الحلقة 25

                                    

                                          
🕯#السحر الملعون🕯 
#شيطان زوجي 2 
#صونيا 
🤍الحلقة 25🤍 
**************** 
رجعت لدارهم دخلت شدها مع الباب ودخلها لصالو ؛ خزر معاها وباين بلي غضبان منها ...
ريان : تعرفي واش درت باش بابا يامني بلي كنتي عند صحبتك البارح اه قولي زيدي أحلفي بلي ما صرا بينكم والو البارح ؛ ما تنسيش بلي انت لي تقدري تخرجينا من الغرقة لي رانا فيها ميسون فهمتي 
ميسون : فهتك خويا مكان لاه تفكرني والبارح ما كان والو لعبت عليه خليتو ادير فيا الثيقة قريب حكالي على العائلة تاعهم مي كان عيان ورقد ...
ريان : وحقى قلتيلو اسمك ميسون ولا كشما دبرتي اسم اخر ....
ميسون : لا قتلو اسمي آية بويسك سمعتو يحكي على وحدة مي طلعت حبيبت ولد هند يعني هوما ثاني مخلطة الحالة عندهم ....
ريان : لازم نزربو بويسك الشيطان ماشي رايح يصبر بزاف يا حنا يا هوما قضية حياة هاذي مكانش فيها تمسخير للأسف.... 
خرجت وراحت لبيتها غير قعدت فوق السرير جا في بالها مراد تخمم في ملامح وجهو شوية وفاقت مع روحها ....
ميسون : فيقي لروحك هو احبها هي انت غير زعمة افوت معاك شوية وقت باش هي تخطيه وزيد انت لازم تنقذي عايلتك ماشي تروحي تخمي فيه ياخي بهلولة. 
صونا تليفونها شافت لقاتو هو من غير ما تحس هزت ديراكت ...
مراد : تأمني آية توحشتك ديجا حبيتك تعرفي ...
آية: اممممم تتمسخر برك ممكن عجباتك كي حكينا يعني غير ولف برك ....
مراد : صدقيني لالا حتى هاذ الاحساس جامي حسيتو كنت نحسب في روحي نحب سلمى مي طلعت غالط ..نتمنى انك تكوني كيفي وتوحشتيني...
اية ممكن تحكيلي شوية عليك وعلى داركم حياتك حبيت نعرف كلشي عليك ...
هنا آية حبت تبدل الموضوع وقاتلو غير بالشوية : راه دخل خويا من بعد نعيطلك اكي ...
قطعت وقلبها رايح يخرج من صدرها من بعد بكات حست موس في صدرها ماشي عارفة واش لازم تعمل كون يعرف حقيقتها موحال يقعد معاها دقيقة اه يا ربي من جيهة دارهم ومن جيهة هو ؛ واقيل بدات تحبو دخل لقلبها وهاذ الشيء لي جامي جا في بالها باش يصرالها ....
********** 
في دار حسام كامل قاعدين في الجنينة يتقهو دخل وائل معصب بزاف من كلام سلمى شاف في يماه حتى صباح الخير مكانش .
وائل: ماما ويكت معولة تروحي تخطبي سلمى .
هند : صباح الخير يا ولدي ارواح حذايا من بعد نحكو  .....
قدم ليها وباسها شاف معاها عرفت بلي ماشي مليح ..
هند : ماله ولدي مقلق انا خممت نحي لبلاطر ونوجدو روحنا نعيطولهم ونروحو .
وائل: هاذ السمانة قبل السبت بغيتك تروحي .
حسام : بالشوية ولدي علاش راك مقلق هكذا. 
وائل: يماها عيطت عليها كي جات البارح مالة نخطبها هكذا ما عندها حتى كلمة من بعد ...
هند : لعشوة نعيط لدارهم نتفاهمو على نهار لي نروحو اكي صايي ما يزعفش ولدي .
مع هاذ لكلام دخل مراد شافو كامل معاه .
زينب: وانت ويكت نروح نخطبلك ما تفاهمتش مع آية. 
مراد : اوووووو حابة تتهني مني واقيل .
ضحكو كامل وقعدو يحكو حتى سمعو حاجة تكسرت داخل دخلو يجرو لقاو الكادر تاع حسام وهند طاح تكسر .
حسام رفدو وقال : واقيل هاذ المرة 200 لي نعدلو هاذا الكادر هههه حتى والفت كون نلقاه ما تكسرش نحير  هههههه .
مراد : انتوما عايلة ماشي نورمال ههههههه تحيرو. 
طلع لبيتو باش يدوش وبدل حوايجو حايب يرتاح .
عيطتلو آية.
مراد : سبحان الله كنتي في بالي .
آية تبكي وماشي قادرة تسكت .
آية: والله سامحني كنت حايبة نكمل معاك اول مرة دخل راجل لقلبي بهاذ الطريقة مي الله غالب اسمحلي. 
وقطعت عليه ؛ مراد ما فهم والو رجع عيطلها والو غلقت التليفون. 
دخل يدوش وخرج لقا لمراية مكسرة رجع يستغفر وقال في نفسو : انا لازم نخرج من هاذ الدار لا نهبل .
راح تمد في فراشو اخمم فيها حتى داتو عينو .
قاعد يحلم بلي راه معاها في واحد الدار مي قديمة بزاف كلشي مسخ فيها رمشت العين لقا روحو مكتف ماشي قادر يتحرك يديه مكتوب عليهم حاجات ما قدرش يقراهم وهي واقفة وجها متبدل كامل هزت برا وخيط وبدات تخيطلو في فمو ؛ هو اعيط مي الصوت ما يخرجش .
كملت فمو رجعت لعينيه بالوحدة تخيط فيهم كي كملت فتحتلو كرشو وهنا مراد تخطف وناض ..
شاف كوثر قدامو قاتلو : كون تكمل معاها هاذا هو مصيرك .
دار شاف خيال كبير تاع راجل جا يجري ودخل في كوثر حتى انو سمع عياط تاع كوثر وكامل سمعوه طلعو يجرو عندو وائل حاير شاف مع يديه وقالو : مراد واش هاذ لكايبة لي في ذرعيك قبيل ما كنتش هكذا .
مراد شاف مع ذرعيه : ما علاباليش واش هاذ الحاجة 😮
#يتبع 😈