普陀区（上海）

普陀区
普陀区
地名出处	普陀路
	; 普陀区个地理位置
概要
国家	中华人民共和国
上级行政区	上海市
区划类别	市辖区
建立辰光	1947年1月11号
政府地址	真如镇街道大渡河路1668号
区长	肖文高
区委书记	姜冬冬
乡级行政区数	10
- 镇数	2
- 街道数	8
地理
总面积	55.53平方公里
人口帮经济
总人口（2020）	1239800
- 户籍人口	89.94万
人口密度（2020）	22326.67人/平方公里
GDP（2022）	1248.23亿块人民币
人均GDP	10.07万块人民币
其他
邮政编码	200333
电话区号	86 (0)21
	网站：www.shpt.gov.cn
	查看模板及說明

普陀区是中国上海市个中心城区之一。在拉上海市中心個西北方向，苏州河来勒区南。普陀区個历史弗是老长，1940年代才出現，後來到八十年代，又大幅度兼併老早屬於嘉定縣個交關區域，才形成現在個面積。

乃朝个普陀区拥有长风新村、曹杨新村、真如、长寿路、宜川、甘泉等街道搭仔长征镇，还有桃浦新村。总体上普陀区呒明显个区域中心，大多为居住小区，近年來，普陀區個金沙江路搭仔大渡河路發展比較快，普陀區個區政府在拉大渡河路旁邊，普陀區個主要商業圈，除脫在拉長壽路之外，基本分佈在拉金沙江路周邊。

乃朝普陀区，已經從原先定義高頭個上海西大门，慢慢變成一個中心城區，此地個外来人口一直比較多，房价也跟捞外来移民上涨。

行政区划

普陀区有6个街道、3个镇，215个居委会、8个村委会，分别是曹杨新村街道、长风新村街道、长寿路街道、甘泉路街道、石泉路街道、宜川路街道、真如镇、长征镇、桃浦镇。

地理环境

此地是北亚热带南缘季风海洋型气候，常年温和湿润，冬暖夏凉，光照充足。年平均气温16.1℃ ，1月顶冷，温度平均有5.5℃ ,8月份热，温度有26.9℃，2150.7小时，全年≥10℃活动积温5009.6℃，无霜期235天。年平均降雨量1200mm。年平均相对湿度80%，是湿润或者半湿润个地区。

人口

普陀区个人口规模来勒上海城中心里向是老高个，来勒1949年之前，普陀区大部分地区和还弗来勒上海市区里向，人口比較多個地方，是長壽路附近個「三灣一弄」，以江北移民為主。

此地个人口增长大部分要归结于五十年代之后个工人新村建设。到1952年曹杨一村修造完成之后，普陀区陆陆续续修造交关新村，人口增长加快，大部分人口增长侪是从市区里向迁徙过来个居民，其中以工人为主。另外，老早个三湾一弄地区有交关江淮移民聚居。江淮移民也是普陀区一个重要个移民构成来源。到2010年，片普陀区户籍总人口87.89万人，全年户籍出生人口5883人，死亡人口7414人，户籍自然增长率-1.75‰，计划生育率99.78﹪，大部分人口个增长侪是外来流窜人口造成个。

文教

文化

普陀区个历史文化有交关底蕴，现在有各级文物点40多处，包括工业遗产、宗教建筑、文教建筑、民居宅邸、革命史迹各个方面。“苏州河十八湾”是上海搭东亚近现代工业个发祥地，有中央造币厂旧址、福新面粉厂旧址、江苏药水厂旧址、上海啤酒厂旧址、天利氮气厂旧址等20处工业遗产。普陀区也是工人运动发源地，现在还有交关工人运动遗址。

普陀区还有丰富个宗教文化资源，区内有上海唯一个元代地面建筑、全国重点文物保护单位真如寺大殿，还有闻名东南亚地区个玉佛寺、沪西清真寺等宗教寺庙。此外，区内还发现了保存完整、规模邪气大个元代水闸遗址，普陀区博物馆事业发展迅速，苏州河沿岸已建、在建个各类博物馆、艺术馆、纪念馆搭展示馆有将近20个，比方讲：元代水闸遗址博物馆、顾正红纪念馆、上海当代作家手稿作品收藏展示馆、上海造币博物馆、上海纺织博物馆、上海苏州河展示中心（梦清馆）、上海游艇游船展示馆、上海商标火花收藏馆、成龙电影艺术馆、工业遗址公园等，滨河博物馆走廊有一定个规模。

教育

普陀区有教育单位177所。其中，幼儿园72所，小学28所，中学48所，中等职业学校1所，特殊教育学校3所，教育学院1所，业余大学1所（另职工中专1所），社区学院1所，社区学校9所；还有现代教育技术中心、青少年中心、教育考试中心、教育人才交流中心等教育单位12所。在校学生84719人，其中中小学生56868人。在编在职教职工8938人,其中专任教师6050人，离退休教职工8461人

经济

普陀区个经济，大部分靠房地产拉动，还有交关工业园。像桃浦镇、长征镇等地，侪是一片一片个工业区。别个产业弗是老发达。现在正在进行个长风生态园建设，就是想吸引金融贸易等行业个公司进来。

娱乐

著名个娱乐场所有：月星环球港、农工商超市、曹杨电影院、中环百联等。来勒苏州河以南个长寿路街道，去市中心娱乐邪气便当。中环以外个居民欢喜去梅川路白相。

註釋

參考資料

外部链接