do

Walon (Rifondou)

Etimolodjeye 1

Tayon-bodje latén « de illo » (minme sinse). Dataedje do mot : 1250.

Prononçaedje

• AFE :
  • diferins prononçaedjes : /dɔ/ /dɛ/ /du/ /dy/; miersipepieuzmint e l’ notule ALW 2.?
  • prononçaedje zero-cnoxheu : /dɔ/
• Ricepeures : nén rcepåve

Etroclé årtike

	singulî	pluriyal
omrin	do / di l’ (divant voyale) d’ l’ (après et dvant voyale)	-
femrin	del / di l’ (divant voyale) d’ l’ (après et dvant voyale)	-

do omrin

1. pårtixhant årtike divant on sustantif omrin ki cmince pa ene cossoune.
   • Do pan et do boure ; do bon vén, do mwais peket, dinoz mu do laecea.
   • Dj’ avans yeu bråmint do må.
   • Pa do tins parey, ça crexhe.
   • Cwè çki fwait po do tins ?

Notule d’ uzaedje

Todi siervou avou on sustantif nén contåve.

Ratourneures

1. Fijhoz do bén a on tchén, i vs tcheyrè dins l’ mwin

Mots d’ aplacaedje

• nén do
• do côp / docô; do côp ki / docô ki
• do cotoû di
• mon do

Sipårdaedje do mot

Dins l’ Levant walon, i pout esse après l’ adviebe « nén » u « pus » : Loukîz a : « nén do » et « pus do ». Ôte pårt, on eploye « pont di » et « pupont di ».

Ortografeyes

Divant 1900 :

• dè : E203 ^(lére)

Après 1900, foû rfondou (Feller, Feller ricandjî, nén Feller) :

• dou : C8, G202 p., O2, O3, S117
• dè : E1, G202 p.
• du : G202 p., O2, O3, O4, S117
• do : C1, G202 p., S0

E rfondou walon :

• do : R9 ^(lére), R10 ^(lére), R11 ^(lére), R13

Ratournaedjes

pårtixhant årtike omrin, metans dins: «do laecea»

• Arabe : (mot avou tanwin sol dierinne lete: لَبَنٌ)
• Arabe marokin : (on n’ mete rén: حْليب)
• Almand : (on n’ mete rén: Milch)
• Inglès : (on n’ mete rén: milk)
• Espagnol : (on n’ mete rén: leche)
• Francès : du ^(fr) (du lait)
• Neyerlandès : (on n’ mete rén: melk)

Årtike

do omrin

1. replaece li definixhant årtike li.
   • Dji lyi dnéve li scramé laecea, nén cåzu do bon. — Sintake do walon del Gléjhe.

Ratourneures

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

1. fé do
   • a) si cdure come on, come (ene sakî di må rlomêye).
   • fé do malén, do mannet.
   • Ti n’ vénrès nén fé do Djåke Tatiche avårci, et rabocter tes viyès pîces ! F. faire le, se comporter comme.
     
   • b) fé° l’ mestî di.
   • fé do bokion.

III. [etrocla del divancete "di" definixhant årtike "li" divant on no omrin ki cmince pa ene cossoune]

1. mostrant l’ apårtinance.

1. • a) po les djins.
   • C’ est l’ fi do botchî. rl a: då. F. du. Ny. van de. Ingl. emantchaedje a bascoule.

1. • b) po les sacwès.
   • Li prumî do moes; al coine do bwès.

1. • 2. mostrant l’ divnance.
   • Il a toumé do meur. Ny. van de. Ingl. from the.

1. tins del.
   • Leyîz l’ finiesse å lådje po do djoû, dj’ el riclôrans po del nute — Motî d’ Bastogne (fråze rifondowe)..
   • I travaye di nute, i fåt k’ i doime do djoû — Motî do Coûtchant walon (fråze rifondowe).. F. pendant le. Ingl. during the.

