Kailan pinakamagandang bumisita sa Czech Republic?

Kung hindi mo inaalintala ang maiikling araw at malamig na panahon, napakagandang experience ang pagbisita sa Czech Republic ng Enero. Una sa lahat, halos walang tao sa mga pangunahing lungsod tulad ng Prague at Brno pagkatapos ng Christmas holidays. Ibig sabihin, maaari kang makapasok sa mga sikat na attraction nang hindi gaanong naghihintay, at makakakuha rin ng discounted rates. Pero tandaan din na maraming sarado kapag Enero 1 dahil national holiday ito.

Ginaganap ang Winter Festival ng Bohemia, isang pagdiriwang ng opera, ballet, at classical music, sa mga unang araw ng buwan sa magagarbong opera house sa paligid ng capital, kasama rito ang The National Theater at ang sikat na Dvorak Hall ng Prague Rudolfinum. Puwede mo ring itaon ang pagbisita mo sa Three King's Day ng Enero 6, kung saan natatapos ang Christmas season sa pagkanta ng Christmas carols, pagtunog ng kampana, at pagbibigay ng regalo sa mahihirap. Pero 'wag mong maliitin ang lamig na may average na temperatura na -1°C, dahil ibig sabihin nito kailangan mong magdala ng waterproof coat at napakaraming pangginaw.

Pagdating ng Pebrero, inaasahang umulan ng snow kahit saan, anumang oras. Wala halos pagkakaiba sa temperatura mula sa napakababang sub-zero ng Enero, at wala ring gaanong araw kaya dapat magdala ng mainit na winter clothes. Kung mahilig ka sa outdoor, pinakamagandang panahon ang Pebrero para mag-skii o mag-snowboarding sa Czech Republic, na may mga skii resort tulad ng Špindlerův Mlýn at Keilberg na bagay sa mga beginner at intermediate. At kung hindi ka mahilig mag-ski, maaaring mas magustuhan mo ang pagbababad sa hot springs sa mga spa town na tulad ng Karlovy Vary at Marianske Lazne (parehong maiksing day trips mula sa Prague).

Bohemian Carnevale, o kilala ring bilang “Masopust”, ang malaking event sa buwan na ito. Ipinagdiriwang ang simula ng Lent, kasama sa carnival ang mga parada ng maskara, live music, at pag-inom, pagkain, at pagsasayaw buong araw. Tumatagal ito ng limang araw sa Prague at sa ibang lugar sa Bohemian region tulad ng Český Krumlov. Bukod dito, ginaganap din sa Prague ang International Festival of Wind Orchestras sa iba’t ibang araw sa kalagitnaan ng Pebrero.

Pagsapit ng spring, unti-unting umuusbong ang mga halaman at bulaklak sa Czech countryside. Kaya naman, mararamdaman mo pa rin ang lamig hanggang sa paglampas ng kalagitnaan ng Marso kapag umaabot sa 11°C kapag umaga, at puwedeng bumuhos ang snow sa mas matataas na lugar. Dahil dito, huwag kalimutang magdala ng makapal na coat at jumper para maging kumportable ka, at sunglasses kung sakaling mawala ang mga ulap.

Hindi lang isa, ngunit dalawang film festival ang nagaganap sa Czech capital tuwing Marso. Ipinapakita sa Febiofest ang mga bagong gawa ng international filmmakers, samantalang ipinapalabas sa One World International Human Rights Film Festival ang mga documentary tungkol sa mga social issue, lifestyle, at kalikasan. Parehong nagsisimula ang mga festival na ito sa Prague bago magtungo sa iba’t ibang lugar sa bansa.

Dumadami ang bilang ng turista sa buwan na ito dahil sa mas matagal, mas mainit, at mas maaraw na panahon. Ngunit madalas ang pag-ulan ng Abril sa Czech Republic, at hindi pa tuluyang nalusaw ang snow kaya mabuti pa ring magsuot ng jacket kapag namamasyal sa labas. Umaabot ang temperatura nang hanggang 15°C sa katapusan ng buwan, at madalang bumaba nang hanggang 5°C.

