Chapter 56

                                    

                                          
အနှီ ဆရာဝန်မှာ ပိုင်ရှီးရှန် (အာသာ ဘာကလေ)ပင် ။
(အာသာ ဘာကလေတော့ မှတ်မိသေးတယ်ဟုတ် ..မမှတ်မိရင် Chapter 1 ကို ပြန်ဖတ်ပါ..)
                          
ယုပေါ်ယွင်က ပြုံးလျက် ဆိုတယ် ။
                          
"ဒေါက်တာ ပိုင်! တိုက်ဆိုင်လိုက်တာ..
လာလေဗျာ... ဒီမှာ ထိုင် "
                          
ပိုင်ရှီးရှန်က ယုပေါ်ယွင် ဘေးမှာ ဝင်ထိုင်လိုက်တယ် ။ သူ့မျက်နှာကတော့ ပြုံးတုံ့တုံ့နဲ့ ။ ဘာစကားမှမဆိုသေးဘဲ စားပွဲပေါ်က ရေနွေးခွက်ကို အရင် စူးစမ်းပြီးမှ သက်ပြင်းတစ်ချက်ချကာ စကားဆိုတယ် ။
                          
"တော်သေးတာပေါ့.. ကံကောင်းထောက်မလို့
မင်း ဘာမှမဖြစ်တာ.. "
                          
ယုပေါ်ယွင် သူ့ဗိုက်လေးကို ဖွဖွလေး ပွတ်လိုက်တယ် ။ 
"ဟုတ်ပါရဲ့! အခု အဆင်ပြေသွားပါပြီ... "
                          
အဲ့ဒီတုန်းက အကြောင်းကို ပြန်တွေးလိုက်တိုင်း သူ့ဗိုက်လေးက တဖန်နာကျင်လို့ လာပြန်တယ် ။ 
                          
သူ လုံးဝ ခွင့်မလွှတ်နိုင်ဘူး!
                          
"အဲ့ဒီ လူယုတ်မာတွေကို ကျွန်တော် အလွတ်မပေးဘူး.."
                          
ပိုင်ရှီးရှန်က ခေါင်းတညိတ်ညိတ်ဖြင့်ပင် ။
                          
"ကောင်းပါပြီကွာ..."
                          
"ဒါနဲ့ ဒေါက်တာပိုင်က ဒီနေ့ ဒီနေရာကို ဘာကြောင့်များ ရောက်လာရတာလဲ? "
                          
ယုပေါ်ယွင်က သူ့ရဲ့ သွားစွယ်လေးတွေပေါ်အောင် ပြုံးရင်း မေးခွန်းပြောင်းလိုက်ပြန်တယ် ။
                          
"ခင်ဗျားက ဗဟိုဆေးရုံကြီးက ဒေါက်တာမဟုတ်လား? ဘာလို့ ဒီက ဂျူတီကုတ်ကို......."
                          
"ကိုယ်တော်လေးရယ် အဲ့ဒါ မင်းနဲ့ မင်းရဲ့ကလေးကြောင့်လေ"
                          
ပိုင်ရှီးရှန်က မဲ့မဲ့ရွဲ့ရွဲ့နဲ့ နှာတစ်ချက်မှုတ်ကာ မျက်လုံးတွေ မှိတ်ချလိုက်လေတယ် ။
                          
"ငါတို့ တိုက်ရမယ့်ပွဲက ပေါ့သေးသေးလား?...ကိုယ်ဝန်​ဆောင် အမျိုးသားတစ်ယောက်ကို ပုံမှန်ကိုယ်ဝန်​တွေလို အခက်အခဲမရှိ အောင်မြင်အောင် မွေးပေးရမှာလေ..အဲဒါကြောင်​့ စီရင်စုထဲက အတွေ့အကြုံများတဲ့ ထူးချွန်ပါရဂူတွေကို ကုဖုန်းက လိုက်စုနေတယ်...သူက မင်း အန္တရာယ်ကင်းကင်းနဲ့ မွေးဖွားနိုင်ဖို့အတွက် အတော်ဆုံးဆိုတဲ့ သားဖွားမီးယပ်ဆရာဝန်တွေစုပြီး အဖွဲ့သစ်တစ်ဖွဲ့ကို ဖွဲ့စည်းခိုင်းလိုက်ပြီလေ....ဒါကြောင့် မင်းကတော့ မင်းကလေးကို ချောချောမွေ့မွေ့နဲ့ မွေးနိုင်လိမ့်မယ်...ငါတို့ ဆရာဝန်တွေအတွက်ကတော့ အင်း ! နီကျား(Nezha)ကို မွေးပေးရမယ်ဆိုရင်တောင် အဲ့လောက်တိုက်ပွဲခေါ်သံတွေ ပြင်းမှာမဟုတ်ဘူး..... "