estchanter

Walon (Rifondou)

Mwaisse cogne	forcoridjeye cogne sins dvanceye voyale
esperer	sperer

Etimolodjeye

Calcaedje do francès « enchanter » (minme sinse).

Prononçaedje

• AFE :
  • diferins prononçaedjes : /ɛs.t͡ʃɒ̃ː.ˈte/ /ɛs.t͡ʃɑ̃ː.ˈte/ /ɛ̃.ʃɑ̃ː.ˈte/ /ɛ̃.t͡ʃɑ̃ː.ˈte/ Prononçaedje a radjouter
  • prononçaedje zero-cnoxheu : /ɛs.t͡ʃɑ̃ː.ˈte/
• Ricepeures : es·tchan·ter

Viebe

Djin et tins	Codjowa
Cåzant Ind. pr. (dji, dj’)	estchante
Atôtchî(s) Ind. pr. (vos, vs)	estchantez
Cåzants Ind. pr. (nos, ns)	estchantans
Rwaitants Ind. pr., nam. (i/il, ele/elle)	estchantnut
Cåzant Ind. fut. (dji, dj’)	estchantrè
Cåzant D.I.E. (dji, dj’)	estchantéve
Cåzant Suddj. pr. (ki dji, dj’)	estchante
pårt. erirece (dj’ a, vos av)	estchanté
Ôtes codjowaedjes	come bouter

estchanter (viebe å coplemint)

1. emacraler.
   • Dji croe ki dji so-st estchantêye — Motî Forir (fråze rifondowe).
   • Les ptitès djins creyèt k' i gn a des grimancyins k' estchantèt les omes et les biesses — Motî Forir (fråze rifondowe).
2. rinde ahåyant.
   • Twè ki rispårda ene boune hinêye,
     Afîsse d’ estchanter l’ bele Mayon— Joseph Vrindts, ”Vîx Lîge” (1901), p.18, “Avâ l’ Aiwe” (fråze rifondowe).
   • Ome å cour di powete ki l' magriyete estchante
     Ostant ki l' croxhe-patårs linwtêye après ene pice d' ôr
     — Louis Lagauche, "L' inmant", Li tchanson del Mouze, (1947), p. 104 (fråze rifondowe).

Parintaedje

• estchanté
• estchanteu
• estchantmint
• distchanter

Sinonimeye

rinde ahåyant

• agali
• ahåyî
• ragaiyi

Ortografeyes

Après 1900, foû rfondou (Feller, Feller ricandjî, nén Feller) :

• anchanter : E21
• inchanter : O4
• intchanter : O4
• èstchanter : E1, E34

Ratournaedjes

emacraler

• Francès : enchanter ^(fr), ensorceler ^(fr)

rinde ahåyant

• Francès : enchanter ^(fr), charmer ^(fr), égayer ^(fr)