Nangyayari rin ang Easter weekend ng Abril, na nagtatapos sa family games at activities ng Easter Monday. Magandang panahon ito para maghanap ng souvenir sa mga Easter market ng Prague at subukan ang mga international na pagkain sa taunang Street Food Festival. Bukod dito, puwede kang bumisita sa katapusan ng buwan para sa ancient Pálení čarodějnic o “Burning of Witches” festival na ginagawa sa mga hilltop sa buong bansa tuwing Abril 30. Sa kasalukuyan, nagtitipon ang mga tao para panuorin ang pagsusunog ng mga witch-like effigy sa bonfires, habang ine-enjoy ang masasarap na pagkain at family-friendly activities.

Mayo ang pinakamataong buwan sa buong taon ngCzech Republic. Mas mainit na ang panahon, namumukadkad na ang mga bulaklak, at kaliwa’t kanan na ang mga malalaking festival sa Prague. Puwede kang magsuot ng manipis na jacket o kahit t-shirt lang sa pinakamainit na mga araw, pero maghanda pa rin sa paminsan-minsang malamig na panahon lalo na sa matataas na region tulad ng Pilsen.

Nagsisimula ang iba't ibang high-profile event sa Prague National Marathon sa simula ng Mayo. Puwede kang sumali o mag-cheer kasama ng mga nanunuod, at hintayin pagkaraan ang highlight ng taon – ang Prague Spring Festival na tumatagal mula kalagitnaan ng Mayo hanggang sa simula Hunyo. Pinapakita ng international music festival na ito ang pinakamahuhusay sa classical music sa iba’t-ibang theater at simbahan sa buong capital. Kasabay nito ang theater at comedy shows ng Prague Fringe Festival, ang Czech Beer Festival, at Prague Food Festival sa huling weekend ng Mayo.

Kung gusto mong ma-enjoy ang mas malamig na panahon na walang gaanong tao, pinakamagandang option mo ang pagpunta sa Czech Republic ng Hunyo. Nakaalis na ang festival crowd ng Mayo, pero padagsa pa lang ang mga student backpacker. Naglalaro ang temperatura sa 15ºC kapag umaga para kumportable kang makapamasyal sa naggagandahang lungsod tulad ng Brno, Olomouc, at Prague, o kaya naman tumambay sa beer garden at pagmasdan ang tanawin. Pero puwedeng umulan kahit anong oras, kaya mas mabuting magdala ng manipis na waterproof jacket.

Kumpara sa Mayo, walang festival kapag Hunyo sa Prague pagkatapos ng Spring Festival. Gayunpaman, marami pa ring puwedeng puntahan, kaya marami ka pa ring dahilan para lumabas ng capital at mamasyal. Sa Český Krumlov, ginaganap sa loob ng tatlong araw ang medieval-themed Celebration of the Rose na may mga costumed parade, traditional music, street theater, at fencing duels. Ginaganap din ang Festival of Chamber Music sa magarbong Renaissance castle sa katapusan ng buwan.

Tumataon sa kalagitaan ng high season ang pinakamainit na buwan ng taon sa Czech Republic kaya asahan mo ang napakainit na temperatura at maraming turista na sa mga lugar tulad ng Prague at Brno. Kaya naman Hulyo ang pinakamagandang panahon para pasyalan ang mga ‘di mataong destinasyon sa Czech Republic tulad ng Ostrava, Telč, at Krkonose National Park, at pati na rin ang ibang naggagandahang natural beauty na makikita rito. Kadalasang inaabot ng mid-twenties ang pinakamainit sa umaga, pero puwede ring lumampas hanggang sa 30ºC mark. Kaya mahalagang magdala ng sunglasses at sunscreen.

May national holidays ng Hulyo 5 at 6 kaya asahang sarado ang ilang shops. May local events na nangyayari sa buong bansa, may ilan na tumatagal ng ilang araw, samantalang inaabot ang iba ng ilang linggo. Nagtatampok ang tatlong linggong International Music Festival ng Český Krumlov ng classical music concerts at live performances na mula folk, soul, at jazz. Isang multi-genre music festival ang Colours of Ostrava na pinangungunahan ng mga international performers, habang ang Karlovy Vary International Film Festival ay pinupuntahan ng maraming kilalang artista para mapanuod ang higit sa 200 bagong pelikula na pinapalabas sa unang linggo ng Hulyo.

Mainit at maalinsangan ang Agosto kung saan nasa mid-twenties ang temperatura sa umaga at ang pinakamataas ay lumalampas sa 30ºC paminsan-minsan. Asahang maraming tao sa Prague at iba pang sikat na destinasyon sa paligid ng Bohemia, kaya pinakamabuting option para sa mas tahimik na bakasyon ang silangang region ng Moravia. Matatagpuan sa Brno, pangalawa sa pinakamalaking populasyon sa Czech Republic, ang makasaysayang rehiyon na punong-puno ng naggagandahang preserved castle, simbahan, at chateaux.

