尼禄
尼禄·克劳狄乌斯·凯萨·奥古斯都·日耳曼尼斯（拉丁文：Nero Claudius Caesar Augustus Germanicus，37年12月15号－68年6月9号），同时也可以叫做尼禄·克劳狄乌斯·凯萨·杜路苏斯·日耳曼尼库斯（拉丁文：Nero Claudius Caesar Drusus Germanicus），是公元1世纪中期统治罗马帝国个皇帝（实际称号是元首），公元54年－68年当中掌权。伊是罗马帝国朱里亚·克劳狄王朝个最后一个皇帝。54年，伊继承克劳迪乌斯，成为罗马帝国皇帝。
喜好
[编辑]尼禄出身罗马贵族世家，从小欢喜体育搭艺术。伊邪气自负，拿自家比喻为顶顶伟大个艺术家。又经常参加古希腊奥林匹克运动会，还欢喜到剧场唱歌。伊对管理国家兴趣弗是老大，但对批评伊个人，报复心邪气重。立在伊老婆死脱之后，更加嘸人好管制到伊，伊就残害老百姓，并修造巨大个个人雕像让别人膜拜。公元64年，罗马发生邪气大个火灾。有人讲是尼禄故意放火，并一边放火一边对城市弹琴。
迫害基督徒
[编辑]立在基督教看来，尼禄是第一个公开大规模迫害基督徒个暴君。伊拉个依据是塔西佗等人个历史著作。弗过，其余资料并嘸类似充分佐证。基督教文献当中讲，尼禄拿基督徒丢到罗马竞技场当中喂狮子。