芬兰历史

一万多年前，人类拉乃朝芬兰地域定居，迭种原始公社制度拉芬兰一脚延续到12世纪。经历了瑞典发动个一系列扩张活动后，芬兰开始畀瑞典统治，一脚到19世纪初。1809年，俄罗斯帝国击败瑞典，芬兰成为沙皇统治下底个一个大公国。随着俄国爆发十月革命，芬兰拉1917年12月6号宣布独立。1918年个芬兰内战让俄国布尔什维克势力退出芬兰国土。拉短暂个王国政体倒台后，芬兰共和国拉1919年成立。1939年，苏联发动了苏芬战争，芬兰被迫割地，此后，芬兰拉1941年加入德国阵营参加了对俄战争。二战结束后，芬兰成为战败国，主权搭外交长期畀苏联牵制，呒没接受美国个马歇尔计划。苏联解体后，芬兰慢慢较摆脱仔苏联个影响，拉1995年加入欧盟。