12

                                    

                                          
For Unicode



                          
" လူစွမ်းကောင်း "


                          
စိမ်းနုရောင်လိုက်ကာ ကို ပင့်အတင် မြင်လိုက်ရတဲ့ မျက်နှာနဲ့ ကြားလိုက်ရတဲ့ ခေါ်သံကြောင့် ထယ်ယောင်းမျက်နှာက သံပုရာသီးငုံလိုက်ရသလို ရှုံ့မဲ့သွားသည်။


                          
ဒီကောင်ဟာ ခနခနနယ်ကျွံလာနေတော့တာပဲ။



                          
" ဂိမ်းလာဆော့တာလား? "

                          
" မဟုတ်ဘူး။ စာလာကြည့်တာ "
                          
သူတို့ရပ်ကွက်ရဲ့ တစ်ခုတည်းသော အင်တာနက်ဂိမ်းဆိုတာသိရဲ့နဲ့ တမင်မေးတဲ့ငနဲကို ရွဲ့၍ ဖြေလိုက်ခြင်းဖြစ်ပေမယ့် ထိုငနဲက စပ်ဖြဲဖြဲ......


                          
" ဘာဆော့မှာလဲ? ငါက ဒီဂိမ်းဆော့နေတာ "



                          
ထိုငနဲ ထိုးပြသည့် ဂိမ်းကို ကြည့်လိုက်တော့ ကားမောင်း ပြိုင်ရသည့် ဂိမ်း။
                          
အခုတလော သူတို့တွေကြားခေတ်စားနေပေမယ့် ထယ်ယောင်းကတော့ တစ်ခါမှ မဆော့ရဖူးဘူး။


                          
ဒီနေ့မှ နေမကောင်းချင်သလိုဖြစ်လို့ ကျောင်းတစ်ရက်နားရာကနေ သက်သာလာတော့ အိမ်ကို ဂျုံးဂုဆီစာသွားကူးမယ်ပြောပြီး ဘတ် ၀င် လာခြင်းဖြစ်သည်။



                          
" ‌အဲ့ဂိမ်းကဆော့လို့ကောင်းလား "



                          
စိတ်လိုလက်ရ မေးတော့ ထယ်ယောင်းရဲ့ မျက်၀န်းညိုလေးတွေက တောက်တောက်ပပရှိလှသည်။


                          
" ဟာ အေးပေါ့ကွ!
ဒီမှာ မင်းနဲ့ငါ ကားပြိုင်မောင်းလို့ရတယ် "



                          
" တကယ်? နှစ်ယောက်ဆော့လို့ရတယ်ပေါ့ "



                          
" အေး တကယ်ကွ "



                          
ထယ်ယောင်းရဲ့ မျက်လုံးတွေက လခြမ်းကွေးပုံ ဖြစ်သွားကာ လေးထောင့်ဆန်ဆန်အပြုံးလေးက မျက်နှာ နုနုထက်မှာ ချစ်စဖွယ် ပေါ်လာ၏။



                          
" ဒါဆို တူတူဆော့မယ်လေကွာ...အဲ
နာရီ၀က် ဘယ်လောက်တုန်း? "




                          
" တစ်ထောင် တဲ့။ တန်ပါတယ်ကွာ "


                          
ထယ်ယောင်းသူ၏ ဘေးအိတ်ကပ်ထဲက အကြွေစေ့တွေက ထုတ်ရေ လိုက်တော့ ၀မ် ခြောက်ရာ သာရှိသည်ကို တွေ့ရသည်။