[၆၄] လူကြီးလူကောင်းတစ်​ယောက်ဟာ ကမ္ဘာပေါ်တွင် အထီးကျန်ဆန်နေလေရဲ့။

                                    

                                          
!unicode!
အခန်း(၆၄) လူကြီးလူကောင်းတစ်​ယောက်ဟာ ကမ္ဘာပေါ်တွင် အထီးကျန်ဆန်နေလေရဲ့။
.......
တုန်ရှင်းသည် လွတ်လွတ်လပ်လပ်ရှိပြီး အကျင့်စာရိတ္တပျက်ပြားနေသော်လည်း သူ၏ဆေးပညာကတော့ အမှန်တကယ်ပင် အလွန်ကောင်းမွန်လှပေသည်။ ကျန်းရွှင်းယီ၏အတွင်းဒဏ်ရာနှင့်ပြင်ပဒဏ်ရာပေါင်းလိုက်လျှင် အသေးအဖွဲ့မဟုတ်။ သို့ပေသိ၊ ရက်အနည်းငယ်ကြာပြီးနောက်၌၊ ကျန်းရွှင်းယီအိပ်ရာထဲမှထွက်လာနိုင်ပြီဖြစ်သည်။ မိစ္ဆာဘုရင်ရွှမ်လီအထဲကိုဝင်သွားသည့်အခါ၊ သူသည် ဒဏ်ရာရထားသောလက်ကိုနောက်ပစ်ထားကာ နောက်လက်တစ်ဖက်က စုတ်တံကိုကိုင်ထားရင်းဖြင့် စားပွဲရှေ့တွင်မတ်တပ်ရပ်၍ စာရေးနေလေ၏။
ကျန်းရွှင်းယီသည် အမြဲအစဥ်တစိုက်ပင် ဝတ်စားရာ၌ အဖြူနှင့်အပြာကဲ့သို့သောအရောင်များကိုသာ ကြိုက်နှစ်သက်လေ့ရှိသည်။ ဤနေရာရှိအစေခံတစ်ဦးတစ်ယောက်ကမျှ ဤလူငယ်၏ဂုဏ်သတင်းကိုမသိကြသည်ဖြစ်ရာ သူတို့သည်အဝတ်အစားလာပို့ရာတွင် သူ့အားမိစ္ဆာဘုရင်၏ကစားစရာကောင်လေးတွေထဲမှတစ်ယောက်ဟူ၍သာ တွေးမိကြသည်။ အဝတ်အစားတစ်စုံချင်းစီတိုင်းဟာ အရင်အစုံတွေထက် ပို၍တောက်ပကာ ပိုမိုလှပလေသည်။ ကျန်းရွှင်းယီသိပ်များများစားစားမပြောပေ၊ သူသည် အဝတ်အစားလဲသည့်အခါ တုံ့ဆိုင်းမနေပဲ သူတို့ယူလာသည့်အဝတ်အစားကိုသာ ကောက်ဝတ်လိုက်တော့သည်။
ထို့ကြောင့် ရွှမ်လီ၏မျက်လုံးထဲတွင် သူ၏ယနေ့ဝတ်ပုံစားပုံမှာ အမှန်စင်စစ်ပင် သူ၏ပုံမှန်စတိုင်နှင့်အလွန်ကွဲပြားနေပေသည်။ သူသည် အပြင်ဖက်တွင် အလွန်ပါးလွှာပေါ့ပါးသောဝတ်ရုံကို ဆင်မြန်းထားကာ မက်မွန်သဖွယ်နီရဲနေသောအတွင်းဝတ်ရုံကို ဝတ်ဆင်ထားသည်။ သူ၏ဝတ်ရုံကော်လာထက်၌ မက်မွန်ပွင့်သဏ္ဍာန်ကို ရွှေချည်မျှင်များဖြင့်ပုံဖော်ထားပြီး ခါးသွယ်သွယ်ထက်တွင်လည်း လက်ဖဝါးတစ်ခုစာရှိသည့်ကျောက်စိမ်းနှင့်ခါးပတ်တစ်ခုသာပတ်ထားသည်။
အကယ်၍ သင်သာ ထိုအဝတ်အစားများကို တစ်ခြားတစ်ယောက်အပေါ်တွင်ဆင်​မြန်းပေးလိုက်ပါက၊ ၎င်းတို့သည် မလှမပဖြစ်ရုံသာမက ၊ ကလူမြူဆွယ်ရာလည်းမမြောက်ပါပဲ၊ အဝတ်အစားနှင့်မကိုက်ညီပဲ ဖရိုဖရဲဖြစ်နေပေလိမ့်မည်။ ကျန်းရွှင်းယီ၌ ရှင်းလင်းတိကျသောအကျင့်စရိုက်ရှိသည်ဖြစ်ရာ သူသည် မြူနှင်းများကိုထုတ်လွှတ်နေပေသည်။ အဝတ်အစားအရောင်အားလုံးမှာ ဖိနှိပ်ခံထားရသည့်အတွက် ကြည့်ရှုသူ၏အမြင်တွင် သူသည်နူးညံ့သိမ်မွေ့ပုံပေါ်နေသည်။ သူ၏ချောမောလှပသောမျက်နှာမှာ ၃ပွိုင့်ဟာ စိတ်ကူးယဥ်ဆန်ပြီး ၇ပွိုင့်ကတော့ အထက်စီးဆန်ပေသည်။