al viss al vass

Walon (Rifondou)

Etimolodjeye

Motire fwaite avou l’ shuvance i / a so : « vass » (viebe « aler » a l’ atôtchî camaraedrece do prezint d’ l’ indicatif, avou l’ cawete di codjowaedje « -ss » des viebes, come tot-z oyant tote les djins vos dire « wice vass ? ».

Advierbire

al viss al vass (nén candjåve)

1. sins saveur la k’ on va, sins tuzer.
   • Vos n’ estoz pus èn efant ; vos dvoz sepi si l’ crapåde vos dût ; on n’ si va nén spozer insi al viss al vass ; i s’ fåt cnoxhe, k’ on s’ hante divant çoula. — Dieudonné Salme, Li houlo, p. 248-249 (fråze rifondowe).
   • Dj’ el a drovou al viss al vass, tot stitchant m’ doet å mitan. — Gabriyel & Gabriyel (fråze rifondowe).
   • Al vole, on cloya l’ ouxh des djîsses.
     Li damadje des pezants bayås
     K’ apatraftént al viss al vasss,
     Resdondixheut come des eglomes
     E l’ påjhûlisté d’ ene eglijhe. — Joseph Mignolet, "Li tchant di m' tere", 1935, p. 40.
2. come on pout, nén trop bén, må, al varade, tot-z ovrant come on halcotî.
   • Dji saya d’ djåzer walon, mins al viss al vass. — J. Camus (!!! a-z aveuri) (fråze rifondowe).
3. sins mirlifitche, sins grandiveusté.
   • Les cmeres sol soû cactèt l’ alnute co pé k’ des wesses, … Cial, tot l’ monde vike sins nole manire, al viss al vass — Jacques Morayns, Piereuse (fråze rifondowe).
   • Les eures passèt l’ pus sovint
     Al viss al vass, sins rahour. — Jean Rode, dins on ratournaedje da Maurice Carême (fråze rifondowe).
4. sins ôre, di tos les costés.
   • Ké bazår ! totafwait est tapé al viss al vass, on n’ s’ î rtrouve pus. — Motî Haust (fråze rifondowe).
   • El guinguete tote frawiante di loumires,
     Ene sote muzike xhiltêye al viss al vass. — Jules Claskin, « Airs di flûte et autres poèmes wallons », édition critique de Maurice Piron, 1956, « Li maisse dèl djowe », 1924, p.52-53 (fråze rifondowe).

Sinonimeye

• d’ alvi d’ alvass

Mots vijhéns

(sins saveur la k’ on va)

• a l’ avire
• a l’ avire a l’ apoite

(come on pout)

• a l’ avirance
• come ci come ça

(sins mirlifitche)

• al disgoviene

Sipårdaedje do mot

w. do Levant

Ortografeyes

Divant 1900 :

• al-viss-al-vass : E203 ^(lére)

Après 1900, foû rfondou (Feller, Feller ricandjî, nén Feller) :

• al visse al vasse : E1, E170

Ratournaedjes

sins saveur la k’ on va

• Francès : à l’aveuglette ^(fr), au hasard ^(fr), à la volée ^(fr), à la billebaude ^(fr)

come on pout

• Francès : couci couça ^(fr), sans prétention

sins mirlifitche

• Francès : à la bonne franquette ^(fr), sans façon, simplement ^(fr)

sins ôre, di tos les costés

• Francès : à tort et à travers ^(fr), ça et là ^(fr), à droite et à gauche ^(fr), ab hoc et ab hac ^(fr)