1. på.
   • Dji so broûlé do solea.
   • Il a stî pûni do mwaisse.
   • Il a stî hagnî do tchén.
   • Dji vs åreu leyî prinde do leu°.
   • Dj’ a sogne k’ i n’ si fwaiye apicî do leu (Alcoran, rat. pa L. Mahin). F. par le. Ny van de. Ingl. by the.

1. å.
   • C’ est vint francs do kilo.

deus do cint 2 %.

1. • On metrè co bén vite ses sôs a deus do cint — Motî d’ Bastogne (fråze rifondowe).. rl a: åcint, porcint. F. pour cent.

1. a cåze di.
   • Dji voreu bén rexhe, mins dji n’ pou nén do docteur.

1. a pårti do, distant di.
   • On veyeut bén ça do gurnî.
   • Dj’ elzès rwaitive do docsal.

1. si dji sereu do: si dji sereu el plaece do.
   • Si dji sereu do mayeur, dji freu ôtmint.
   • Si dji sereu do mwaisse, ça n’ direut nén insi. F. à la place de.

IV. [divancete] di (metou po "di li", divant on viebe sustantivé ki cmince po ene cossoune).

1. • Il a toirt do vleur fé a s’ tiesse.
   • Dji n’ a nén stî fotou do m’ è sovni.
   • C’ est s’ plaijhi do s’ acahouter drî on bouxhon et do ratinde li bisteu ki distrût les dinrêyes (J. Calozet). rl a: å; rl a: sustantiver. F. le fait de. Ny. årtike "het" infinitif. Ingl. årtike "the" viebe avou l’ cawete -ing.

Dji so si malåde ki ç’ n’ est nén do dire dji so foirt malåde.

Disfondowes: dè, do, dou, du. Pc. & Gm: dou; (miersipepieuzmint el mape ALW 2.3).

Etimolodjeye 2

Scawaedje do bodje « dominus » (li signeur). Dataedje do mot : 17inme sieke.

Prononçaedje

• AFE :
  • diferins prononçaedjes : /doː/ /do/ (minme prononçaedje cåzu pattavå)
  • prononçaedje zero-cnoxheu : /doː/
• Ricepeures : nén rcepåve

Sustantif

singulî	pluriyal
do

do omrin

1. note di muzike, li prumire del game.
   • Do, c’ est mi ki l’ a sol dos ;
     Ré, rai d’ solea al rayire ;
     Mi, a mi, on n’ dit nén « ti ». — Tchanson des notes.
   • Do, ré, mi, fa, sol, la, si, do ; tos les gros tchets, c’ est des marcåds.

Mots vijhéns

Notes di muzike e walon

do

ré

mi

fa

sol

la

si

Ortografeyes

Après 1900, foû rfondou (Feller, Feller ricandjî, nén Feller) :

• dô : C1, E1, E34, O3, S0

E rfondou walon :

• do : R9 ^(lére), R10 ^(lére)

Ratournaedjes

do

• Inglès : do ^(en), C ^(en)
• Francès : do ^(fr)

Omofoneye possibe

• dos (o.n., boket do coir).

Inglès

Prononçaedje

• AFE : /duː/ (Inglutere); /du/ (Estats Unis)

Viebe

to do (v. sins coplemint)

1. fé (sinse djenerå).
   • Try to do your best.

     Sayîz d’ fé d’ vosse mî.

Ratourneures

1. how do you do?

Codjowa

do

2. Viebe « to do » å cåzant do prezintrece.
   • I do.
3. Viebe « to do » a l’ atôtchî do prezintrece.
   • You do.
4. Viebe « to do » des cåzants do prezintrece.
   • We do.
5. Viebe « to do » ås atôtchîs do prezintrece.
   • You do.
6. Viebe « to do » ås cåzants do prezintrece.
   • They do.
7. ((aidant viebe)) metou divant on viebe dins ene fråze di dmande å prezint.
   • Do you want any help?

     Vloz d’ l’ aidance?

8. ((aidant viebe)) metou divant on viebe dins ene fråze di noyaedje å prezint; Loukîz a : «do not» / «don't»