ភាគទី២២: បងឈប់ស្រលាញ់អូនហើយ

                                    

                                          
 ចំណតឡាន
ថេយ៉ុង បីកូនឆ្កែសំណព្វដែលទើបនឹងទិញមកថ្មីៗនោះដើរមករកកន្លែងចតឡានរបស់រាងក្រាស់មុនឯអង្គរក្សក៏មកដល់តាមក្រោយជាមួយនឹង ជុងហ្គុក។
« ទៅផ្ទះថ្មីណាកូនឆ្កែតូច » ថេយ៍ បីគេចូលទៅក្នុងឡានមុនទាំងញញឹមស្រស់អង្អែលរោមវាថើរៗបីរលាក់តិចៗដូចជាកំពុងបំពេរកូនឯ ជុងហ្គុក ដែលចូលមកអង្គុយតាមក្រោយនោះក៏ស្ងាត់មាត់មិននិយាយស្ដីអ្វីទាំងអស់ព្រមជាមួយនឹងទឹកមុខគ្មានស្នាមញញឹម រាបស្មើរធេងមុខងាប់ធ្មឹងៗរបស់គេ។
ទ្វារឡានក៏បានបិទទើបអ្នកជាកូនចៅចូលទៅកន្លែងបញ្ជាបង្វែរចង្កូតឡានចេញទៅវិញ។ មកផ្សារថ្ងៃនេះគ្មានបានទិញស្អីម៉ាបៀកទេបានតែកូនឆ្កែមួយក៏ត្រឡប់ទៅវិញហើយតែវាក៏ធ្វើឲ្យរាងតូចស្កប់ស្កល់លែងចង់បានអ្វីទៀតទាំងអស់ដែរ។
« ក្មេងនោះស្អាតមិនធម្មតាទេអញ្ចឹងតើបានជាបងប្រុសមកយកភ្នែកទៅសម្លឹងមើលមនុស្សស្រី » ចាងអុីន ចេញមកជាមួយកូនចៅដែលមុននេះនាយលួចតាមដានពួកគេដោយសារតែជួបគ្នាដោយចៃដន្យប៉ុន្តែ ជុងហ្គុក មិនបានចាប់អារម្មណ៍ឃើញនាយឡើយ។ នាយបន្លឺពាក្យសរសើរទៅកាន់មនុស្សរបស់បងប្រុសជីដូនមួយរបស់នាយដោយទឹកមុខមានល្បិចកលជាច្រើនមិនដឹងថានាយកំពុងតែគិតអ្វីខ្លះនោះទេគ្មាននរណាអាចស្មានដឹងឡើយ។
បាត់មុខស្ងាត់ៗប៉ុន្មានថ្ងៃក្រោយពី ជុងហ្គុក មិនព្រមឲ្យឯកសារផ្ទេឈ្មោះក្រុមហ៊ុនមិនមែនមានន័យថា ចាងអុីន ចុះចាញ់ហើយព្រមត្រឡប់ទៅ អូស្ត្រាលី វិញដោយងាយៗនោះទេគឺនាយកំពុងតែបន្ថែមផែនការរៀបចំគម្រោងជាច្រើនទៀតដើម្បីអូសទាញយក JJK GP មកឲ្យទាល់តែបាន។
« ចៅហ្វាយ!! លោកម្ចាស់ លី ខលមកទាន » ជំនិតរបស់ ចាងអុីន ក្រោយពីទទួលបានការខលហៅចូលពីលោកលីប៉ារបស់ ចាងអុីន ភ្លាមគេក៏ប្រញាប់យកមកប្រាប់កូនប្រុសលោកម្ចាស់ លី ភ្លាមដោយមិនអាចខកខានបានឡើយព្រោះវាជាការងារសំខាន់ផង។
ចាងអុីន ងាកក្រោយបន្តិចរួចក៏ដើរត្រឡប់ទៅរកឡានវិញដោយមានអង្គរក្សដើរអមទាំងសងខាងយ៉ាងមានអំណាចហំហួន។