Itaon ang pagbisita mo para ma-experience ang isa sa maraming festival sa buong Czech Republic kapag Agosto. Sa Prague, ilang araw lang ang pagitan ng makukulay na mga parada ng Pride Festival at ng acrobatics, cabaret, at comedy ng International Festival of New Circus and Theater, na tumatagal hanggang sa katapusan ng buwan. Sa Moravia, may pagkakataon kang makanuod ng classical music concerts sa mga medieval castle at makainom ng locally produced wine sa dalawang linggong Moravian Castles Music Festival. Sa umpisa ng Agosto, host rin ang Brno sa taunang Motorcycle Grand Prix.

Pagkaraan ng tatlong buwan na mainit at maalinsangan, lumalamig na ang temperatura at maliit ang pagkakataong umulan ng Setyembre. Mas tahimik na rin dahil nakaalis na ang karamihan sa mga bumibisitang backpacker, mga estudyante, at school groups. Kaya hindi mo na kailangang maghintay nang matagal para makapasok sa mga top attraction sa malalaking lungsod, at hindi rin gaanong mainit.

Mas magandang mag-travel sa labas ng Prague dahil sa mas tuyong panahon. Pinakamadaling option ang pagrenta ng sasakyan para makapunta agad sa mga spa town tulad ng Karlovy Vary na sikat sa kanyang mga mineral-rich hot spring at thermal spa, at mga national park tulad ng Bohemian Switzerland National Park na kilala sa arching rock formation nito na Pravcicka Gate. Samantalang, wine harvest season sa Moravia na magarbong ipinagdiriwang sa medieval-themed parades, jousting tournaments, live music, at higit sa lahat, wine tasting sa mga bayan ng Mikulov at Znojmo. Sa Prague naman, may nakalaang dalawang linggo para sa classical works ni Antonín Dvořák para sa Dvořák Prague International Music Festival.

Hindi nagtatagal ang autumn sa Czech Republic. Una mong mapapansin ang pagpapalit ng kulay ng mga dahon, pagkatapos ang frost sa umaga, at sa katapusan ng buwan, bumababa ang temperatura nang hanggang 5°C. Pero kadalasan pa ring mas mainit kaysa rito, na inaabot ng average na 11ºC bilang pinakamataas. Magdala ng waterproof jacket kung bibisita ka ng Oktubre, dahil mas madalas nang umuulan.

Hitik sa matingkad na autumn colors ang mga park at garden ng Prague sa panahong ito. Ilaan ang hapon para pasyalan ang mga ito, bago sumakay sa makulay na canopy mula sa itaas ng Petřín Lookout Tower. Habang nasa capital ka, ma-experience ang culture sa Strings of Autumn Festival o Signal Light Festival na kung saan magarbong pinapailawan ang sikat na mga landmark ng Prague. Ang kaisa-isang malaking event sa national calendar ay ang Oktubre 28, araw kung saan naging malaya ang Czechoslovakia (na dating kilala sa ganitong tawag) noong 1918, at ginawang national holiday.

Mas nakikita at nararamdaman ang winter sa malamig na panahon ng autumn kapag Nobyembre. Pero kung kakayanin mo ang 1–5°C na temperatura, napakagandang panahon ito para sa isang tahimik at romantic city break. Sigurado ang pag-ulan at snowfall kaya siguruhing magdala ng waterproof na damit at matibay na boots.

Pero ibig sabihin ng maraming snow ay maraming naggagandahang scenery, lalo na sa maliliit na bayan ng Kutna Hora, Karlovy Vary, at Český Krumlov, na mapupuntahan sa loob ng ilang oras mula sa Prague. All Saints’ Day ang unang araw ng buwan kaya asahang sarado ang ilan nasaan ka man, samantalang ang huling araw ng buwan ay hudyat ng grand opening ng nakakamanghang Christmas market ng capital. Napupuno ang mga plaza sa buong lungsod ng timbered stalls na nagtitinda ng traditional crafts, masasarap na pagkain, at mulled wine. Dahil nabanggit ang wine, ipinagdiriwang ng Český Krumlov ang sarili nitong wine festival ng Nobyembre 11 sa karangalan ni St. Martin.