parer

Walon (Rifondou)

Etimolodjeye

Tayon-bodje latén "parare" (« aprester », « apontyî », « adjinçner », « arindjî », « assonrer »). Li sinse « espaitchî on laid côp » vént do spot latén si vis pacem para bellum (« si to vous l' påye, aponteye li guere »).

Prononçaedje

• AFE :
  • diferins prononçaedjes : /paʀe/ /pːaʀe/ /paːʀɛ/
  • prononçaedje zero-cnoxheu : /paʀe/

Viebe

Djin et tins	Codjowa
Cåzant Ind. pr. (dji, dj’)	pare
Atôtchî(s) Ind. pr. (vos, vs)	parez
Cåzants Ind. pr. (nos, ns)	parans
Rwaitants Ind. pr., nam. (i/il, ele/elle)	parnut
Cåzant Ind. fut. (dji, dj’)	parrè
Cåzant D.I.E. (dji, dj’)	paréve
Cåzant Suddj. pr. (ki dji, dj’)	pare
pårt. erirece (dj’ a, vos av)	paré
Ôtes codjowaedjes	sipepieus tåvlea

parer

1. (v. sins coplemint)
   1. (mot des cinsîs) taper foû l' erî-fa, po les frumeles des biesses di cinse.
      • Nosse cavale n' a nén co paré; fårè houkî l' årtisse.
   2. mawri, po des fruts.
      • Metoz parer les poeres (al bele tchambe, et-z î waitî tos les djoûs) — Motî do Coûtchant walon (fråze rifondowe).
      • Les messes ni sont nén maweures assez; i les fåt leyî parer — Motî do Coûtchant walon (fråze rifondowe).
2. (viebe å coplemint)
   1. sayî di n' nén atraper (on laid côp).
      • Dj' a paré l' côp — Motî d’ Bastogne (fråze rifondowe).
   2. rinde pus bea.
   • I vos fåt parer vosse lingaedje — Motî Forir (fråze rifondowe).
3. (viebe å prono) : Loukîz a : « si parer ». (di)
   1. si waeranti di (on laid côp)
      • Nos estans paré po l' ivier — Motî d’ Bastogne (fråze rifondowe).
   2. si bén moussî.
      • Ele si parént po-z aler å bal — Motî Forir (fråze rifondowe).
      • Elle esteut parêye come ene princesse — Motî d’ Bastogne (fråze rifondowe).

Ratourneures

1. paré come on djoû d' fiesse : bén prôpe (bén moussî).
2. parêye come ene marieye : bén prôpe, bén
3. parer ene pene : el taeyî po k' ele sicreye bén.

Parintaedje

• pareure
• parmint
• disparer

Mots d’ aplacaedje

• pare-brijhe
• pare-tchok

Sinonimeye

• (taper foû l' erî-fa) : netyî, purer
• (si bén moussî) : si braguer, si gåyoter, si niper, s' abiyî, si rabeazi

Ortografeyes

Divant 1900 :

• parez : E212 (a parez onne penne) ^(lére)
• paré : E203 ^(lére)

Après 1900, foû rfondou (Feller, Feller ricandjî, nén Feller) :

• parè : C8
• parér : O100
• parer : E1
• pârer : O4, S0

E rfondou walon :

• parer : R10 ^(lére)

Li mot n’ est nén dins : C106, R13

Ratournaedjes

v.s.c., taper foû l' erî-fa, po ene biesse

• Francès : délivrer ^(fr)

v.c. sayî di n' nén atraper (on mwais côp)

• Francès : parer ^(fr)

v.c. rinde pus bea

• Francès : parer ^(fr), orner ^(fr), embellir ^(fr)

v.pr. si moussî foirt bén

• Francès : se parer ^(fr), s'orner ^(fr), s'embellir ^(fr)

Francès

Viebe

parer (viebe å coplemint) & (viebe å prono)

1. parer parer (mot scrît eyet prononcî e francès come e walon)
   • Elle s'est parée de ses plus beaux atours. (elle s' a paré d' ses pus belès foufes, ... di ses pus belès mousseures; elle a metou ses pus belès lokes, ... ses pus beas mousmints.)
2. ritaeyî (les ongletes) a (ene vatche).
   • J'ai paré trois vaches. (Dj' a rtaeyî les pîs a troes vatches.)
   • Le véto a aussi paré les onglons antérieurs. (L' årtisse a rtaeyî les ongletes di dvant avou.)