لقيتها مريضة تهلوس غير بيك مسكينة مي ما طولتش وماتت ....
مراد : شفتي فعايلي وين وصلوني حتى الجنازة تاعها ما كنتش حاضر غدوة ان شاءالله نروح نشوف قبرها ونطلب منها السماح قلبي مجروح يا زينب ومعمر نتمنى تفهميني ....
عنقاتو ومسحت على شعرو رجع كيف الطفل الصغير بين يديها ...
طارق : نشفى وقت رجعلي ولد سي حواس ومعاه بنت وكان اقولها هاذا عمو طارق كانو عينيها كوحل وحادين موحال تقدري تنسيهم...
لازم نروح نحوس عليهم ندي ثار يما مسكينة ...
زعفت زينب منو : لا ثار ولا والو خلينا هي ماتت ربي يرحمها وانت دير المشاكل تعشي في الحبس يعني نقعد انا ولدك وحدنا ثاني ماشي حرام عليك ....
طارق : خلاص مي لازم نعرفهم ممكن الحل راه عندهم ما تخافيش ما ندير والو ...
زينب : توعدني قول ...
طارق : نوعدك حبيبتي...
مراد كاش ما عندو خلي نزوجوه نشوفو اولادو هههه.
زينب: كاين ميسون طفلة عاقلة و ورزينة نشوفها مهتمة بزاف بيه حتى هو مي كي نقولو اقولي مزال ولدك احب نساوين كيف بيو ...
طارق ضحك على كلامها : بيو احب مرتو برك ....
هوما يضحكو دخل مراد: اووووووو راكم غاية قهوة ضحك وحكايات غير ضحكوني معاكم ....
طارق : كون سع توريلي ميسون وتحكي لبيك عليها من بعد نضحك ولدي...
مراد : يا خاه ما خلاتش افوت نهار حكاتلك على كلشي ياك هاي ليك ميسون اصبر دقيقة ...
مي راك شفتها معايا واقفة قدام لوتال ما شفيتش ...
طارق قعد اشوف في الفوطو وعاود سبحان الله شايفها من قبل وين يا ربي ...
هاذ العينين نعرفهم شفتهم....
مراد : وين شفتهم سور كانت تخدم في المصحة هههههه ؛ صافي مزال ما رتحتش يا بابا ....
طارق : والله شايفهم انا موحال ننسى حاجة حتى وان مخي خطرة على خطرة اوريلي صوالح مكانش مي ما ننساش الشيء لي شفتو ...
مي كون تعرفني عليها نقولك وين شايفها ...
مراد : اكي ذرك نفيكسي رونديفو معاها وتروح تشوفها....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
